Isayas 11:16 - Fanawbuid tagsibaliwas Fakayabian

¹⁶ Umke dalan ban laman Dius at ngay taw at kinsawad umkalfas siginans Asirya, kata ebi gina ngay taw Israel glao siginans talun Igiptu.

Isayas 11:16 ပူးပေါင်းရင်းမြစ်များ

Nu Galin 14:22

Ay ngay taw Israel nadife, nu glao sa way at matat fag daga, ay mamam sit dua tigyangan kata sik alad.

Isayas 1:9

Yawi at Mabalyanan ro way nafasawad ya antam, ankata wa ro tam Suduma ay Gumura.

Isayas 10:20

Ginanya ban fag buknga, ngay taw Israel, Akub at kasugfunanan at kinsawad, wa ban nanseg ya sat nafaurianan anya fagayu fag ngay talun, nu bunway nanseg tua ban Yawi, ngay taw Israel at Dius at yud e Malong.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 19:23

Ginanya ban fag menit, umke dalan siginans talun Igiptu sitsigons Asirya. Ay ngay taw Igiptu ay ngay taw Asirya gfoyfolian ban gugat, ay magamut ban gseg.

Isayas 27:13

Ay gina ban e ndungug budyung at awang daul, umfoli ban sas furuan Erusalem tagidapan fag ngay taw Israel, at natabanan sas Asirya ay Igiptu. Ay kanya ban fagayu sumeg Yawi sat yud e malong fag buksul tagsis furuan Erusalem.

Isayas 49:11

Namae dalan kban sa ku ngay buksul, ay namabat au ku ngay dalan daul.

Isayas 49:12

Ku ngay taw ban tiba kadasug siginan tangayayu, ay tiba ban siginans wala fag alvngvdan ay siginans fakayabian, ay siginans Sinim.”

Isayas 51:10

O nunda bunwa o at nafatat dagat ay at nafae dalan sis wabilug, laman am nafalangfe fag ngay taw umdife?

Isayas 57:14

Glong au te, ‘Fasinei dalan ku ngay taw at fagnanloan.’ ”

Isayas 62:10

Ngay taw Erusalem, duksuni siginan ay furuan at ngay sakbawan, ay falganani ay fasinei ay ngay kaiban at dalan. Buli wan ngay gang, ay fabati sik famasaful sa sangay taw te, Yawi gfauli wan at ngay taw.

Sefanias 2:7

Ay at kinsawad ban fag ngay taw Uda nangagbilug kafag talun. Ay sanya yangay ban nu namafangonan at ngay fagbaugun. Ay nu nyabi wan, kanya fagayu nantiug wan sis Askelun fag ngay bale. Ay ginanya ban, kafag ngay taw at Dius, Yawi kafanyu ay gdog yay namae ramraman anya fagayu.”