Isayas 14:1 - Fanawbuid tagsibaliwas Fakayabian

¹ At matuyan, Yawi ban kafanyu taw Israel ay gdog yangay nanfili at ngay taw, laman gdog yay namanwan sa ebi at talun, ay e ngay taw siginan tibak talun at magamut sanya.

Isayas 14:1 ပူးပေါင်းရင်းမြစ်များ

Ester 8:17

Ngay taw Udyu tagsis fagayu furuan ayu daul ay sa sangay afud talun at nadungug fun at suguan, maksvn nu guseganan. Ay sanya fag talun ngayu at kintaip te, taw Udyu aroro anlimu ngay taw Udyu.

Alubad. 102:13

Nasaful au te, namakamulun o laman namalangfe furuan Siun. Ay katsi andasug wan at buknga laman gfalag o am fakafanyun.

Alubad. 102:14

Yawi, ami am nafili fag ngay fagsuguan kesug tuami am furuan Siun, ay kesug yangay mi anggan at ngay alad gang at kinkiklas wan ay at lukbu.

Alubad. 143:12

Kesug tuo angku, am fagsuguan, nu katanya, fabuli wan ku ngay fawayan.

Alubad. 98:3

Kanya di kalyam nu kesug ay nu matuyan sa antam fag ngay taw Israel. Ay ngay taw sas fagdaul daga nalag tam Dius nu gfalangfe antam.

Isayas 19:18

Ay ginanya ban fag menit, limak furuan sis talun Igiptu namaning Yawi at Mabalyanan, ay garingang Ebreu fag fangaringang. Ay kafag limak furuan at sadi at ngayan te, Menit fag Furuan.

Isayas 21:1

Katatuy at foyungan sabaliwas Babilunya: At ngay fawayan ban umdasug kata sik tagbaribungan fag tagmara. Kanya dumalan sas talun Negeb siginans talun at yud e taw siginan sik malimu fag talun.

Isayas 27:6

Umdasug ban sik menit ngay taw Israel, Akub at ngay kasugfunanan, umke lalid yay kata sik tanum. Ay kanya ban umke ngay sanga, ay umke ngay barugwak, ay rumawvg ngayu, anggan umkapnu sas fagdaul daga.

Isayas 41:8

Dewa katanya, Israel, o wan ku nafili ay ku fagsuguan, ku fagadgalangan Abrayam at kasugfunanan,

Isayas 41:9

nafili au emu ay nabul siginan sangay fungfung daga. Ay nalong au emu te, “O wan ku fagsuguan.” Nafili au emu ay kdi ban gaiyan.

Isayas 44:1

Dewa katanya, katsi, Israel ku fagsuguan, dungugani. Akub at kasugfunanan, nafili au emu.

Isayas 45:14

Yawi nalong sa sangay taw Israel te, “Namagtainan ban am ngay taw Igiptu, ay ngay taw Etiupya, ay ngay taw Saba fag gaban taw tangabat. Kanya ban fagayu umdasug sa emu gbuba at ngay ramraman ay at ngay gutluan, ay gtaban ban am anya fagayu, ay kanya ban fagayu nanmalub sa ay daga salubangan ay gfainfanyuan sa ayu te, ‘Anud, Dius gufud ayu, ay sas day anya we tibak Dius!’ ”

Isayas 47:1

Yawi nalong te, “Babilunya, umlunggung ban o sasad lukbu, ay wa ban o e fagfagtainanan ya. Ebi kata oma o sik maylat fag baguina, ay katsi wo katanya ya.

Isayas 49:10

Kanya ban fagayu di kalunus ay di kadanum. Ay kanya ban fagayu di ban karoy siginan at magong fag talun ay menit at sugba. Nantaban kban anya fagayu sa sangay bulbug, aroro kafanyu au.

Isayas 49:13

Banwa, alubadi useganani. Fagdaul daga, useganani! Ngay buksul, alubadi. Aroro Yawi kesug ay gfasun ngay taw tagidapan.

Isayas 49:15

Dewa katanya, Yawi nabalus te, “O nunda sik mina kalyam at fagfasusuun fag sisian? O nunda wa kesug at ngenge? Sik mina nu ddi kalyam at sisian, kaugat wan nu yud au kalyam ayu!

Isayas 49:25

Dewa katanya, Yawi nabalus te, “Kin, mafalangfe tuo am ngay fawayan at ngay nataban, ay manamul yay o at nabul fag ngay ramraman. Namawayan au at nafawayan emu ay namalangfe au am ngay taw.

Isayas 49:7

Yawi wan Israel at Tagfalangfe fag Dius at yud e Malong. Ngay talun at ngay taw ay ngay fun at ngay fagsuguan nafalingun ay nafauri Yawi at fagsuguan. Ay Yawi glong sat fagsuguan te, “Ngay fun ban lumag emu, ay nangalindug gsuyu emu. Ngay fun ban nanmalub laman gseg emu. Umfasludan ban takatanya fagayu aroro au wan, Yawi at matuyan, ay Israel at Dius at yud e Malong, at nafili emu.”

Isayas 54:3

Aroro umbia ban am fagbanwanan ay umdugdug ban at fatuan, ay am ngay taw ban nangagbilug tibak talun ay gbanwan ban sanya.

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Isayas 56:3

Ngay taw tagsiginan tibak talun at nafatigwanan at ngay sadili sas Yawi, lag gamatangan te, wa katap ya sas Yawi at ngay taw. Ay ngay mangama at nafaluasan, lag gfanlonganan te, “Kata waymi sik fun kayu at mayangoan.”

Isayas 60:10

Yawi nalong sas Erusalem te, “Tagsiginan ban tibak talun at ngay taw nangawat am ngay alad, ay at ngay fun ban namakamulun sa emu. Dewa au nafaurianan emu aroro sa ku dotama, kafanyu au emu aroro matuyan ktua.

Isayas 60:14

Tagfalingun ban emu at ngay sisian umkakbang sa emu ay kamababaun. Ngay tagfauri emu gtudan ban sam daga salubangan, ay kanya ban fagayu gngayan emu te, Yawi at Furuan, ay mannga ‘Siun, Israel at Dius at yud e Malong at Furuan.’

Isayas 66:20

Ay kanya ban fagayu gina guli siginan sangay talun gtaban ban ay ngay kalongan. Kanya ban fagayu gsakay sit ngay kabayu, sit ngay mola, sit ngay kamelyu, ay sit ngay faguyudan. Ay gtaban ban sa ku nafili fag buksul at yud e malong tagsis Erusalem laman sik fanggalangun sa angku, kata ebi ngay taw Israel nu gfon at ngay fanggalangun si ku bale, fanggalangun fag ngay fakonun masuadan sit masine fag fagsuadan.

Eremyas 16:15

Nu bunway, kata way ban tuy nu gfatuyanan: ‘Gfatuyanan au sas Yawi, tagleleg fag Dius at nafaduksun ngay taw Israel siginans fawalan fag alvngvdan fag talun, ay sa sangay talun nu inda nu gfasaruayan anya fagayu.’ Aroro namafoli kban anya fagayu sa ku nafon sat ngay mangaguyang fag talun.

Eremyas 29:14

Anud, ggubuk kban ayu, ay gfafoli siginan ay fagatabananan. Ay gfaful kban ayu siginan sangay talun ku fagfasaruayanan ayu, ay gfafoli kban ayu sa ay talun.

Eremyas 30:8

Au, Yawi at Mabalyanan, glong au te, ginanya ban, kanya fagayu wa gdog ya nangafagsuguanan tibak talun. Nanggatvng kwan fantungud liug tagsit ngay tungud liug ay nanluas kwan fansiuk anya fagayu fag salambitan.

Eremyas 31:4

Gfadog kyay namalindug ayu kata sik baguina. Ay gdog yay ban am gfalelegan ay ngay afud bilug, laman guseganan am ay gfawang fagfadkalinganun.

Eremyas 50:33

Yawi at Mabalyanan nalong yay fia te, “Ngay taw Israel ay ngay taw Uda nafalingunan ay natabanan. Ay naulit fia anya fagayu laman wa manangafoli ya sat talun.

Eremyas 51:51

Nalong am te, ‘Kapla ami, gafalingunan ami ay gafaplan, aroro tagsiginan tangayayu fag ngay taw nafasuya Yawi at bale.’

Esekyel 16:60

Dewa katanya, namafasludan kyay ban ku nasadian sa emu ebi gina o mabaguina, ay nangawat au ta nasadian at yud ban e fakatabuan.

Esekyel 47:22

Am ban ay anggan tagsiginan tibak talun tagbanwan si ayu at kinke sisian at nangagbilug tuy fag daga. Tuyani anya fagayu te, ngay taw Israel, ay foni ban sik afud daga siginan sangay taw Israel at daga.

Sakaryas 1:17

Ay tagbarita nalong yangay sa angku te, “Katatuy Yawi at Mabalyanan at longan: ‘Gdog kyay namae ramraman ku ngay furuan tagsis Uda. Ay gdog kyay namasun Siun, ku nafili fag furuan Erusalem.’ ”

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Lukas 1:54

Dius nagubuk at fagsuguan fag ngay taw Israel, laman namafasludan at nafatuyanan te, ‘Kafanyu au anya fagayu kabavn ban.’

Lukas 2:32

Ay kanya ban sik salung sas yud Udyu fag ngay taw at yud yay natoglag emu, ay sik fagmasineun sa am ngay taw Israel.”