Isayas 11:12 - Fanawbuid tagsibaliwas Fakayabian

¹² Ginanya ban, Yawi namabat at famasaful fag ramit sa sangay taw sas fagayu talun, laman namaful fagayu at kinrapyag fag ngay taw Israel ay Uda siginan tibak afud talun sas fagdaul daga.

Isayas 11:12 ပူးပေါင်းရင်းမြစ်များ

Alubad. 107:3

Aroro kanya nafaful ayu siginan tibak talun, siginans fakamenitan ay fakayabian, ay anggan siginans dua alvngvdan.

Alubad. 147:2

Yawi gdog yay kawat furuan Erusalem. Ay gfaful at natabanan fag ngay taw Israel.

Alubad. 60:4

Dewa katanya, nafoli o sa emi sik famasaful, laman fagsafulan te, sanya nu maful ami gina ami gfawayan.

Alubad. 68:22

Fun Dius nalong te, “Namauli au ku ngay fawayan siginans Fungsu Basan. Ay namul au anya fagayu siginans fagngabasadan dagat,

Isayas 11:10

Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Isayas 18:3

Fagayu am tagbanwan sas fagdaul daga, fanyai nu e gfabat sik famasaful fag ramit sas tungud buksul, ay dungugani nu gbudyung.

Isayas 24:16

Ay umdungug ban tagfangalubadan sas fungfung daga te, “Segi, Dius at matuyan.” Ay dewa katanya, au afanyuan kway fag taw. Kamomuy au! Aroro takamabo fag ngay taw gfataglayun way nu kamabo.

Isayas 27:13

Ay gina ban e ndungug budyung at awang daul, umfoli ban sas furuan Erusalem tagidapan fag ngay taw Israel, at natabanan sas Asirya ay Igiptu. Ay kanya ban fagayu sumeg Yawi sat yud e malong fag buksul tagsis furuan Erusalem.

Isayas 43:6

Glong kban sa sangay talun at ngay taw tagsis dua alvngvdan laman gfabayan wan am ngay kasugfunanan nu kafoli sat sadili talun, dewa ndaginan fag fungfung daga.

Isayas 49:22

Yawi tam Fun glong te, “Gyafe au sa sangay talun laman gfafoli am ngay taw sa emu kata at fagulitun fag ngay sisian.

Isayas 49:5

Yawi nafili angku laman at fagsuguan, laman namafoli ay namaful ngay taw Israel sa anya. Yawi ku Dius nafausegan ay nafon angku fagmabitsugun.

Isayas 54:7

Sik kadugayan, naubun kwa emu, dewa katanya, gdog kyay nangalaga emu aroro maksvn nu kesug au emu.

Isayas 56:8

Yawi tam Fun nafaful at natabanan fag ngay taw Israel, ay kanya glong te, “Namaful kyay ban tibak taw, saman ya ku nafaful ebi taguna.”

Isayas 59:19

Ay nusnga nday ban gfababaun ay sumeg anya, aroro kanya kadasug kata mamam nu gfawas kaduge sik maksvn fag tagmara nu gtulud.

Isayas 60:4

Famanawani sam ligung, am ngay taw maful wan. Am ngay sisian fag ngay mangama tagsiginan tangayayu nantungul emu, ay am sisian fag ngay mangena kata ngay sisian tagasalilianan.

Isayas 62:10

Ngay taw Erusalem, duksuni siginan ay furuan at ngay sakbawan, ay falganani ay fasinei ay ngay kaiban at dalan. Buli wan ngay gang, ay fabati sik famasaful sa sangay taw te, Yawi gfauli wan at ngay taw.

Isayas 66:19

“Namalag kban at madulo sa anya fagayu. Ay fagayu ban at sawad gsugu au sa sangay talun Tarsis, Pul, Lud (ngay taw Lud saful gagbilug godun), ay sas Tubal, Gresya, ay sa tiba yak talun tangayayu yud batang gdungug sabaliwa ku fagmasineun, ay yud batang glag ku fagmabalyananun. Kanya ban fagayu namoyung sanya fag ngay talun at taw sabaliwa ku fagmabalyananun.

Eremyas 23:3

Namaful kban ku ngay taw at sawad siginan sangay talun nu inda nu gfasaruayan au anya fagayu, ay namafoli kban sat sadili fagbanwanan ay kanya ban fagayu gdog yay nangayu.

Eremyas 30:17

Ay gfafia kban ay ngay bangbang, tibak taw dewa nalong te, nafabayan wan ay naiyan ayu fag ngay taw Erusalem. Au, Yawi, taglong tuy.”

Eremyas 50:4

“Au, Yawi, glong au te, matuyan ginanya ban fag buknga, ngay taw Israel ay ngay taw Uda kakbang wan sa angku, at Dius Yawi.

Eremyas 51:12

Fabati sik ramit famasaful te, namawayan talun Babilunya. Famuti yap ay ngay tagulit, ay agbilugi at furuan. Buknga wan Yawi nu namakamulun at algan laman sas talun Babilunya.”

Esekyel 28:25

Yawi nalong yangay fia te, “Namaful kwa ban ngay taw Israel siginan at fagrapyaganan fag ngay talun. Siginan ban takatatuy, gfalag kban sa sangay talun ku fagmatuyanun. Kanya ban fag ngay taw namanwan sit mesa talun, ku nafon fag fagbanwanan sa ku fagsuguan Akub.

Usea 1:11

Ay ginanya ban, ngay taw Uda ay taw Israel gdog yay kagamut, ay gfili ban at fun. Kanya ban fagayu gdog yay kaayu sit talun, ay maksvn ban nu guseganan sis Esreel.”

Usea 2:2

Ku ngay sisian, salagi ay mina aroro bunwa sia ya ku mangena ay bunwa au ya at mangama. Longi anya te, faragangi wan nu kamatugtug.

Sefanias 3:10

Ku ngay taw at nasaruayan sas dife Liskung Etiupya namuba ban sa angku at ngay fanggalangun.

Sakaryas 10:6

Namabitsug au ngay taw Uda, ay namalangfe Israel at ngay kasugfunanan. Aroro anfanyu au anya fagayu ay namafoli au sat fagbanwanan. Au wan Yawi kanya fag ngay taw at Dius. Nu katanya, gbalus au at ngay darangin. Ay kanya fagayu kata yay gina au yud naiyan.

Sakaryas 8:7

Namalangfe au ku ngay taw at natabanan sa sangay talun tagsis fakamenitan ay sis fakayabian.

Uan 7:35

Ay taw Udyu at ngay tagfangguna gkamatoan te, “Dada ban manga kafag taw nu glao, tam fagyudun ban glag ya anya? O kanya ban manga sa tam ngay kaiban at kinrapyag at magamut gbanwan si sangay taw Gresya, ay namoyung sanya fag ngay taw Gresya?

Deuterunumyu 32:26

Nalong au te, gfaurianan kban anya fagayu, yakmay ban kanya fagayu yud kamatang ya sas fagdaul daga.

Santiagu 1:1

Au, Santiagu, Dius ay tam Fun Isus at fagsuguan. Gfadasug au ku longan sas taw Israel at kasugfunanan fag labi dua at nasaruayan sas fagdaul daga.

At Nafasure 5:9

Ay kanya fagayu galubad sik bagu fag alubad te, “O wan at masine gbul at mafabilugan fag fafil ay at malusi kafag ngay fandafut. Aroro anbul o, ay siginan am taguk nabayad o ngay taw laman sas Dius, siginans fagayu kasugfunanan, ay fagayu fangaringang, ay fagayu gaban taw, ay fagayu talun.

At Nafasure 7:1

Nu ntabu takatanya, nalag au ufatk tagbarita malindug sis ufatk fugungan daga, ay kanya fag ufat gfatawad ufatk tagmara laman wa gtagmara sas daga ay sas dagat, ay sas nusnga setaw fag kayu.