Isayas 12:1 - Fanawbuid tagsibaliwas Fakayabian

¹ Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 12:1 ပူးပေါင်းရင်းမြစ်များ

Nemyas 8:10

Ay Nemyas nalong yangay te, “Useganani, oni at mataba fag ngay fakonun, ay inumi at mayayum fag ngay fanginum. Ay foni fakonun sat yud e fakonun, aroro tuy fag menit sik nafalganan sa tam Fun. Lag am gafanawa, aroro Yawi at nafon sa ayu fag fagusegananun, tagfaksvn tua ayu.”

Ub 11:16

Wa ban o gamatang ya am nadalan fag fagidapun, ay kalyam way lang ban kata tagfamilugan fag mamam.

Ub 13:16

Tibaginan ro, siginan takatanya kalangfe ktua, aroro we taw mauri at manangakbang anya.

Alubad. 30:5

Aroro kanya dewa ndotama wa glugo, ay di e fakatabuan at fagmasineun sat nafili fag ngay taw. Ay sisad yabi dewa e gwayway, balabag di manabayan tua.

Alubad. 71:21

Gfafoli ban o sa angku famauseganan gtungud yay ebi ginan, ay gdog yay ban o gfasun angku.

Alubad. 85:4

Dius em tagfalangfe, fafolii em fagmanabayanun, ay falyami wan am dotama sa emi.

Alubad. 86:17

Yawi, fae fakatoglagani te, si tuo angku, laman ku ngay fawayan lumag ay umkapla. Aroro o wan ku taggubuk ay ku tagfasun.

Alubad. 9:1

Yawi, namauseganan au emu fagdaul ku amatanganan. Ay nanfamansulit au am ngay nafakamulun at madulo.

Isayas 10:25

Aroro wa ban glugo nu kadotama au ayu, ay namadasug au ku dotama sanya fag ngay taw yakmay anbul.

Isayas 10:4

Wa ban am e balyawvtan ya sangay at nantudan magamut ngay natabanan ay mannga nantaygilidan magamut at ngay kinbul. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 11:16

Umke dalan ban laman Dius at ngay taw at kinsawad umkalfas siginans Asirya, kata ebi gina ngay taw Israel glao siginans talun Igiptu.

Isayas 14:3

Ngay taw Israel, gina ban Yawi gfafaingalay ayu siginan ay ngay fagidapun ay ay fagafanawaun ay siginan nu gafagsuguanan am,

Isayas 2:11

Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.

Isayas 25:1

Yawi, o wan ku Dius! Gseg au ay gfauseganan emu aroro madulo am ngay fakamulun. Nafafasludan tuo fagayu am ngay algan siginan ngay ebi taguna.

Isayas 25:9

Ay nu nfasludan waban takatanya, at ngay taw lumong te, “Kanya wan tam Dius! Nafanud tam sa anya, ay nafalangfe antam. Kanya wan Yawi ay nafanud tam sa anya. Guseganan watam ay gseg anya, aroro kanya nafalangfe antam.”

Isayas 26:1

Ay ginanya ban fag ngay menit, e nangalubad tuy fag alubad sas talun Uda: Mogat wan tam furuan! Dius nu gfalangfe antam kata sik alad nu gsafung antam.

Isayas 35:10

Kanya ban fagayu kafoli sas Siun galubadan. Ay nalyam wan at fakabaluun ay at fagwaywayun, ay natubus at yud e gfasud fag fagusegananun ay fagfanagsagun.

Isayas 49:13

Banwa, alubadi useganani. Fagdaul daga, useganani! Ngay buksul, alubadi. Aroro Yawi kesug ay gfasun ngay taw tagidapan.

Isayas 51:3

Nangafanyu au Erusalem at kinrasras wan. Ay tagsanya fag talun at yud e gtugbung namakata au ku tanuman Eden. Ginanya ban sis furuan Erusalem maksvn nu gfanagsag, ay sanya ban e guseganan ay galubad.

Isayas 54:7

Sik kadugayan, naubun kwa emu, dewa katanya, gdog kyay nangalaga emu aroro maksvn nu kesug au emu.

Isayas 54:8

Nu katanya, sik buknga sirut naubun au emu aroro ankuri au emu. Ay dewa katanya, anfanyu ktua emu, aroro nu mafangesug au, di e fakatabuan. Au, Yawi, taglong tuy.

Isayas 54:9

Nu sa angku, katsi kata ebi gina au gfatuyanan sas Nui te, kwa ban gdog ya gfae lino sas fagdaul daga. Ay kdi ban kadotama ya ay namaurianan ayu.

Isayas 60:10

Yawi nalong sas Erusalem te, “Tagsiginan ban tibak talun at ngay taw nangawat am ngay alad, ay at ngay fun ban namakamulun sa emu. Dewa au nafaurianan emu aroro sa ku dotama, kafanyu au emu aroro matuyan ktua.

Isayas 61:10

Guseganan au sas Yawi ku Dius, aroro kanya nafalangfe tua ay nafae fagmatuyanun angku, kata nu nafae lanbung angku. Ay ankata au sik mangama at nangadadwa at ke lanbung masine kata ngay tagfon fanggalangun, ay kata yangay sik mangena at nangadadwa at mafasinean.

Isayas 64:5

Guseganan tuo ngay taw tagfakamulun at matuyan, ay tagfaning am ngay balyawvtan. Dewa katanya, kauri way o emi, aroro gfataglayun way mi gugat nu yud ami gfaning am ngay balyawvtan. Nu katanya, tain ro nu kalangfe ami?

Isayas 65:18

Nu katanya, kabavn useganani ay mafuli laman sa ku ngay fagnamakamulunun. Aroro furuan Erusalem ban namasik fagusegananun au sa sangay taw, ay tagbanwan ban sanya fag ngay taw gfae fagusegananun yangay sa tibak taw.

Isayas 66:13

Namasun kban ayu kata sik mina nu gfasun at ngenge.”

Eremyas 30:19

Ay kanya ban fagayu galubad gfauseganan ay guro guseganan. Gfayu kban ay gfauseganan anya fagayu.

Eremyas 31:13

Ay siginan ban takatanya, at ngay baguina ay at ngay baguama ay anggan at ngay fagtainan guseganan gfalelegan at ngay afud bilug. Gtubus kban fagusegananun at fagwaywayun. Ay abat ngate ban kabalu, gfasun kban anya fagayu.

Usea 11:8

Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Usea 6:1

Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Sakaryas 1:16

“Nu katanya, Yawi nalong te, ‘Kafoli kban e fakafanyun sas Erusalem, ay gdog kban namawat ku bale. Ay Erusalem ban katanya tua gugat.’ Au, Yawi at Mabalyanan, taglong tuy.”

Sakaryas 14:20

Ginanya ban fag menit ngay talun nu nanseg Yawi, riruki sa sangay kabayu at ngay fadkalingan sik longan te, “Mafasamanan Laman Sas Yawi.” Ngay bisu tagsis Yawi at bale umsik mafasamanan yangay kata ngay taya tagsis fagirugan.

Sakaryas 14:9

Yawi namagtainan sas fagdaul daga. Kanya way lang at fagtoglagun fag Dius, ay at ngayan way lang ban takadungug.

Sakaryas 8:11

Ay katsi au, Yawi at Mabalyanan glong au te, kwa ban gfakamulun ya takatanya sat sawad fag ngay taw.

Ruma 11:15

Dius at fagnaiyanun taw Udyu, kanya namasadi fagdaul daga at ngay taw sa anya. Nu katanya, kaugat yay ban Dius nu kaylat kafag ngay taw, kata nu nafaleleg at mabulan.