Isayas 11:2 - Fanawbuid tagsibaliwas Fakayabian

² Yawi at Falad namanwan sa anya. Ay kanya tagfon fagsafulun ay fagmamatanganun, ay fagsafulun nu gfalganan at fagnamakamulunun, ay fagmabalyananun, ay nu gtoglag ay nu gsuyu Yawi.

Isayas 11:2 ပူးပေါင်းရင်းမြစ်များ

2 Samwel 23:3

Yawi, Israel at fagsarirungan fag gang, nalong sa angku te, ‘Nusnga sinu at matuyan nu gfunan ay tagfaning Dius,

Alubad. 72:2

laman matuyan tua nu ginsaful am ngay taw, kaugat wan sa sangay yud e kwa.

Nu Galin 28:3

Nanlong o sas fagayu ku nafae fagsafulun kawat lanbung te, Awati Arun at ngay lanbung at fagsulunun gina gfasaman anya siginans fagngayuan taw laman sik tagfon fanggalangun.

Isayas 28:6

Ay namon sa sangay tagwabilug sik amatanganan laman matuyan nu gfawabilugan. Ay namabitsug ngay tagulit sanya fag furuan laman namawayan at ngay fawayan.

Isayas 32:15

Umfasludan wa fia takatanya yakmay ban umdasug at Masine fag Falad siginans banwa. Nu katanya, sanya ban fag talun umsik masine tua fag daga ay umsik araw.

Isayas 42:1

Yawi nalong te, “Ste wan ku fagsuguan. Nafaksvn au at amatanganan, ay nafili au anya ay guseganan au anya. Nafatayuk au ku Falad sa anya, ay namae fagmatuyanun ban sas fagayu talun at taw.

Isayas 48:16

Akbangi sa angku ay dungugani: Siginan ngay sfagsigadan kwe nalong at masuksuk. Ay gina ku longan kafasludan, sanya kwan.” Ay katsi Yawi tam Fun nasugu angku. Dius nasugu angku gadgaloan at Masine fag Falad.

Isayas 59:21

“Ay katatuy ku nasadian sa ayu: wa ban kalyam ku Falad tagbanwan si ayu, ay anggan ku nafoyung ayu fag ngay longan. Ay foyungi kanya fag ngay longan sa ay ngay sisian, ay katanya yangay sat daga vtv fag ngay gaban ay anggan sat ngay kasugfunanan kabavn. Au, Yawi, taglong tuy.”

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Sakaryas 4:6

Kanya glong sa angku te, “Katatuy Yawi at longan am fagnanlongun sas Serubabel: ‘Serubabel, bunwa ban siginan am fagmabitsugun ay am fagmabalyananun nu gfawat o ku bale, nu bunway siginan tua ban ku Falad.’

Mateu 3:16

Ay Isus nu nsurung wan, ay nu nlakwi siginan sad lino, banwa anluang ay Isus nalag Dius at Masine fag Falad nu kadaga kata sik labikung, ay naafun sa anya.

Uan 14:17

Kanya fag Tagfasun, Dius at Falad tagfoyung sabaliwa at matuyan. Ngay taw tagfaning fagdaul daga at ugali wa gfaning anya, aroro wa glag ay wa gtoglag anya. Ay am, toglag wam anya aroro gbanwan si ayu ay gufud ban gugat ayu.

Uan 15:26

Ay Isus nalong te, “Kafag Tagfasun ban nu ndasug, namatuyan sabaliwa angku. Kanya at matuyan fag Falad siginan ku Mama ku fagnansuguun ban sa ayu.

Uan 16:13

Ay nu ndasug ban kanya fag Falad tagfasure at matuyan sabaliwa Dius, kanya ban ggubuk ayu laman sumaful am sabaliwas fagmatuyanun. Aroro kanya ban at foyungan bundi siginan at sadili longan, nu bunway siginan tua at nadungug, ay gfoyung yangay ban sa ayu nusnge wain takafasludan ban.

Uan 3:34

Ay aroro Dius at nasugu gfoyung Dius at ngay longan, ay Dius nafon sa anya at Masine fag Falad at fagmabalyananun fagdaul.

Fakamulun 10:38

Ay nasaful am te, Dius nafon at Masine fag Falad ay fagmabalyananun sas Isus tagsiginans Nasaret, ay nasaful yangay am te, nusnga nday kanya nu glao, gfakamulun gugat at masine ay gfafia fagayu tagsis daga Satanas at fagmabalyananun, aroro Dius gufud tua anya fagayu.

1 Kurintu 1:30

Ay siginan anya ansadi tua tam sa tam Fun Isus. Ay sa antam, kanya wan Dius at fagmamatanganun, siginan anya, Dius nafalangfe antam ay natap antam te, matuyan, ay kata nu yud tam e asalanan.

Deuterunumyu 34:9

Ay at Falad nafon sas Uswe, Nun at baguama, sik fagsafulun, aroro Muisis nafili Uswe laman fantubus anya siginan nu gfoli at daluap sa anya. Nu katanya, ngay taw Israel gfaning tua Uswe ay gfakamulun tua Yawi at ngay suguan at nalong sas Muisis.

2 Timuteu 1:7

Dius at nafon antam fag ugali bundi fakalimuun nu bunway fagmabalyananun tua ay fakesugun ay fagfaragangun tam sadili.

At Nafasure 1:4

Au, Uan at nariruk tuy laman sa sangay tagafanud tagbanwan sis fituk furuan sis talun Asya. Sumawa nangus ayu fagmagalangun ay fagmanabayanun siginans Dius, kanya tagleleg katsi ay ebi, ay takadasug yay ban, ay siginan yangay at fituk falad tagsit faglunggungan at salubangan,