Isayas 12:6 - Fanawbuid tagsibaliwas Fakayabian

⁶ Ngay taw Siun, uroi alubadi nu guseganan am. Aroro mabalyanan si ayu taw Israel at Dius at yud e Malong.”

Isayas 12:6 ပူးပေါင်းရင်းမြစ်များ

Alubad. 132:14

“Namanwan kban ay nanfiangalay ste kabavn, aroro katanya ku fakaylatun.

Alubad. 135:21

Segi Yawi sis Buksul Siun, aroro kanya gbanwan tua sis furuan Erusalem. Segi Yawi!

Alubad. 46:5

Dius gbanwan sanya, nu katanya, di ban kaiklas. Siginan sbalabag, Dius galaga wan.

Alubad. 68:16

Fungsu Basan, wain am fagnantungudun Buksul Siun? Ay Siun way Dius at nafili laman at fagbanwanan ban kabavn.

Alubad. 71:22

Ku Dius, aroro siginan am fagmatuyanun, gfawang au fagfawangun ke ngay bakyang laman gfauseganan emu. Israel at Dius at yud e Malong, galubad au gfauseganan emu gfasfuan nu gfawang au sik fagfawangun.

Alubad. 89:18

Yawi, Israel at Dius at yud e Malong, nafili tuo em fun, laman em tagfangguna.

Alubad. 9:11

Alubadi useganani sas Yawi, Erusalem at fun! Ay foyungi sa sangay talun at taw at ngay fakamulun!

Alubad. 99:2

Yawi wan at mabalyanan sis furuan daul Siun, ay gtungud tua sas fagayu talun.

Isayas 1:24

Nu katanya, em Fun, Yawi at Mabalyanan, Israel at Dius glong te, “Dungugani! Namadasug kban ku dotama ay namasud ku ngay fawayan siginan sik maksvn fag faurianan.

Isayas 10:24

Nu katanya, tam Fun, Yawi at Mabalyanan glong te, “Ku ngay taw tagbanwan sis Siun, lag am kalimu ngay taw Asirya at nafaidapan ayu kata ebi ngay taw Igiptu nu gfaidapan ayu.

Isayas 24:14

At kinsawad ban fag ngay taw gfanguroan guseganan. Ay tagbanwan sas fakayabian baliwa namoyung ban Yawi at fagmabalyananun.

Isayas 24:23

Magdanun ay menit umdulum ban, aroro Yawi at Mabalyanan gfunan ban sas Buksul Siun, sis furuan Erusalem. Ay sanya ban nu msure at kamasuloan sa sangay fagtainan at daga salubangan.

Isayas 30:19

Ngay taw Siun tagbanwan sis furuan Erusalem, wa ban am gdog ya gwayway! Yawi kafanyu tua ban ayu nu get tuam gubuk sa anya. Ay gina nadungug ay darangin gbalus wa fia.

Isayas 33:21

Sanya wan Yawi nu gfalag sa antam te, kanya tua tam Dius at Mabalyanan. Erusalem umkata sik furuan at ke tagbia fag mamam ay ke bulbug, ay at ngay fawayan at ngay sakayan lino wa madife sanya.

Isayas 33:24

Sis Erusalem wa ban e glong te, “E fakasaitun au.” Ay Dius ban gfalyam wan tagsanya at ngay asalanan.

Isayas 40:9

Am fag ngay taw tagbuba at masine fag barita sas Siun, Erusalem fag furuan, undaudi sa tangabat fag buksul, ay uroi foyungi at masine fag barita. Uroi ay dangay kalimu; foyungi sa sangay furuan tagsis Uda te, “Kadasug wan ay Dius.”

Isayas 41:14

Dewa o mamomuy ay alay, lag kalimu aroro au wan taggubuk emu. Au Yawi taglong takatanya. Au wan am tagfalangfe, Israel at Dius at yud e malong.

Isayas 41:16

Nanlayap o laman umlayug, ay sik maksvn fag tagmara namarapyag. Ay dewa katanya o nanguseganan tuo sas Yawi, ay nanseg tuo Israel at Dius at yud e Malong.

Isayas 49:26

Namaon kban sa sangay taw at nafalingun emu at sadili bilug, ay kanya ban fagayu umkata sik ngay tagalangu aroro nainum at sadili taguk. Nu katanya, fagayu ban taw sumaful te, au wan Yawi, at nafalangfe ay at nafalfas emu, Akub at Dius at mabalyanan.”

Isayas 54:1

Yawi nalong te, “Erusalem, o takata sik mangena tagaranas, alubadi. Alubadi ay uroi useganani, o at yud batang gidapan gfasalug. Aroro am mangama ban dewa naubun emu, umke sisian ban o ayu yap tua sik mangena ke mangama at sisian.

Isayas 60:16

Ngay talun ban ay ngay fun galaga emu kata sik mangena nu gfasusu at ngenge. Nu katanya, sumaful ban o te, au Yawi, am Tagfalangfe, Akub at Dius at Mabalyanan.

Isayas 8:18

Ste au ay anggan ku ngay sisian Yawi at nafon angku. Ami wan sik ngay fakatoglagan siginans Dius laman sa sangay taw Israel, sabaliwas Yawi at Mabalyanan tagbanwan sis Buksul Siun.

Eremyas 10:6

Yawi, we mafasud emu; mabalyanan tuo ay am ngayan kadungug.

Esekyel 35:10

“ ‘Nalong am te, nangagbilug am Uda ay Israel, au, Yawi dewa au gufud kafag ngay taw.

Esekyel 39:7

“ ‘Namatoglag kban sa ku ngay taw Israel ku ngayan yud e malong, ay kwa ban kaylat nu e gfauri ku ngayan. Ay fagayu ban talun at ngay taw sumaful te, au Yawi, Israel at Dius at yud e malong.

Esekyel 43:7

Glong sa angku te, “Taw at baguama, ste ku faglunggungan ay ku fagfatungkudan ku darafa. Namanwan kban ste magamut ngay taw Israel kabavn. Kanya ban fag ngay taw anggan at ngay fun wa namauri ya ku ngayan, siginan nu gseg tibak fagsegan, ay sat nawat fag ngay aninu famamatang at ngay fun at kinbul.

Esekyel 48:35

“Nu katanya, fagdaul alad at kabaan siamk libuk sangbada. Ay siginan ginanya fag menit, furuan daul kangayan te, ‘Yawi gbanwan sanya.’ ”

Esekyel 48:8

“Tagsis Uda at fawalan fag afud daga, tuyani te, sik fanggalangun sa angku. Kafag daga at kabaan labi duak libuk sangbada siginans fakamenitan sitsigons fakayabian. Ay at kadaulan kadaul sik kasugfunanan at daga. Ay sanya wan nu kawat ku bale.

Usea 11:9

Ay kwa ban gfasure ya at maksvn ku dotama. Ay kwa ban gfamin ngay taw Israel, aroro au wan Dius bundi au taw. Au wan at matuyan fag Dius tagufud ayu. Kwa kadasug sa ayu at ke fandotaman.

Uel 2:27

Nu katanya, sumaful am te, si ktua gugat ayu fag ngay taw Israel. Au wan ay Dius Yawi. Ay kabavn ban, diam gafaplan.”

Sefanias 2:5

Ida am, ngay taw Filistia tagbanwan sis tigyangan dagat. Katatuy Yawi at longan sabaliwa ayu: Namaurianan kwan ayu fag ngay taw Filistia tagbanwan sis Kanaan; namamin kwan ayu fagayu, ay kwa namae sawad ya.

Sakaryas 2:5

Yawi nalong te, ‘Au ban sik dingding alad afuy sas furuan Erusalem, ay au yangay ban tagfae fagmasuloun kafag furuan.’ ”

Sakaryas 2:9

“Namaurianan au anya fagayu, ay at ngay fagsuguan namawayan anya fagayu ay namul at ngay fagagbilugun. Ay nu nfasludan ban takatanya, sumaful am te, Yawi at Mabalyanan at nasugu angku.”

Tap 23:21

Kwe nalag faurianan ay fagidapun takadasug sas Israel. Yawi galo anya fagayu; ay ngay taw gafanud te, kanya wan at fun.

Deuterunumyu 23:15

Sik fagsuguan nu nalao siginan at tagfayafun ay nalagyu sa ayu, lag am gfabulun gfafoli anya sat tagfayafun.