Isayas 13:14 - Fanawbuid tagsibaliwas Fakayabian

¹⁴ Tibak talun at taw tagbanwan sis talun Babilunya lumagyu ban, laman kafoli sat mesa talun kata nu e gfafalo sik arasyo. Kafag ngay taw ban guli kata sik ngay tupa at yud e galaga ya.

Isayas 13:14 ပူးပေါင်းရင်းမြစ်များ

1 Fun 22:17

Ay Mikaya nalong te, “Nataginfan au ay nalag ngay taw Israel nu gfanaruayan sa sangay buksul kata ngay tupa yud e gulit ya. Ay Yawi nalong te, ‘We gfangguna ya kanya fag ngay taw. Faulii wan manabayan kanya fagayu.’ ”

1 Fun 22:36

Ay menit nu kafalyu wan, e nauro sa sangay tagfawayan te, “Galay am at sadi ulii wan sa ay mesa furuan.”

Isayas 17:13

Dewa katanya, dewa garingang ngayu kata sik lugwak nu gfawas, kanya ban fagayu lumagyu kaduge Dius gagras anya, kata sik naglayapan tagsis buksul, tagmara nu gfalayug, ay kata sik nagutan tagbaribungan fag fulug nu gfalayug.

Isayas 21:15

Kanya fag ngay taw nalagyu at maksvn fag awayan ay tagfafalo anya fag ngay taw tagafisoan ay tagagodunan.

Isayas 47:15

Kafag ngay taw am fagnangetan fangatulun siginan ngay nu masisian o, katanya way gugat at fagmafakamulunun. Kanya fagayu gtaglayun glao sat dalan, ay we mafalangfe ya emu.

Eremyas 25:12

“ ‘Ay nu nlangfe ban fituk safuluk banwa, gfaurianan kyangay ban Babilunya at fun anggan at ngay taw aroro sat ngay asalanan. Gfasik mabaluanan kyangay ban at ngay furuan kabavn.

Eremyas 50:16

Aiyani wan siginans talun Babilunya at ngay tagtanum ay at ngay taggutlu. Falangfei at ngay natabanan siginan at ngay fawayan at fiso tagsumbalian at uyup ay falagyui wa kanya fagayu ay faulii sat mesa fagbanwanan.

Eremyas 51:9

Ngay taw Israel tagbanwan sanya glong te, “Nafabulun oma mi nafafia talun Babilunya, dewa katanya, kanya wa kafia ya. Nu katanya, gfabayan watam anya, ay guli watam sa tam mesa talun, aroro at ngay asalanan andasug wan sas banwa. Nu katanya, Yawi ban gfaurianan wan anya.

Naum 3:18

Asirya at fun, am ngay tagfangguna umbul, ay am ngay taw umsaruayan sa sangay buksul, ay wa ban e namaful ya anya fagayu.

Mateu 9:36

Ay Isus nu nalag kanya fag ngay taw, anfanyu, aroro gidapan ay we ggubuk, aroro kanya fagayu kata way ngay tupa at yud e galaga.

Markus 6:34

Isus nu naduksun siginans sakayan lino, kanya nalag ngayuk taw, ay anfanyu aroro kanya fagayu kata way ngay tupa at yud e galaga. Ay Isus ngayu at nafoyung.

1 Pedru 2:25

Ebi kata am sik ngay tupa at malyaman, dewa katanya, kanya nafafoli yay ayu sa tam Fun Tagalaga ayu.