Isayas 13:19 - Fanawbuid tagsibaliwas Fakayabian

¹⁹ Talun Babilunya amasine yap tua tibak fagfagtainanan. Siginan takatanya, at ngay taw kamatungudun. Dewa katanya, rumasras kban kata Suduma ay Gumura.

Isayas 13:19 ပူးပေါင်းရင်းမြစ်များ

Fakasigadan 19:24

Yawi nafadasug wa vtv sik tagigang fag afuy sas furuan Suduma ay Gumura.

Fakasigadan 19:25

Yawi nafamin kanya fag duak furuan ay anggan kafag datag fagdaul. Ay fagayu tagbanwan sanya anbul wan ay namin wan anggan at ngay fananumun.

Isayas 13:1

Katatuy Yawi at foyungan sabaliwas talun Babilunya, at nafoyung sas Isayas, Amus at baguama:

Isayas 21:9

Damai! E kadasug wa ngani sik taw gsakay si sik ngay kabayu at faguyudan. Ay kafag taw glong te, ‘Niklas wan Babilunya! Anggan fagayu at ngay fagsegan narit sas daga ay anrufa wan.’ ”

Isayas 47:5

Yawi nalong te, “Babilunya, nanmalunggung o maragangan sasad dulum. Wa ban e gfangayan ya emu te, ngay fagfagtainanan o at fun fag mangena.

Isayas 48:14

Fagayu am mafuli ay dungugani: Sinu fag fagsegan at nafoyung te, ku fagadgalangan ban namawayan Babilunya, laman namakamulun ku algan sanya fag talun? Duan!

Eremyas 25:12

“ ‘Ay nu nlangfe ban fituk safuluk banwa, gfaurianan kyangay ban Babilunya at fun anggan at ngay taw aroro sat ngay asalanan. Gfasik mabaluanan kyangay ban at ngay furuan kabavn.

Eremyas 49:18

Nu setain Suduma ay Gumura ay tagsit ligung fag ngay furuan nu karasras, katanya yangay ban takafasludan sas Edum, ay wa ban e gbanwan ya sanya. Au, Yawi, taglong tuy.

Eremyas 50:40

Nu setain Dius nu grasras Suduma ay Gumura ay tagsit ligung fag ngay furuan, katanya yangay ban takafasludan sas talun Babilunya. Ay wa ban e gbanwan ya sanya. Au, Yawi, taglong tuy.

Eremyas 51:26

Wa ban e gang ya fangawat bale siginan emu. Ay umsik mabaluanan way ban o kabavn. Au, Yawi, taglong tuy.

Eremyas 51:29

Talun Babilunya ban guigan kata sik taw tagtadtaruyan ay maksvn at fakasaitun, aroro Yawi namafasludan wan at algan sanya fag talun laman we gbanwan ya sanya ay laman umsik mabaluanan.

Eremyas 51:41

Setain talun Babilunya nu karasas? Ay kanya oma ngay talun sas fagdaul daga at fakaduloun! Malimu tagdama at kinfasludan sa anya!

Eremyas 51:62

Ay nu ntabu wan, darangini sas Yawi te, ‘Rasrasi wan kafag furuan laman we gbanwan ya sanya dewa taw ay nusnge wain tagleleg ay laman ban kafag furuan umsik mabaluanan way lang.’

Daniel 4:30

kanya nalong te, “Anud, Babilunya sik mabalyanan ay sik masine fag furuan daul ku nafawat siginan ku fagmabalyananun laman gfauseganan angku.”

Amus 4:11

Nafabul kwan ayu tiba kata ku nafakamulun sas Suduma ay sas Gumura. Ay am at kinlangfe, kata am sik ngay famaygang at nabul siginan sad afuy. Dewa katanya, yam kafoli sa angku. Au, Yawi, taglong tuy.

Ruma 9:29

Ay Isayas nafoyung te, “Tam Fun at Mabalyanan nu dway ro nafae sawad ya antam fag kasugfunanan, matuyan satu ro ankata tam sfuruan Suduma ay Gumura.”

Deuterunumyu 29:23

Ay fagdaul ban ay fagbanwanan umkata sik talun at yud e taw, asupre ay barara at natabun. Wa ban e gtanum ya sanya fag talun aroro we gtugbung ngay fananumun. Ay umrasras ban kata furuan Suduma ay Gumura, ay Adma ay Sebuyim, Yawi at nafaurianan aroro maksvn nu kadotama.

At Nafasure 18:11

“Ay fagayu tagfalao sas fagdaul daga gwayway ay kabalu sat kindasug sanya fag furuan, aroro we gbul ya at famaloun.

At Nafasure 18:19

Ay kanya ban fagayu gwayway ay gfasat alfuyu dafug, fakatoglagan te kabalu, ay guro te, ‘Fangulan, fangulan, o fag furuan takadungug. Fagayu at ke sakayan lino, anramraman siginan am ramraman. Ay am ramraman nu kamin sik buknga way sirut!