Isayas 11:4 - Fanawbuid tagsibaliwas Fakayabian

⁴ Ay matuyan nu gfawabilugan sat yud e kwa ay ggubuk. Ay siginan at aringang, namaurianan fagdaul daga ay siginan at engasan kanya namabul at mauri fag ngay taw.

Isayas 11:4 ပူးပေါင်းရင်းမြစ်များ

2 Samwel 8:15

Dabid nafunan fagdaul talun Israel ay nafakamulun at matuyan ay at maylat sas fagayu taw.

Ub 15:30

Kanya wa masaruy ya fakabulun, kanya ban umkata sik fun kayu at sanga takairug. Ay Dius sayginan way guyup fagayu at ramraman.

Ub 4:9

Dius ban nu nafadasug at dotama sa kafag ngay taw, kanya ban fagayu umbul.

Alubad. 110:2

Am fagfagtainanan furuan daul Siun, ay Yawi ban gfamut yay, ay nangagbilug ban o am ngay fawayan.

Alubad. 18:8

Sik anus naduksun siginan at dungus, ay sik afuy tagigang ansure siginan at bibig.

Alubad. 2:9

Ay siginan am fagmabalyananun gbabo ban o am ngay fawayan. Ay grufa ban o anya fagayu kata sik tikung.’ ”

Alubad. 76:10

Dius, nu kadotama o ngay taw dewa maksvn, takatanya, gfaksvn way laman ngay taw gfauseganan emu! Ay nagbilug o kafag ngay taw at dotama laman am famawayan.

Isayas 1:17

Ananadi fakamuluni at masine, ay ugalii at matuyan. Ay gubuki fagayu tagafalingunan. Fasudsudani tua nu ggubuk am dewa sat yud e fagtainan ya. Ay lag gfabayan ngay fagbubayun nu gafalingunan.”

Isayas 13:11

Namaurianan kwan fagdaul daga aroro sat fagmauriun ay anggan ngay tagasalanan aroro sat ngay asalanan. Ay namamin kwan fagayu taw takamatungudun. Ay gfaragang kwan ngay taw nu kamalabi.

Isayas 14:30

Ay namafangon au fia ku ngay taw tagafalingunan ay namabanwan manabayan. Ay namabul au am ngay kasugfunanan at kinsawad siginans lunus.

Isayas 16:5

Ay Dabid ban at kasugfunanan at sadi nanfunan ke fakesugun ay ke fagmatuyanun. Kanya ban matuyan nu gfawabilugan, ay maseganama nu gfakamulun sat masine.

Isayas 2:4

Yawi ban nanwabilug ay namasadi ngay talun at taw. Nu katanya, kanya ban fagayu di gawayan ya, ay wa ban gfananad ya laman at namawayan. Ay at ngay fiso tagsumbalian at uyup, nangawat wan fangali daga. Ay at ngay bangko nangawat wan fanggafas.

Isayas 26:6

Ay at yud e kwa ebi ay tagafalingunan nansiad wan.

Isayas 29:19

Ngay takamababaun ay ngay yud e kwa gdog ban guseganan sas Yawi, Israel at Dius at yud e Malong.

Isayas 3:14

Kanya andasug laman namoyung te, sinu fag ngay tagfangguna at ke asalanan. Katatuy at longan sa kafag ngay tagfangguna, “Nafauri am ku tanuman wat ubas, at masuad te, ku ngay taw. Ay nafapnu am sa ay ngay bale nusnge wain ay nabul siginan at yud e kwa fag ngay taw.

Isayas 30:28

Ay nu gengasan kata wa sik mamam nu kabia, kabat sis liug. Ay gfamin wan fagayu talun at ngay taw kata way nu glayap. Kanya fagayu kata way sik baka at ke siuk sit dungus ay gatabanan sas faurianan.

Isayas 30:31

Ngay taw Asirya umlimu nu gdungug Yawi nu garingang at famauri sanya fag ngay taw.

Isayas 30:33

Glugo wan nu mafalganan at buknga daga at fagnangirugan Asirya at fun. Kanya tagbia wan ay nangabasad wan, ay mafalganan yangay ngayu fag famaygang. Yawi at engasan kata sik afuy asupre tagfalabe kafag famaygang fagayu.

Isayas 32:1

E sik fun matuyan tua nu gfunan, ay at ngay tagfangguna anke fagmanabayanun nu gfangguna.

Isayas 32:7

Ngay tagfandaya at ngay balyawvtan wa masine. Kanya fagayu gfalganan gugat at mauri sat yud e kwa fag ngay taw siginan at fakamuaganun, dewa at yud e kwa at fagetun matuyan.

Isayas 33:22

Katanya Yawi at fakamulun aroro kanya wan tam fun ay tam tagwabilug, ay takawat ngay suguan. Kanya wan tagfalangfe antam.

Isayas 40:7

Makmak kalangke ay at ngay barugwak katong gina Yawi nafatagmara.

Isayas 49:2

Ku longan kata sik fiso at maglat. Ay Yawi nalaga angku siginan at fagmabalyananun. Kata au sik banyas at mafasinean tagsiwas godun.

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Eremyas 33:15

Ay ginanya ban, namae funan kban at ke fagmatuyanun tagsiginans Dabid at kasugfunanan. Kanya ban namafagdaul fagmasineun ay fagmatuyanun stie fag daga.

Eremyas 5:28

Kanya fagayu antaglu ay anbitsug, ay maksvn nu gfakamulun at mauri. Ay wa gfon fagmasineun sat yud e fagtainan ya, ay wa kafanyu ya at yud e kwa.

Usea 6:5

Nu katanya, nafararang au sa ayu siginan ku ngay taglong at foyungan sa ayu te, namaurianan kban ay namabul ayu kasakit sik limbad.

Sefanias 2:3

Ay am takamababaun ay tagfaning Yawi at suguan, akbangi sa anya. Fataglayuni nu gfakamulun am at masine ay nu kamababaun am. Bangaran ban Yawi gdiri tua ayu ginanya fag menit.

Malakyas 4:6

Kanya ban namafoli ngay fagtainan ay ngay sisian at fagmasadiun laman ban nu ndasug au, kwa gfaurianan ay talun.”

Mateu 11:5

Ngay taw yud glag ebi, katsi glag tua, ay ngay yud malao, katsi malao tua, ay ngay tagabangbang katsi anfia tua, ay ngay yud gdungug, katsi gdungug tua, ay ngay kinbul nadog tua naleleg, ay ngay yud e kwa, katsi e nafadungug tua at Masine fag Barita sa anya fagayu.

Mateu 5:5

Mauseganan ngay takamababaun tua, aroro kanya gbul ban Dius at nafatuyanan.

Fakamulun 9:1

Ay Saulu gfataglayun at algan nu namauri tam Fun at ngay tagafanud. Kanya nanangakbang sas fun tagfon fanggalangun

2 Kurintu. 10:1

Siginan tam Fun Isus at fagmagalangun ay nu kamababaun, au Pablu glong au sa ayu te, dungugani angku. Tibak taw glong te, nu magamut au si ayu malukme ktua, ay nu nyayu au siginan ayu maksvn nu gfangagras au.

Galasya 5:23

ay malukme, ay gfaragang at sadili. We suguan tagsalag takatanya fagayu.

2 Tesalunika 2:8

Ay sanya ginan ban, takamabo fag taw kasure, ay tam Fun Isus ban nu ndasug, gfabul anya siginan at uyup, ay gfamin anya siginan at fagmasineun.

Titu 3:2

Ay foyungi te, lag glong at mauri sas nusnga sinu, ay lag gbadbaboan, ay manabayani tua, ay malukmei fia sas fagayu taw.

Santiagu 3:13

Sinu si ayu at ke fagsafulun ay at mamatanganan? Kanya, falagi sat ngay iba at fagsafulun siginan at matuyan fag fakamulun ay fakamababaunun.

At Nafasure 1:16

Ay at siun fag daluap gbitbitan fituk galeme ay siginan at bibig e naduksun sik fiso maglat gsumbalian at uyup. Ay at mata maksvn nu masulo kata nu gina sis buknga menit.

At Nafasure 19:11

Ay sanya ginan nalag au banwa nu maluangan. Ay si ku salubangan sik kabayu malaksi. Ay tagsakay sanya at ngayan Mafanud ay Matuyan, aroro kanya matuyan nu ginsaful taw at asalanan ay nu gfawayan.

At Nafasure 19:15

Ay siginan at bibig naduksun sik fiso at maglat tagsumbalian at uyup, laman namasing fagayu talun at ngay taw. “Kanya gbitbitan sanbung fag famalang ay gfagtainan kafag ngay taw.” Ay kanya nansiad at fagturisan ubas, laman gfalag sa anya fagayu te, Dius at mabalyanan maksvn nu kadotama.

At Nafasure 2:16

Nu katanya, ubuni wan ay ngay asalanan. Aroro nu dway ban am nafakamulun takatanya, wa glugo ya kadasug au sa ayu laman namawayan au ngay taw tagfakamulun at mauri, ay gafisoan kban tagsumbalian at uyup takalfas siginan ku bibig.