Isayas 14:2 - Fanawbuid tagsibaliwas Fakayabian

² Ay tiba bank talun at ngay taw ggubuk taw Israel laman manangafoli sas Yawi at nafon fag talun. Ngay taw Israel ban namagsuguan ngay taw tagsiginan tibak talun, ay tumaban ban at ngay nataban anya, ay namagtainan ebi at ngay nafaidapan anya.

Isayas 14:2 ပူးပေါင်းရင်းမြစ်များ

Alubad. 68:18

Ay gina o naundaud sa tiba tungud fag tungud buksul, nataban o ngayuk taw at nababawan ay at nagamatan. Ay nabul o ngay fanggalangun siginan sangay taw, anggan siginan at ngay nafamatungudun emu. Yawi em Dius, katsi gbanwan o sanya.

Isayas 18:7

Ay ginanya ban, e namuba sik ngay famonun sas Yawi at Mabalyanan siginan sik ngay taw tangabat ay madalusan at balat, tagbanwan sa sik talun tangayu at liskung; kanya fag ngay taw mabalyanan ay tibak taw at fakalimuun. Kanya ban namuba at ngay famonun sas Buksul Siun, sas Yawi at Mabalyanan at fagbanwanan.

Isayas 31:8

Fagayu taw Asirya umbul wan, dewa katanya, bunwa siginans fiso. Kanya ban fagayu lumagyu siginans awayan, ay fagayu at ngay baguama nangafagsuguanan.

Isayas 45:14

Yawi nalong sa sangay taw Israel te, “Namagtainan ban am ngay taw Igiptu, ay ngay taw Etiupya, ay ngay taw Saba fag gaban taw tangabat. Kanya ban fagayu umdasug sa emu gbuba at ngay ramraman ay at ngay gutluan, ay gtaban ban am anya fagayu, ay kanya ban fagayu nanmalub sa ay daga salubangan ay gfainfanyuan sa ayu te, ‘Anud, Dius gufud ayu, ay sas day anya we tibak Dius!’ ”

Isayas 49:22

Yawi tam Fun glong te, “Gyafe au sa sangay talun laman gfafoli am ngay taw sa emu kata at fagulitun fag ngay sisian.

Isayas 49:23

Ngay fun ban gasfuan at ngay mangena namaning emu. Kanya ban nangulit am ngay sisian, ay gtudan ban gseg emu, ay nangafagtainanan emu. Nu katanya, sumaful o te, au wan Yawi. Fagayu tagafanud sa angku di ban umyud e fagsegun.”

Isayas 49:25

Dewa katanya, Yawi nabalus te, “Kin, mafalangfe tuo am ngay fawayan at ngay nataban, ay manamul yay o at nabul fag ngay ramraman. Namawayan au at nafawayan emu ay namalangfe au am ngay taw.

Isayas 54:3

Aroro umbia ban am fagbanwanan ay umdugdug ban at fatuan, ay am ngay taw ban nangagbilug tibak talun ay gbanwan ban sanya.

Isayas 60:14

Tagfalingun ban emu at ngay sisian umkakbang sa emu ay kamababaun. Ngay tagfauri emu gtudan ban sam daga salubangan, ay kanya ban fagayu gngayan emu te, Yawi at Furuan, ay mannga ‘Siun, Israel at Dius at yud e Malong at Furuan.’

Isayas 60:4

Famanawani sam ligung, am ngay taw maful wan. Am ngay sisian fag ngay mangama tagsiginan tangayayu nantungul emu, ay am sisian fag ngay mangena kata ngay sisian tagasalilianan.

Isayas 61:5

Dius at ngay taw, tiba bank talun at ngay taw nangafagsuguanan ayu. Kanya ban fagayu nangalaga ay ngay fagbaugun, ay namakamulun sa ay daga ay sa ay ngay tanuman wat ubas.

Isayas 66:12

Aroro Yawi glong te, “Namaramraman kban furuan Erusalem. Ay tiba bank talun namuba sa anya at ngay ramraman, kata ban sik liskung nu glugwak. Ngay taw Erusalem umkata ban am sik ngenge; at mina galaga, gsalilian ay gfasusu, ay gugwan anya.

Eremyas 30:16

Dewa katanya, namaurianan kyangay ban at nafauri ayu, ay fagayu ban ay fawayan gatabanan. E namawayan yangay ban fagayu at nafawayan ayu, ay at nabul ay ngay fagagbilugun, e gbul yangay ban siginan anya.

Eremyas 49:2

“Au, Yawi, glong au te, kadasug ban sik menit, namafawayan au sik ngay fawayan sas Raba. Namarasras kban ay furuan daul, ay girug ban ay ngay furuan ayu sirut tagsi ay ngay ligung. Siginan ban takatanya fag balyawvtan, ngay taw Israel nangaiyan ngay taw at naiyan anya fagayu.

Esekyel 39:10

Kanya ban fag ngay taw wa nanrvbvy ya sarab siginan sad araw, aroro at famaygang kanya wa fag ngay famawayan. Nu katanya, kanya ban fagayu namul yangay kafag ngay taw at fagagbilugun tiba kata kafag ngay taw at nafakamulun sa anya fagayu. Au, Fun Dius Yawi taglong tuy.

Daniel 7:18

Dewa katanya, Tiba Tungud fag Dius ban namon sat ngay taw yud e malong fag fagmabalyananun laman ban gfunan kabavn.’

Uel 3:8

Namae bayad au ay ngay sisian sas talun Uda ay kanya fagayu namae bayad yangay anya sa sangay taw Saba tagbanwan sa tangayayu fag talun. Kanya umfasludan aroro au Yawi taglong tuy.”

Lebitiku 25:44

“Nu kaylat am sik fagsuguan, bayadi yakman ngay taw tagsiginan ay ligung fag ngay talun.

Ubadyas 1:17

Dewa katanya, taw Israel ban e kasawad yay sis Buksul Siun, ay kanya ban umsik matuyan fag furuan, ay Akub ban at kasugfunanan gdog yay nangagbilug at daga.

Sakaryas 2:13

“Fagayu am maragangani sis Yawi at daga salubangan, aroro kanya kadasug siginan at fagbanwanan at yud e malong.”

Sakaryas 2:9

“Namaurianan au anya fagayu, ay at ngay fagsuguan namawayan anya fagayu ay namul at ngay fagagbilugun. Ay nu nfasludan ban takatanya, sumaful am te, Yawi at Mabalyanan at nasugu angku.”

Lukas 12:45

“Ay sik fagsuguan nu mauri way, kanya gamatangan way te, ‘Glugo yay ban ku tagfayafun nu guli,’ ay gfasigad gfalang at iba fag ngay fagsuguan mangama ay mangena, ay kon ay ginum ay glanguan.

Ruma 15:27

Kanya fagayu maksvn nu guseganan gfon aroro katanya wan at matuyan, aroro kanya e bedan sa tam ngay faduksay sis Erusalem. At yud Udyu fag ngay taw e kwa wan sas fanfalad baliwa, siginan sangay taw Udyu. Nu katanya, at masine at yud Udyu fag ngay taw nu ggubuk yangay anya fagayu siginan takalag fag famonun.

2 Kurintu. 10:5

Ay grasras ami nusnga setaw fag famabadbaboan ay fagayu takamatungudun laman gsalag tibak taw nu kae fagsafulun sabaliwas Dius. Ay gtaban ami fagayu taw laman gfaning tua tam Fun Isus.

Galasya 5:13

Ku ngay faduksay, Dius nafili ayu laman diam sik ngay fagsuguan ya. Dewa katanya, at fagnafalfasun ayu bunwa laman namaning am ay bilug at fakaylatun, nu bunway edkesugani tua ay gudgubukani.

Efesu 4:8

Nu katanya, katatuy at Rirukan at foyungan te, “Kanya gina nkabat sas banwa nataban ngayuk taw ebi at natabanan. Ay nafon ngay famonun sa sangay taw.”

At Nafasure 3:9

Dungugani, namasalubang kban sa ayu ay namalub sa ay daga darafa Satanas at ngay taw, at nafamuag ay at nafamaningan te, kanya fagayu sik ngay taw Udyu. Namakamulun au takatanya sa anya fagayu laman sumaful te, kesug au ayu.