Isayas 12:5 - Fanawbuid tagsibaliwas Fakayabian

⁵ Alubadi sas Yawi aroro at ngay nafakamulun madulo. Ay foyungi sa sangay taw sas fagdaul daga.

Isayas 12:5 ပူးပေါင်းရင်းမြစ်များ

Alubad. 105:2

Alubadi fauseganani anya, ay longi at ngay nafakamulun at madulo.

Alubad. 72:19

Nu katanya, kabavn segi anya. Ay at fagmasineun nangus umfagdaul sas fagdaul daga. Anud! Katanya wa fia!

Alubad. 98:1

Alubadi sas Yawi sik bagu fag alubad, aroro kanya nafakamulun nusnge wain at madulo, ay siginan at fagmabalyananun ay at fagmabitsugun nababo at ngay fawayan.

Nu Galin 15:1

Muisis ay ngay taw Israel galubad sik alubad sas Yawi te, “Galubad au sas Yawi aroro kanya nababo wan. Ay naukas sas dagat ngay kabayu ay ngay tagsakay sanya.

Nu Galin 15:21

Ay Miryam nalubad tuy fag alubad sa anya fagayu: “Fagayu am alubadi, aroro Yawi nababo wa fia. Ay naukas wan sas dagat ngay kabayu ay fagayu tagsakay sanya.”

Isayas 24:14

At kinsawad ban fag ngay taw gfanguroan guseganan. Ay tagbanwan sas fakayabian baliwa namoyung ban Yawi at fagmabalyananun.

Isayas 40:9

Am fag ngay taw tagbuba at masine fag barita sas Siun, Erusalem fag furuan, undaudi sa tangabat fag buksul, ay uroi foyungi at masine fag barita. Uroi ay dangay kalimu; foyungi sa sangay furuan tagsis Uda te, “Kadasug wan ay Dius.”

Isayas 42:10

Alubadi sik bagu fag alubad sas Yawi! Fagayu am tagsis fagdaul daga, alubadi sik ngay famauseganan anya. Segi yangay anya, fagayu am tagsis sakayan lino, ay fagayu tagbanwan sa tangayayu fag ngay talun tagsis wabilug dagat.

Isayas 42:11

Segi anya, fagayu am fag ngay furuan sat magong fag talun ay anggan am fag ngay taw Kedar. Ngay taw Sela, alubadi useganani. Uroi useganani tagsis sangay tungud buksul.

Isayas 44:23

Banwa, alubadi useganani! Fagdaul daga, uroi! Am fag ngay buksul ay fag ngay araw, alubadi! Aroro Yawi ban namalangfe Akub at ngay kasugfunanan, ay namasure at fagmabalyananun sa sangay taw Israel.

Abakuk 2:14

Aroro nu setain mamam nu mapnu sis dagat, umkayu yangay ngay taw at fagsafulun sabaliwas Yawi at fagmabalyananun.

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

At Nafasure 15:3

Ay kanya fagayu galubad Dius at fagsuguan, Muisis ay Tupa Riangan at alubad te, “Dius em Fun at mabalyanan sas fagayu, am ngay fakamulun mabalyanan ay madulo, am ugali matuyan ay mafanud, o wan fagayu talun at Fun.