Isayas 11:3 - Fanawbuid tagsibaliwas Fakayabian

³ Ay kanya kaylat gfaning Yawi. Ay nu gfawabilugan di kata at nalag ay at nadungug.

Isayas 11:3 ပူးပေါင်းရင်းမြစ်များ

2 Samwel 14:17

Siginan am algan sa angku takatanya anke fagmanabayanun au, aroro kata o Yawi at tagbarita, tagsaful tua at masine ay at mauri. Yawi ban nangus galo tua gugat emu.”

2 Samwel 14:8

Ay fun Dabid nalong sanya fag fagbubayun te, “Ulii wan, au waban at nanlong te, lag gfauri am baguama.”

1 Fun 3:28

Ay ngay taw nu nadungug fun Sulumun at nafakamulun anke fakalimuun sa anya, aroro kanya fagayu nasaful te, fun Sulumun anke fagsafulun siginans Dius sa nu gfawabilugan.

1 Fun 3:9

Nu katanya, foni sa angku sik fagsafulun laman mafangguna au am ngay taw, ay sumaful au at matuyan ay at mauri. Sinu nunda at mananfunan am ngay taw, ay kanya fagayu ngayu mandi?”

Ub 12:11

Taw at talinga fanginsaful te, inday at masine ay at mauri fag longan kata at leplep nu gfaskud fakonun.

Ub 34:3

Leplep gfaskud fakonun, ay talinga gdungugan aringang at matuyan ay at yud matuyan.

Fangatulun 2:5

Nu nafakamulun tua ban o takatanya, sumaful tua ban o gsuyu Yawi, ay sumaful yangay ban o sabaliwa anya.

Fangatulun 2:9

Nu gdungugan tuo angku, kasaful o am fagnamakamulunun at matuyan ay at maylat.

Isayas 33:6

Kanya wan tagbakvd ayu, ay gdiri wa fia ayu ay namon ayu sik fagmamatanganun ay fagsafulun. Ay at mafanud tua fag fagmaramramanun, tagsuyu tua Yawi.

Esekyel 45:8

Kanya ban fag daga Israel at ngay tagfangguna at fagagbilugun. Ay ku nafili ban fag ngay tagfangguna wa gfaidapan ya ku ngay taw. Ay kaylat ban kanya fagayu nu nangagbilug at ngay mesa afud daga.

Mikas 4:3

Yawi ban nanwabilug ay namasadi tangayayu fag ngay talun at taw. Nu katanya, kanya ban fagayu di gawayan ya, ay wa ban gfananad ya laman at namawayan. Ay at ngay fiso tagsumbalian at uyup, nangawat wan fangali daga. Ay at ngay bangko nangawat wan fanggafas.

Lukas 2:52

Isus anbia wan ay ngayu at fagsafulun. Ay Dius, anggan ngay taw guseganan anya.

Uan 2:25

Isus wa gafanud dewa e gfoyung sa anya te, matuyan ngay taw at ugali, aroro saful way ngay taw at amatanganan.

Uan 7:24

Lag am gamatangan te, mauri, siginan ay nalag ku fakamulun. Amatangani tua siginan at matuyan fag balyawvtan.”

Ebreu 5:14

Ay at matugas fag fakonun kanya sa tua at mafagtainan at nasaful tua at matuyan ay at mauri.

1 Samwel 16:7

Ay Yawi nalong sas Samwel te, “Lag o gdama at kabatan ay at kaseganaman aroro bunwa kanya ku nafili. Aroro nu gfili au wa kata staw nu gfili, taw nu gdama si way at kabilugan, ay nu gdama au si tua at amatanganan.”