Isayas 13:22 - Fanawbuid tagsibaliwas Fakayabian

²² Ay ngay idu talun gsubang ay gbanwan sa sangay mogat fag ngay bale ay sa sangay bale daul. Munakbang wan talun Babilunya nu karasras; wa glugo ya.

Isayas 13:22 ပူးပေါင်းရင်းမြစ်များ

Alubad. 44:19

Dewa katanya, nafamomuy o ay nafabanwan emi sa ngay idu talun at fagbanwanan at maksvn nu madulum. Ay natabun o emi fagmadulumun.

Isayas 14:23

Ay fagdaul ban talun Babilunya namasik talun au ngay mela at fagbanwanan, ay kata sik bunaw tagamakmakun, ay rumasras kban kata nu e nawaris. Au, Yawi at Mabalyanan, taglong tuy.”

Isayas 25:2

Narasras wo at maaladan fag ngay furuan sa tibak talun. Ay narasras wo yangay tibak talun at ngay taw at mogat fag furuan, ay wa ban e gdog ya nangawat.

Isayas 32:14

Wa ban e gbanwan ya sanya fag furuan at maksvn fag afud, ay tagsanya fag buksul ay bale fagulitan umsik talun way ban kabavn, ay ngay asnu at fagbanwanan ay ngay tupa at fagnanfangonan.

Isayas 34:13

Ay tumugbung sanya sik ngay makmak madugi sit maaladan fag afud furuan. Ay sanya ban tagbanwan sik ngay ebo way lang ay ngay idu talun.

Isayas 34:14

Maful waban sanya fagayu mela ay ngay idu talun. Ay ngay kambing talun nangudgunian, ay at ngay mela tagfanlo sad yabi namanwan sanya.

Isayas 35:7

Ay at masugba ban fag lagnasan umke lino. Ay at magong fag talun umke bulbug tua. Ay sanya ban tumugbung nusnge wain fag makmak sa sangay idu talun at dan fagbanwanan.

Isayas 43:20

Fagayu ban mangilafang gfauseganan angku, gasfuan ngay idu talun ay ngay ebo, aroro namae bulbug kban sat magong fag talun, laman ku nafili fag ngay taw e fanginum tua.

Eremyas 48:16

Munakbang wan talun Muab nu kafaurianan.

Eremyas 51:33

Yawi at Mabalyanan, Israel at Dius, glong te, “Talun Babilunya kata sik tanum at munakbang wan nu kagutlu ay nu e gruyus.”

Eremyas 9:11

Yawi glong te, “Nanrasras kwan Erusalem, ay kanya umkata at kinbaras fag ngay gang, ay tagbanwan ban sanya idu talun way lang. Ay fagayu ban furuan tagsis Uda namakata au at yud e taw fag talun, ay wa ban e gbanwan ya sanya.”

Takabalu 4:3

Ngay idu talun gfasusu tua at ngay riangan, dewa katanya, ku ngay taw madot way sat ngay sisian, gfaning tagbia fag manuk tagsis talun at yud e taw.

Mikas 1:8

Nu katanya, Mikas nalong yay fia te, Aroro Samarya ban kaiklas wan, maksvn nu gwayway au ay kabalu, ay kwa galapakan ya, ay kwa galanbungan ya laman gfalag te, kabalu au. Maksvn nu gwayway au kata sik idu talun nu gsubang ay kata sik liaw nu guni.

Abakuk 2:3

Riruki yap lang aroro ya ndasug at buknga nu kafasludan, dewa ban glugo yay, fanyai yap, aroro matuyan umfasludan ban.

Sefanias 2:14

Ay kanya ban fag talun umkata sik fagnamafangonan kambing ay baka ay tiba yak mangilafang. Ay ginanya ban, ngay liaw nangafun sat mayabuk fag ngay turuk ay kadungug nu guni sis fagbanawanan. Ay at ngay sakbawan at fandingding fag kayu sidru umkiklas.

Deuterunumyu 32:35

Yawi glong te, “Au ban at namasud ay at namaurianan anya fagayu, aroro sik buknga ban kanya fagayu umdangsal. Munakbang wan nu gfaurianan au anya fagayu.”

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.