Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isayas 12:4 - Fanawbuid tagsibaliwas Fakayabian

4 Ginanya ban fag menit, nangalubad am te, “Fagayu am fauseganani Yawi! Segi anya! Foyungi sas fagayu taw at ngay nafakamulun.

အခန်းကိုကြည့်ပါ။ ကော်ပီ




Isayas 12:4
42 ပူးပေါင်းရင်းမြစ်များ  

Fagayu am, fauseganani Yawi, ay darangini sa anya. Ay foyungi yangay sa tibak talun at ngay taw at ngay nafakamulun.


“Yawi, o wan at fun sas fagayu nusnge wain, ay at mabalyanan, ay sik fagsuyuun tagtungud sas fagayu, ay at mauseganan! Aroro o way tagagbilug fagayu tagsis banwa ay tagsis daga.


Ay Eswa, Kadmiel, Bani, Kasabneya, Serebya, Udya, Sebanya ay Petakya, kanya fagayu sik ngay taw Lebi ay sik ngay tagfangguna ay kanya wan fagayu at nananguro ngay taw laman nanseg. Kanya fagayu glong sa sangay taw te, “Alindugi, ay segi ay Dius Yawi aroro kanya di e fakatabuan.” Ay kanya fagayu glong te, “Yawi, o wan at mauseganan aroro mabalyanan o, ay maksvn nu gfauseganan ami emu.


Fauseganani Yawi ay segi anya. Ay foyungi yangay sa tibak talun at ngay taw at ngay nafakamulun.


Kanya nangus fagayu gfon at ngay fanggalangun laman famauseganan Dius, ay galubad guseganan sabaliwa at ngay nafakamulun.


Sinu at mafasud Yawi tam Dius? Kanya malunggung sit mabalyanan fag fagmalunggungan sis banwa,


Fagayu am segi Yawi, aroro kanya tua tiba tungud sas fagayu, ay at fagmasineun gtungud tua sas fagayu at awatan tagsis banwa ay tagsis daga.


Yawi, gleleg tuo kabavn! Ay gfauseganan ami emu, aroro o wan at mogat fag fagnansarigan, takata sik gang. Dius, o wan ku tagfalangfe ay ku fagfausegananun.


Yawi, gseg ami emu, aroro sam fagmabitsugun. Galubad ami sa emu ngay alubad at mauseganan, aroro sam fagmabalyananun.


Ay anggan ban at yud yay ansalug dumungug yangay, ay e namoyung yangay ban anya fagayu at nafakamulun at matuyan.


Gewan, gfauseganan tam Yawi, ay gfabat tam at ngayan.


Yawi, ku Dius, we mafasud emu. Ngayu am nafakamulun at madulo laman sa emi, ay ngayu yangay am ngay algan sa emi at masine. Ay nung kway ro nanlong, kwa mafatap ya.


Ay Dius glong te, “Maragangani way, ay asafuli te, au wan Dius. Ay ngay talun at taw sas fagdaul daga gfauseganan angku.”


Dius, fabati am ngayan laman gtungud yap tua sbanwa, ay falagi am fagmasineun sas fagdaul daga.


Dius gbanwan sit fagbanwanan at yud e malong, ay kanya galaga ngay sisian at yud e fagtainan ya, ay ggubuk ngay fagbubayun.


Yawi, ku Fun, dewa katanya kaylat ktua nangakbang sa emu. Ay o wan ku fagsarigan. Ay namoyung au am ngay nafakamulun.


Alubadi useganani sas Yawi, Erusalem at fun! Ay foyungi sa sangay talun at taw at ngay fakamulun!


Foyungi sas fagayu talun at ngay taw te, Yawi mabalyanan ay at ngay nafakamulun madulo.


Yawi, o tua tiba tungud fag fun, tagfunan sas fagdaul daga. Nu mabalyanan o gtungud tua tibak fagsegan.


Yawi wan at nafon angku bitsug, ay kanya wan ku alubad at masuad. Ay kanya at nafalangfe angku. Ay kanya ku Dius, ay gfauseganan au anya. Ay kanya wan ku mama at Dius, gfabat au anya.


Yawi nabalus te, “Namalag kro emu fagayu ku fagmasineun, ay nanlong au emu ku ngayan, Yawi. Nangafanyu au ku fakaylatun kafanyu ay kesug au ku fakaylatun kesug.


Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.


Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.


Ay ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag,


Nu katanya, fagayu taw tagbanwan sas fakamenitan ay tagbanwan sa sangay tigyangan dagat, segi Yawi, Israel at Dius.


Yawi, o wan ku Dius! Gseg au ay gfauseganan emu aroro madulo am ngay fakamulun. Nafafasludan tuo fagayu am ngay algan siginan ngay ebi taguna.


Yawi, nafaning wami fagayu am ngay suguan, ay gafanud wami sa emu. Em fakaylatun namauseganan wami emu.


Yawi tagtungud sas fagayu, aroro kanya gbanwan sis banwa. Kanya namasure ban at fagmatuyanun ay at fagmamatanganun sas furuan Erusalem.


Fauseganani segi Yawi, fagayu am tagsiginan tangayayu fag ngay talun tagsis wabilug dagat.


Loi wan siginans Babilunya! Ay fadungugi sas fagdaul daga ay maksvn fag fagusegananun te, Yawi nafalangfe tua at fagsuguan, at ngay taw Israel.


“Namalag kban at madulo sa anya fagayu. Ay fagayu ban at sawad gsugu au sa sangay talun Tarsis, Pul, Lud (ngay taw Lud saful gagbilug godun), ay sas Tubal, Gresya, ay sa tiba yak talun tangayayu yud batang gdungug sabaliwa ku fagmasineun, ay yud batang glag ku fagmabalyananun. Kanya ban fagayu namoyung sanya fag ngay talun at taw sabaliwa ku fagmabalyananun.


“Fadungugi sa sangay talun foyungan at yud e masuksukan ay fabati sik ramit, famasaful te, talun Babilunya anrasras wan. Ay at ngay fagsegan at mapla anrufa wan anggan at fagsegan Bel ay Marduk anrufa yangay.


Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.


Nafatoglag kwan emu sanya fag ngay taw ay gfataglayun kyay ban gfatoglag laman am fakesugun sa angku gbanwan si anya, ay au si kyangay anya.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ