Isayas 12:3 - Fanawbuid tagsibaliwas Fakayabian

³ Nu setain sik mamam marios nu mafafauseganan sik taw takadanum, katanya yangay anggan am, useganani sas Yawi siginan at nafalangfe ayu.

Isayas 12:3 ပူးပေါင်းရင်းမြစ်များ

Alubad. 36:9

Aroro o wan takata sik bulbug tagfon leleg. Siginan am fagmayamagun, em ngay amatanganan ansine tua.

Alubad. 87:7

Kanya fagayu nangalubad ay namalelegan at ngay afud bilug ay nanlong sas Erusalem te, “Si wa emu fagayu em fagayudanun nusnge wain.”

Sulumun at Alubad 2:3

Nu namasudsudan sa tibak ngay baguama, ku fakesugun fag mangama kata sik fun kayu bolu tagsis wabilug ngay kayu tagsisad araw. Kaylat au nanmalunggung sat lanbung, ay at rawvg matamis.

Isayas 41:18

Namae familugan au mamam sat yud e gtugbung fag ngay buksul, ay namae ngay bulbug au sa sangay datag. Ay at matat fag talun umke mamam, ay at ngay kin-gong fag daga umke ngay bulbug.

Isayas 49:10

Kanya ban fagayu di kalunus ay di kadanum. Ay kanya ban fagayu di ban karoy siginan at magong fag talun ay menit at sugba. Nantaban kban anya fagayu sa sangay bulbug, aroro kafanyu au.

Eremyas 2:13

Ku ngay taw nafakamulun duak asalanan: kanya fagayu natalyuyan angku, au oma tagfon leleg fag bulbug, ay naseg tibak fagsegan kata nu naali sik bubun takalanggang way.

Esekyel 47:9

Ay nusnga nday nu gfamilugan, ngayu at albon ay tiba yak tagleleg sisad mamam aroro kafag mamam gfalyam mamam nu mayat.

Sakaryas 13:1

Yawi at Mabalyanan nalong te, “Ginanya ban fag menit, nanluang au bulbug at fun laman sas Dabid at kasugfunanan ay sa sangay taw Erusalem laman namalyam at ngay asalanan ay at fagmasuyaun. Namalyam kwan ngay fagsegan siginans Erusalem laman kanya fagayu wa gamatang ya. Nangaiyan kwan siginans Erusalem ngay taglong ay at mauri fag ngay falad.

Uan 1:16

Aroro kanya maksvn nu magalang ay matuyan, fagayu tam mul tam at fagmagalangun yud e fakatabuan.

At Nafasure 22:1

Sanya ginan kafag tagbarita nafalag sa angku sik tagfon leleg fag liskung, malyo mandi, gbulbugan siginans Dius ay Tupa Riangan at faglunggungan,

At Nafasure 22:17

At Masine fag Falad ay Tupa Riangan at bubay glong te, “Gewan.” Ay fagayu at nadungug tuy at masine nu glong yangay te, “Gewan.” Ay nusnga sinu takadanum, akbangi, ay nusnga sinu takaylat, buli at yud e famayad fag mamam tagfon leleg.

At Nafasure 7:17

aroro Tupa Riangan at malunggung sis faglunggungan tagsis wabilug, kanya ban tagalaga kafag ngay taw. Ay kanya ban nantabanan kanya fagayu sa sik ngay bulbug tagfon leleg. Ay Dius ban garus kafag ngay taw at liasun.”

1 Samwel 2:1

Sanya ginan, Ana gdarangin te, “Guseganan au sas Yawi! Aroro sat nafakamulun, nafalyam tua ku fakaplaun. Katsi kase ktua sa ku ngay fawayan. Guseganan au aroro kanya nafalangfe tua angku.