Isayas 13:20 - Fanawbuid tagsibaliwas Fakayabian

²⁰ Ay wa ban e namanwan ya sanya kabavn. Anggan ngay taw Arabya wa ban kaylat ya namale at bale ramit sanya. Ay wa ban e namafangon ya sanya ngay tupa.

Isayas 13:20 ပူးပေါင်းရင်းမြစ်များ

2 Krunika 17:11

Ay tibak taw Filistia nabuba at ngay famonun fag ngay salapi laman at famayad sas fun Eusafat, ay ngay taw Arabya nanamon yangay fituk libu fituk sandank tupa ay fituk libu fituk sandank kambing.

Ub 3:7

Kwa nangus ansalug ya ginanya fag yabi, satu ro ginanya we nauseganan ya.

Sulumun at Alubad 1:7

Ku fakesugun fag mangama, longi tua angku, nu dada nu namafangonan o am ngay fagbaugun, ay nu inda nu gfafiangalay o am ngay fagbaugun galay buknga menit? Foyungi tua angku, laman kwa nanrvbvy ya sam ngay fagadgalangan fag ngay tagalaga fagbaugun. Aroro kanya ro fagayu namatangan te, kata au sik takamatugtug fag mangena.

Isayas 14:23

Ay fagdaul ban talun Babilunya namasik talun au ngay mela at fagbanwanan, ay kata sik bunaw tagamakmakun, ay rumasras kban kata nu e nawaris. Au, Yawi at Mabalyanan, taglong tuy.”

Isayas 21:1

Katatuy at foyungan sabaliwas Babilunya: At ngay fawayan ban umdasug kata sik tagbaribungan fag tagmara. Kanya dumalan sas talun Negeb siginans talun at yud e taw siginan sik malimu fag talun.

Isayas 25:2

Narasras wo at maaladan fag ngay furuan sa tibak talun. Ay narasras wo yangay tibak talun at ngay taw at mogat fag furuan, ay wa ban e gdog ya nangawat.

Isayas 34:17

Kanya yangay at nafae fagbanwanan ngay mangilafang, laman gagbilug ban kabavn, ay sanya ban nu gbanwan kabavn.

Eremyas 49:33

Kabavn ban mabalu way lang sis furuan Kasur; tagbanwan ban sanya idu talun way lang.”

Eremyas 50:13

At kaksvnan nu kadotama au kafag talun, wa ban e gbanwan ya sanya ay mabaluanan way lang ban. Ay fagayu ban tagdalan sanya umdulo.

Eremyas 50:21

Yawi nalong yay fia te, “Namawayan am talun Merataim ay talun Pekud. Namabul am anya fagayu yakmay namin laman sik fanggalangun sa angku. Faningi fagayu ku suguan ayu.

Eremyas 50:3

E sik talun ban siginans fawalan fag alvngvdan namawayan talun Babilunya, ay Babilunya ban mabaluanan way lang. Ay wa ban e gbanwan ya sanya aroro at ngay taw anggan at ngay fagbaugun nalagyu wan.

Eremyas 50:39

“Tagbanwan ban sis talun Babilunya ngay mangilafang way lang at mela, ngay idu talun, ay ngay ebo. Ay wa ban e taw ya at namanwan sanya kabavn.

Eremyas 50:45

Nu katanya, dungugani, katatuy ku algan ku fagnamakamulunun sas talun Babilunya: Gtaban kban at ngay sisian ay nanrasras kban at ngay fagbanwanan.

Eremyas 51:25

O, talun Babilunya, ku fawayan way o, nafangayan emu te, Tagfanrufa fag Buksul. Gfanrufa o fagdaul daga. Siginan ku fagmabalyananun nanrasras au ay nangirug emu.

Eremyas 51:29

Talun Babilunya ban guigan kata sik taw tagtadtaruyan ay maksvn at fakasaitun, aroro Yawi namafasludan wan at algan sanya fag talun laman we gbanwan ya sanya ay laman umsik mabaluanan.

Eremyas 51:37

Nanrasras kwan kafag talun, ay tiba bank taw umdulo at kindasug sa anya fagayu, ay gfalingun, ay tagbanwan ban sanya ngay idu talun way lang.

Eremyas 51:43

Ay sanya fag ngay furuan mabaluanan way lang kata sik talun at yud e gbanwan ya ay at yud e gdalan ya.