Isayas 11:14 - Fanawbuid tagsibaliwas Fakayabian

¹⁴ Ay kanya ban fag ngay taw masadi nu namawayan ngay taw Filistia sas fakayabian, ay anggan ngay taw tagsas fakamenitan, nangago at ngay ramraman sanya ginan fag ngay talun. Ay kanya ban nangagbilug ngay taw Edum ay Muab, ay namagtainan ngay taw Amun.

Isayas 11:14 ပူးပေါင်းရင်းမြစ်များ

Isayas 14:29

“Ngay taw Filistia, lag am guseganan te, anbul wan ebi fag fun at nafawayan ayu, aroro at fantubus anya amafangadotama yap tua at mama, kata sik dot nu nbul, at riangan amaganga yap tua, ay amatarung yap.

Isayas 15:1

Katatuy at foyungan sabaliwas Muab: Kaduge way ban sik yabi nu e grasras furuan Ar ay Kir, talun Muab at fagagbilugun.

Isayas 16:14

Ay katsi, katatuy at longan, “Nu nlangfe tuluk banwa umkalyam wan talun Muab at ngay ramraman, ay fagayu ban at taw umkapla. Wa ban ngayu at kumsawad tagleleg sanya ay kanya ban fagayu momuy.”

Isayas 25:10

Matuyan wan Yawi gumubuk wa fia ste fag Buksul Siun, ay dewa katanya, namaurianan waban ngay taw Muab. Yawi ban nansiad Muab kata sik nagutan sas fagukasan ifut.

Isayas 33:1

Afanyuan am fag ngay tagrasras, am at yud batang e nagdalanan takatanya. Afanyuan am fag ngay takamabo, am at yud batang e nagdalanan nu e kamabo ayu. Ay nu ntabu wam grasras ay kamabo, am yangay ban at fagrasrasun ay at fakamaboan.

Isayas 59:19

Ay nusnga nday ban gfababaun ay sumeg anya, aroro kanya kadasug kata mamam nu gfawas kaduge sik maksvn fag tagmara nu gtulud.

Isayas 60:14

Tagfalingun ban emu at ngay sisian umkakbang sa emu ay kamababaun. Ngay tagfauri emu gtudan ban sam daga salubangan, ay kanya ban fagayu gngayan emu te, Yawi at Furuan, ay mannga ‘Siun, Israel at Dius at yud e Malong at Furuan.’

Isayas 63:1

Sinu kanya takadasug siginans furuan Busra tagsis talun Edum, ay at ke lanbung masine at nadagatun maraska? Kanya kadasug e fagmabalyananun. Yawi wan takadasug, kanya e fagmabalyananun gfalangfe, ay nafoyung te, at ngay taw ban gbabo.

Isayas 9:12

Ngay taw Sirya ban kadasug siginans fakamenitan ay ngay taw Filistia kadasug yangay siginans fakayabian laman nanrasras talun Israel. Kanya fagayu kata at madot fag mela at mafalganan wan nangagat. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 40:11

Ay fagayu taw Udyu at nalagyu sas Muab, Amun, Edum ay sa tiba yak talun nadungug te, fun Nabukudunusur e nafamato yay tibak tagbanwan sis talun Uda, ay nafili Gedalya, Akikam at baguama, Safan at fufu, laman sik fun sirut sanya.

Eremyas 48:40

Yawi glong yay fia te, “Damai! Muab at ngay fawayan kata sik bio at masakit nu glayug laman nanggamat at fagnangonun.

Eremyas 49:2

“Au, Yawi, glong au te, kadasug ban sik menit, namafawayan au sik ngay fawayan sas Raba. Namarasras kban ay furuan daul, ay girug ban ay ngay furuan ayu sirut tagsi ay ngay ligung. Siginan ban takatanya fag balyawvtan, ngay taw Israel nangaiyan ngay taw at naiyan anya fagayu.

Eremyas 49:22

Damai! Ngay fawayan kata sik bio masakit nu glayug laman nanggamat ngay taw Busra. Ay ginanya ban fag ngay buknga, Edum at ngay tagfawayan gtadtaruyan kalimu kata sik mangena tagafasalugun wan.”

Eremyas 49:28

Katatuy Yawi at longan sabaliwas Kedar ay Kasur at ngay fagfagtainanan, Nabukudunusur, Babilunya at fun, at nagbilug: “Falganani ay namawayan am Kedar. Famini wan kanya fag ngay taw tagbanwan sis fakamenitan.

Esekyel 25:14

Namasud kban sa sangay taw Edum siginan nu gagbilug au ku ngay taw Israel. Ay kanya ban fagayu namaurianan Edum kaksvn nu kadotama au sanya fag ngay taw. Ay ngay taw Edum ban sumaful nu setain nu namasud au anya fagayu. Au, Fun Dius Yawi, taglong tuy.”

Daniel 11:41

Kanya namawayan yangay Israel fag talun masine, ay ngayu bank taw takabul. Dewa katanya, kanya ban wa gbabo Edum, Muab ay Amun at ngay tagfangguna.

Uel 3:19

Igiptu ban umsik mabalu fag talun ay Edum ban umsik yud e taw fag talun, aroro nafaurianan ngay taw Uda, ay nafabul ngay taw at yud e asalanan.

Amus 9:12

laman ban ngay taw Israel manangagbilug talun Edum at daga at sawad ay anggan tibak talun ku nalong te, ku fagagbilugun. Au Yawi taglong tuy ay namakamulun kban takatanya.”

Abakuk 1:8

At ngay kabayu amatarung yap ngay leupardu, ay amadot yap ngay idu talun tagfanloan sad yabi. Ay at ngay kabayu gtarung yangay siginan tangayayu fag talun, kata sik bio at masakit nanyukfu at fagnangonun.

Sefanias 2:5

Ida am, ngay taw Filistia tagbanwan sis tigyangan dagat. Katatuy Yawi at longan sabaliwa ayu: Namaurianan kwan ayu fag ngay taw Filistia tagbanwan sis Kanaan; namamin kwan ayu fagayu, ay kwa namae sawad ya.

Sefanias 2:7

Ay at kinsawad ban fag ngay taw Uda nangagbilug kafag talun. Ay sanya yangay ban nu namafangonan at ngay fagbaugun. Ay nu nyabi wan, kanya fagayu nantiug wan sis Askelun fag ngay bale. Ay ginanya ban, kafag ngay taw at Dius, Yawi kafanyu ay gdog yay namae ramraman anya fagayu.”

Tap 24:17

Nalag au si ku taginfan at yud yay anfasludan. Sik fun ban tagsiginans Akub at kasugfunanan namagtainan sas Israel. Ay kanya ban gfamin ngay taw Muab ay Set at ngay kasugfunanan fagayu.

Mateu 8:11

Glong au ayu te, ngayu bank taw umdasug siginans fakamenitan ay siginans fakayabian ay malunggung gfangon gasfuan Abrayam, Isak ay Akub gina ban Dius gfagtainan.

Tagfangguna 6:3

Galay ngay taw Israel gtanum fag buknga, ngay taw Midyan, ngay taw Amalek, ay tiba yak taw tagsiginans fakamenitan baliwa namawayan ngay taw Israel.