Isayas 12:2 - Fanawbuid tagsibaliwas Fakayabian

² Dius, o wan ku tagfalangfe. Gafanud au sa emu ay kdi e fakalimuun. Yawi, o wan at nafon angku fagmabitsugun, ay galubad au sa emu, aroro nafalangfe tuo angku.”

Isayas 12:2 ပူးပေါင်းရင်းမြစ်များ

2 Samwel 7:24

Yawi, nafili o ngay taw Israel laman am ngay taw kabavn ban, ay o wan at Dius.

Ub 13:16

Tibaginan ro, siginan takatanya kalangfe ktua, aroro we taw mauri at manangakbang anya.

Alubad. 112:8

Kanya wa kalimu ay wa galakayan, aroro saful way te, gbabo way ban at ngay fawayan.

Alubad. 118:14

Yawi wan ku fagmabitsugun, ay galubad au sabaliwa anya, aroro kanya nafalangfe tua angku.

Alubad. 118:21

Yawi, gfauseganan au emu, aroro nabalus tuo ku darangin, ay nafalangfe tuo angku.

Alubad. 27:1

Yawi, o wan ku salung ay ku tagfalangfe. O wan ku taggubuk. Sinu ya ku fakalimuun? Nu katanya, kwe fakalimuun ya.

Alubad. 65:6

Siginan am fagmabitsugun, nawat o ngay buksul, ay siginan takatanya, nafalag o te, mabalyanan o.

Alubad. 68:20

Yawi tam Fun gfalangfe antam siginans fakabulun!

Alubad. 68:21

Dewa katanya, kanya grufa at fawayan at ngay alfuyu, ngay taw tagfataglayun gfakamulun at mauri.

Alubad. 83:18

laman ngay taw sumaful te, o wan, Yawi, Tiba Tungud fag Dius sas fagdaul daga.

Nu Galin 15:2

Yawi wan at nafon angku bitsug, ay kanya wan ku alubad at masuad. Ay kanya at nafalangfe angku. Ay kanya ku Dius, ay gfauseganan au anya. Ay kanya wan ku mama at Dius, gfabat au anya.

Isayas 10:24

Nu katanya, tam Fun, Yawi at Mabalyanan glong te, “Ku ngay taw tagbanwan sis Siun, lag am kalimu ngay taw Asirya at nafaidapan ayu kata ebi ngay taw Igiptu nu gfaidapan ayu.

Isayas 17:10

Ngay taw Israel, umfasludan ban sa ayu takatanya, aroro nalyam am Dius tagfalangfe ayu, ay fagsarirungan fag gang. Nu katanya, ay fananum dewa at mafilian fia, kata way sik ubas siginan tibak talun,

Isayas 27:5

Ay kanya umlangfe tua nu masadi tua sa angku ay get gubuk sa angku.

Isayas 32:2

Galay at sadi umkata sik fagsarirungan gina fulug andasug. Ay kanya fagayu umkata sik liskung tagfamilugan sas talun yud e taw, ay umkata sik tagbia fag gang at lanbung sit masugba ay at matat fag daga.

Isayas 33:22

Katanya Yawi at fakamulun aroro kanya wan tam fun ay tam tagwabilug, ay takawat ngay suguan. Kanya wan tagfalangfe antam.

Isayas 38:20

Yawi, nafalangfe tuo angku. Nu katanya, kaduge ban ami gleleg, nangalubad ami sa am bale, gasfuan nu gfawang ami em ngay fagfawangun.

Isayas 45:17

Dewa katanya, Yawi gfalangfe tua ngay taw Israel, ay nu gfalangfe we fakatabuan. Ay kabavn ban di e fakaplaun.

Isayas 49:5

Yawi nafili angku laman at fagsuguan, laman namafoli ay namaful ngay taw Israel sa anya. Yawi ku Dius nafausegan ay nafon angku fagmabitsugun.

Isayas 50:10

Sinu am takalimu Yawi ay tagfaning at fagsuguan at ngay foyungan? At masine, afanudi tua sas Yawi dewa am sit madulum fag dalan at yud e yamag.

Isayas 51:12

Yawi nabalus te, “Au wan tagfasun ayu. Nu katanya, wain ay fakalimuun ngay taw takabul way kata ayu? Kanya fagayu kata sik makmak tagakalangkeun wan.

Isayas 61:10

Guseganan au sas Yawi ku Dius, aroro kanya nafalangfe tua ay nafae fagmatuyanun angku, kata nu nafae lanbung angku. Ay ankata au sik mangama at nangadadwa at ke lanbung masine kata ngay tagfon fanggalangun, ay kata yangay sik mangena at nangadadwa at mafasinean.

Isayas 62:11

Dungugani! Yawi nafabuba sik foyungan sas fagdaul daga, glong te, “Longi sa sangay taw Israel te, at Tagfalangfe andasug wan, ay gbuba ngay famonun.”

Isayas 65:18

Nu katanya, kabavn useganani ay mafuli laman sa ku ngay fagnamakamulunun. Aroro furuan Erusalem ban namasik fagusegananun au sa sangay taw, ay tagbanwan ban sanya fag ngay taw gfae fagusegananun yangay sa tibak taw.

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Eremyas 23:6

Ay gfangayan ban kanya fag fun te, ‘Yawi wan Tam Fagmatuyanun.’ Ay ginanya ban Uda umlangfe, ay umke fagmanabayanun sas fagdaul talun Israel.

Eremyas 3:23

Anud nasalan ami siginan nu nanseg ami ngay fagsegan sa sangay tungud buksul. Yawi em Dius, o way lang ngay taw Israel at tagfalangfe.

Daniel 3:28

Nu katanya, fun Nabukudunusur nalong te, “Segi kanya fag tuluk baguama at Dius. Aroro Dius nasugu at tagbarita laman namalangfe at ngay fagsuguan tagafanud sa anya. Kanya fag ngay baguama di nafaning ku suguan laman gseg sa ku nafawat fag fagsegan. Kanya fag tulu naylat kabul abat ngate nanseg nusnga setaw fag dius tagsaman at Dius.

Usea 1:7

Dewa katanya, kafanyu kban ngay taw Uda. Au, ay Dius Yawi, namalangfe kban anya fagayu siginan ku fagmabalyananun, bundi siginans ngay tagfawayan at ngay famawayan, kata godun, fiso tagsumbalian at uyup, ay ngay kabayu ay fagayu tagsakay sanya.”

Uel 2:23

Am fag ngay taw tagbanwan sis Siun, useganani sa tam Dius Yawi, aroro nafadasug sa ayu taguna fag arak laman gfalag te, matuyan. Kanya gfadasug tua gugat taguna ay taguyan fag arak kata ebi ginan.

Unas 2:9

Dewa katanya, au ban nangalubad ktua sa emu sik mauseganan fag alubad. Ay namafasludan kban ku ngay fatuyanan te, namon au sa emu fanggalangun. Yawi, o wan ku tagfalangfe.”

Abakuk 3:18

guseganan au aroro ku tagfalangfe Fun Dius Yawi tua.

Ruma 1:16

Dakdi kapla gfoyung at Masine fag Barita, aroro tuy Dius at fagmabalyananun famalangfe fagayu at nafanud, taw Udyu taguna ay anggan at yud Udyu.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

At Nafasure 7:10

Ay kanya fagayu gasfuan guro te, “Fakalangfean siginan tam Dius at malunggung sis fun at faglunggungan, ay siginans Tupa Riangan.”

1 Samwel 2:1

Sanya ginan, Ana gdarangin te, “Guseganan au sas Yawi! Aroro sat nafakamulun, nafalyam tua ku fakaplaun. Katsi kase ktua sa ku ngay fawayan. Guseganan au aroro kanya nafalangfe tua angku.