Isayas 11:5 - Fanawbuid tagsibaliwas Fakayabian

⁵ Kanya mafalganan gugat gugali at matuyan ay at mafangesug, kata sik taw tagsulun at famutus at fagwan laman mafalganan namakamulun.

Isayas 11:5 ပူးပေါင်းရင်းမြစ်များ

Alubad. 109:19

Ay at fagmauriun nangus wa kalyam ya siginan anya, ay kata sik lanbung ay sik famutus fagwan at fagsulunun gugat.”

Alubad. 45:4

Fasurei wan am fagmabalyananun! Mababo tuo e fagmatuyanun, e fakamababaunun ay e fagmatuyanun. Ay fasurei nusnge wain at madulo siginan am fagmabalyananun.

Alubad. 89:9

Si wayam daga fagmabalyananun taglugwak fag dagat, ay gfaragang o at maksvn fag lugwak.

Alubad. 93:1

Yawi, o wan em Fun at ke fagmasineun ay at mabalyanan. O wan at nawat fagdaul daga, nu katanya, di gbadbalian.

Isayas 25:1

Yawi, o wan ku Dius! Gseg au ay gfauseganan emu aroro madulo am ngay fakamulun. Nafafasludan tuo fagayu am ngay algan siginan ngay ebi taguna.

Isayas 32:1

E sik fun matuyan tua nu gfunan, ay at ngay tagfangguna anke fagmanabayanun nu gfangguna.

Isayas 59:17

Kanya nafakamulun at matuyan tuga at famalabag sit dubdub, ay nasulun yangay fakalangfeun tuga at famalabag sit alfuyu. Ay kanya gsulun tuga at lanbung laman famasud ay at maksvn fag dotama.

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Usea 2:20

Kabavn ban matuyan ktua sa ayu, ay gtuyan ban am angku te, au wan Yawi.

Sakaryas 8:16

Katatuy ay fagnamakamulunun: at matuyani tua ay ngay longan, ay matuyani yangay nu gfawabilugan am laman sa ay fagmasineun.

2 Kurintu. 6:7

Gfoyung ami at matuyan, siginan Dius at fagmabalyananun. Dius at fagmatuyanun kanya wan em famawayan ay em famalabag.

Efesu 6:14

Nu katanya, mafalganani tua gugat ay taudani at matuyan sabaliwas Dius. Ay fakamuluni gugat at matuyan tuga famalabag si ay dubdub.

Ebreu 2:17

Nu katanya, Isus ansik taw kata antam sas fagayu at kayaunanan, laman ban kanya at mafangafanyu fia ay at matuyan tam Tiba Tungud fag Tagfon Fanggalangun sis Dius at daga salubangan, ay mafon fanggalangun famalyam fagayu taw at asalanan.

1 Pedru 4:1

Dakngani tam Fun Isus at bilug nainkidapan wan, anggan am masine nu mafalganan am sas fagagwantanun. Aroro nusnga sinu at nagwantan sas fagidapun, kanya wa gugali ya sas asalanan.

1 Uan 1:9

Nu gfoyung tua tam tam ngay asalanan sas Dius, kanya gfalyam tam ngay asalanan ay gfasine tam basad taw sas fagayu mauri, aroro Dius kabavn matuyan ay gfafasludan at longan.

At Nafasure 1:13

Ay sis wabilug ngay fagfatungkudan salung e sik mangama takata Taw at Baguama. Kanya galanbungan aba sitsigon at sungkulan, ay sit dubdub e famutus at mawatan siginans gintu.

At Nafasure 3:14

“Riruki sas tagbarita tagulit ngay tagafanud sis Laudisya te, “At ke ngayan te, Anud, ay at matuyan ay at mafanud nu e longan, ay fakasigadan Dius at awatan fagayu, kanya glong te,