Isayas 11:9 - Fanawbuid tagsibaliwas Fakayabian

⁹ Wa ban e mananrasras ya Siun, ku filian fag buksul at yud e malong. Aroro fagdaul daga at ngay taw tumoglag ban Yawi, kata mamam nu nkapnu sas dagat.

Isayas 11:9 ပူးပေါင်းရင်းမြစ်များ

Ub 5:23

Aroro kafag ngay mangilafang wa manangagat ya emu, ay di ban o gidapan ya gtanum dewa si tagagangun fag gamasun.

Alubad. 72:19

Nu katanya, kabavn segi anya. Ay at fagmasineun nangus umfagdaul sas fagdaul daga. Anud! Katanya wa fia!

Alubad. 78:54

Dius nataban at ngay taw sat nafalganan ay at yud e malong ay at ke ngay buksul fag talun. Ay kanya nagbilug kafag talun siginan at fagmabalyananun.

Isayas 11:13

Taw Israel di ban galabian ya ngay taw Uda, ay taw Uda di ban kadotama ya ngay taw Israel.

Isayas 11:8

Sik ngenge ban nu gawean dewa munakbang si takamabul fag ule at bale, ay sik sisian ban dewa napkap, di gagatan.

Isayas 2:4

Yawi ban nanwabilug ay namasadi ngay talun at taw. Nu katanya, kanya ban fagayu di gawayan ya, ay wa ban gfananad ya laman at namawayan. Ay at ngay fiso tagsumbalian at uyup, nangawat wan fangali daga. Ay at ngay bangko nangawat wan fanggafas.

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Isayas 32:16

Ay sis talun at yud e taw ay sit masine fag daga, nu e gfawabilugan, matuyan tua.

Isayas 33:6

Kanya wan tagbakvd ayu, ay gdiri wa fia ayu ay namon ayu sik fagmamatanganun ay fagsafulun. Ay at mafanud tua fag fagmaramramanun, tagsuyu tua Yawi.

Isayas 35:9

Ay wa ban e liun ay anggan nusnge wain tagfangagat fag mangilafang at lumo sanya fag dalan, nu bunway Yawi at nafalangfe fag ngay taw.

Isayas 45:6

laman fagayu taw sas fagdaul daga sumaful te, sas day angku, we tiba yak dius. Au wan Yawi, ay we tiba ya.

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 52:10

Yawi namalag at fagmabalyananun yud e malong sas fagayu talun at ngay taw, ay fagdaul daga lumag Dius nu gfalangfe.

Isayas 54:5

Ay at nawat emu kata wa nu am mangama. Au, Yawi at Mabalyanan sas fagayu. Au wan Israel at Dius at yud e Malong, am Tagfalangfe. Ku ngayan te, Fagdaul daga at Dius.

Isayas 56:7

Gtaban kban anya fagayu sa ku nafili fag buksul yud e malong ay namae fagusegananun kban anya fagayu sa ku bale daranginan. Ay kaylat kban at fagirugun fag ngay fanggalangun, ay tiba yak fanggalangun at nairug sa ku fagirugan, aroro ku bale ban kangayan te, fagayu talun at taw at fagnandaranginan.”

Isayas 59:19

Ay nusnga nday ban gfababaun ay sumeg anya, aroro kanya kadasug kata mamam nu gfawas kaduge sik maksvn fag tagmara nu gtulud.

Isayas 65:25

Ay ginanya ban fag ngay menit ngay idu talun ay ngay tupa magamut way nu gfangonan. Ay ngay liun ban ay baka magamut kon ngay makmak. Ay fagayu ban ule we gfangagat ya. Ay wa ban e namauri ya ay nanrasras ku nafili fag buksul at yud e malong. Au, Yawi, taglong tuy.”

Isayas 66:18

“Saful kway kafag ngay taw at fakamulun ay at ngay amatanganan. Nu katanya, kadasug kban laman namaful au fagayu talun at taw, ay kanya ban fagayu lumag ku fagmabalyananun.

Isayas 66:20

Ay kanya ban fagayu gina guli siginan sangay talun gtaban ban ay ngay kalongan. Kanya ban fagayu gsakay sit ngay kabayu, sit ngay mola, sit ngay kamelyu, ay sit ngay faguyudan. Ay gtaban ban sa ku nafili fag buksul at yud e malong tagsis Erusalem laman sik fanggalangun sa angku, kata ebi ngay taw Israel nu gfon at ngay fanggalangun si ku bale, fanggalangun fag ngay fakonun masuadan sit masine fag fagsuadan.

Eremyas 31:23

Yawi at Mabalyanan, Israel at Dius glong te, “Gina kban nafafoli ngay taw Uda sat talun siginan at fagatabananan, kanya ban fagayu gdog yay glong te, ‘Yawi nangus gfadante at fagbanwanan fag buksul at yud e malong.’

Eremyas 31:34

Wa ban e glong ya sat ngay kaiban ay sat faduksay te, ‘Toglagi tua Yawi,’ aroro kanya fagayu toglag wan angku, siginan tagafalingunan ay anggan sat ngay takadungug. Namalyam kban kanya fagayu at ngay nafakamulun at mauri, ay kwa ban gamatangan ya at ngay asalanan.

Esekyel 34:25

“Nangawat kban em nasadian laman ban kanya fagayu nu gbanwan manabayan tua. Nangaiyan kban tagfangagat fag ngay mangilafang siginan at talun laman ban ku ngay taw manamanwan tua sat yud e taw fag talun ay laman ban matiug tua manabayan dewa sasad araw.

Esekyel 47:5

Ay kanya gdog yay fia nafasud kaba yangay fia nya, at kabasadan sak kafioan, at yud kadife.

Daniel 11:45

Ay kanya ban kawat sik bale ramit at masine sit yud e malong fag buksul tagsis wabilug duak dagat. Dewa katanya, kanya ban kabul way ay wa ban e ggubuk ya anya.”

Daniel 12:4

Daniel, faluti yap tuy fag fafil ay lag yap o gfoyung sa sangay taw tuy fag longan yakmay ban andasug at fakatabuan. Kaduge tuy fag longan masuksukan, ngayu bank taw takaylat gyasafulun takafasludan.”

Usea 2:18

Ginanya ban fag menit, nangawat au sik nasadian sas fagayu mangilafang laman ban wa gfauri ayu. Gbul kyangay ban siginans Israel at ngay godun ay at ngay fiso, ay wa ban e awayan ya, laman ban manabayan tua nu gtiug am.

Uel 3:17

Yawi nalong te, “Ngay taw Uda, ginanya ban sumaful am te, au wan ay Dius Yawi tagbanwan sis Buksul Siun at yud e malong. Ay Erusalem ban umsik yud e malong, ay tiba bank talun at ngay tagfawayan wa manamawayan ya ayu.

Abakuk 2:14

Aroro nu setain mamam nu mapnu sis dagat, umkayu yangay ngay taw at fagsafulun sabaliwas Yawi at fagmabalyananun.

Sakaryas 14:9

Yawi namagtainan sas fagdaul daga. Kanya way lang at fagtoglagun fag Dius, ay at ngayan way lang ban takadungug.

Sakaryas 8:3

Nangafoli au sas Siun, Erusalem fag furuan, ay namanwan au sanya. Ay gfangayan ban Erusalem te, at matuyan fag furuan, ay ku fagagbilugun fag buksul gfangayan te, at yud e malong fag buksul.

1 Tesalunika 5:15

Ay lag am gfasud tagfakamulun sa ayu at mauri, nu bunway malukmei tua sas galay am at sadi, ay sas fagayu taw.

At Nafasure 21:27

Ay waban e gsakbo ya sanya nusnge wain at masuya, ay nusnga sinu fag taw tagfakamulun at maksvn nu mapla, ay fagayu takamuag. Tagsakbo ban sanya kayu way lang ban at ke ngayan at marirukan sis Tupa Riangan at fafil fagrirukan at ngay ke leleg ban.