Isayas 14:3 - Fanawbuid tagsibaliwas Fakayabian

³ Ngay taw Israel, gina ban Yawi gfafaingalay ayu siginan ay ngay fagidapun ay ay fagafanawaun ay siginan nu gafagsuguanan am,

Isayas 14:3 ပူးပေါင်းရင်းမြစ်များ

Isayas 11:10

Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 32:18

Fagayu am ku ngay taw, manabayan ban nu gbanwan am, ay anlangfe wam siginans faurianan. Ay di ban e gfasalag ayu.

Isayas 40:2

Malukmei tua nu garingang am sa sangay taw Erusalem. Foyungi anya te, antabu wan at fagidapun, ay nafalyam kwan at ngay asalanan. Nafaurianan au anya fagayu maksvn aroro sat ngay asalanan.”

Eremyas 17:4

Bunwa ban am ya tagagbilug ku nafon ayu fag talun. Namasik ngay fagsuguan kban ayu sa ay ngay fawayan, sa ay fagyudun toglag fag talun, aroro nafadotama am angku, ay ku dotama kata sik ngay afuy tagigang at yud karabung ya.”

Eremyas 30:10

Ku fagsuguan Akub at ngay kasugfunanan, lag am kalimu ay kamomuy. Au, Yawi, glong au te, namul kban ayu siginan tangayayu fag talun nu inda nu gatabanan am. Ay gina ban am anfoli, manabayan tuam, ay wa ban e kasalag ya ayu, ay wa ban am e fakalimuun ya.

Eremyas 30:8

Au, Yawi at Mabalyanan, glong au te, ginanya ban, kanya fagayu wa gdog ya nangafagsuguanan tibak talun. Nanggatvng kwan fantungud liug tagsit ngay tungud liug ay nanluas kwan fansiuk anya fagayu fag salambitan.

Eremyas 50:34

Au wan Yawi at Mabalyanan kanya fagayu at tagfalangfe. Ggubuk au anya ay gfae fagmanabayanun, dewa katanya, namaurianan kban tagbanwan sis talun Babilunya.

Esekyel 28:24

“ ‘Wa ban e talun ya at munakbang sis Israel tagfalingun anya, takata ngay dugi tagfamomuy at amatanganan. Kanya ban fag ngay taw sumaful te, au Yawi.’ ”

Sakaryas 8:8

Namafoli au anya fagayu sas Erusalem, ay namabanwan sanya. Ay gdog kyay ban gtuyan anya fagayu te, ku ngay taw, ay au ban at Dius at matuyan ay at mafanggubuk.”

Deuterunumyu 28:48

ay kanya ban namataban ayu sa ay ngay fawayan ay kabavn ban gfakamulun am laman sa anya fagayu. Kalunus ban am, ay kadanum, ay gayudan ay ngay lanbung, ay kamin ban fagayu nusnga setaw ay fagagbilugun. Kanya ban fagayu gfaidapan ayu yakmay ban am anbul.

At Nafasure 18:20

Useganani am tagsis banwa aroro at kindasug sa anya. Useganani, am Dius at ngay taw, ay at ngay nasugu, ay at ngay taglong, aroro Dius nafaurianan wa anya aroro sat nafakamulun sa ayu at mauri.’ ”