Isayas 11:11 - Fanawbuid tagsibaliwas Fakayabian

¹¹ Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 11:11 ပူးပေါင်းရင်းမြစ်များ

Fakasigadan 10:10

Taguna fag ngay furuan Nimrud at fagfagtainanan: Babilunya, Erek ay Akad. Kafag ngay furuan sis talun Sinar.

Fakasigadan 10:22

Sem at ngay baguama: Elam, Asur, Arfaksad, Lud ay Aram.

Fakasigadan 11:2

Kaduge ngay taw gadgalinan at fagbanwanan siginans fakamenitan sas fakayabian, kanya fagayu andasug sa sik datag sas talun Sinar, ay gbanwan sanya.

Fakasigadan 14:1

Ginanya fag buknga, Amrafel, Sinar at fun, ay Ariuk, Elasar at fun, ay Kedurlaumer, Elam at fun, ay Tidal, Guyim at fun,

Fakasigadan 2:13

Ay at faduak liskung nafangayan te, Gikun, ay gfamilugan gbaraudan sas fagdaul talun Kus.

2 Fun 17:24

Asirya at fun nasugu ngay taw siginan sangay furuan Babilunya, Kuta, Aba, Amat ay Sefarbaim, ay nafabanwan kafag ngay taw sa sangay furuan tagsis Samarya laman famaungbus ngay taw Israel. Nu katanya, ngay taw Asirya nagbilug Samarya ay tiba yak furuan sis Israel.

Ester 10:1

Fun Akasuerus nasugu ngay taw sat fagfagtainanan anggan yangay tagbanwan sa sangay furu ayu sirut laman namon ngay famayad sas fun.

Alubad. 68:22

Fun Dius nalong te, “Namauli au ku ngay fawayan siginans Fungsu Basan. Ay namul au anya fagayu siginans fagngabasadan dagat,

Isayas 1:9

Yawi at Mabalyanan ro way nafasawad ya antam, ankata wa ro tam Suduma ay Gumura.

Isayas 10:20

Ginanya ban fag buknga, ngay taw Israel, Akub at kasugfunanan at kinsawad, wa ban nanseg ya sat nafaurianan anya fagayu fag ngay talun, nu bunway nanseg tua ban Yawi, ngay taw Israel at Dius at yud e Malong.

Isayas 10:9

O nunda wa gsudan at kinfasludan sa ngay furuan Karkemis, Kalnu, Arpad, Amat, Damasku ay Samarya? Narasras kwan kanya fag ngay furuan!

Isayas 11:16

Umke dalan ban laman Dius at ngay taw at kinsawad umkalfas siginans Asirya, kata ebi gina ngay taw Israel glao siginans talun Igiptu.

Isayas 19:21

Yawi ban namatoglag at sadili sanya fag ngay taw, ay ginanya yangay ban fag menit kafag ngay taw tumoglag Yawi, ay gseg ban anya ay namon sa anya nusnge wain fag fanggalangun. Ay namatuyanan ban sas Yawi, ay namafasludan at ngay nafatuyanan.

Isayas 19:22

Yawi ban namaurianan kanya fag ngay taw Igiptu, ay dewa katanya, namafia yay ban anya. Kanya fag ngay taw nangakbang sas Yawi, ay Yawi gbalus ban at darangin ay gfafia.

Isayas 21:2

Nalag au sik malimu fag taginfan sabaliwas fakamaboun ay faurianan. Elam ay Medya, fawayani Babilunya! Dius ban namaragang wan Babilunya nu gfaurianan tibak talun.

Isayas 22:6

Elam at ngay tagfawayan nu namawayan e ngay godun, ay gsakay sis kabayu at faguyudan fangawayan. Ay anggan Kir at ngay tagfawayan gina namawayan, gfalganan at mesa famalabag.

Isayas 24:15

Nu katanya, fagayu taw tagbanwan sas fakamenitan ay tagbanwan sa sangay tigyangan dagat, segi Yawi, Israel at Dius.

Isayas 37:31

Ay fagayu at kinsawad tagleleg sis Uda umramraman yangay ban, kata sik tanum tangabasad at lalid ay tagrawvg.

Isayas 42:10

Alubadi sik bagu fag alubad sas Yawi! Fagayu am tagsis fagdaul daga, alubadi sik ngay famauseganan anya. Segi yangay anya, fagayu am tagsis sakayan lino, ay fagayu tagbanwan sa tangayayu fag ngay talun tagsis wabilug dagat.

Isayas 42:12

Fauseganani segi Yawi, fagayu am tagsiginan tangayayu fag ngay talun tagsis wabilug dagat.

Isayas 42:4

Kanya ban di kamomuy ay di umyud e fagsegun yakmay ban nafae fagmatuyanun sas fagdaul daga. Anggan ngay taw tagsiginan tangayayu fag ngay talun tagsis wabilug dagat gfanya at ngay foyungan.”

Isayas 45:14

Yawi nalong sa sangay taw Israel te, “Namagtainan ban am ngay taw Igiptu, ay ngay taw Etiupya, ay ngay taw Saba fag gaban taw tangabat. Kanya ban fagayu umdasug sa emu gbuba at ngay ramraman ay at ngay gutluan, ay gtaban ban am anya fagayu, ay kanya ban fagayu nanmalub sa ay daga salubangan ay gfainfanyuan sa ayu te, ‘Anud, Dius gufud ayu, ay sas day anya we tibak Dius!’ ”

Isayas 49:12

Ku ngay taw ban tiba kadasug siginan tangayayu, ay tiba ban siginans wala fag alvngvdan ay siginans fakayabian, ay siginans Sinim.”

Isayas 66:19

“Namalag kban at madulo sa anya fagayu. Ay fagayu ban at sawad gsugu au sa sangay talun Tarsis, Pul, Lud (ngay taw Lud saful gagbilug godun), ay sas Tubal, Gresya, ay sa tiba yak talun tangayayu yud batang gdungug sabaliwa ku fagmasineun, ay yud batang glag ku fagmabalyananun. Kanya ban fagayu namoyung sanya fag ngay talun at taw sabaliwa ku fagmabalyananun.

Eremyas 25:25

Simri, Elam, Medya,

Eremyas 31:10

Ngay talun dungugani ku longan, ay fadungugi sa tangayayu fag ngay furuan: nafarapyagan au ngay taw Israel, dewa katanya, namaful kyay ban ay nangalaga kata sik tagalaga fagbaugun nu galaga at ngay tupa.

Eremyas 44:1

Yawi nalong sas Eremyas sabaliwa ngay taw Udyu tagbanwan sis fawalan fag alvngvdan talun Igiptu: si sangay furuan Migdul, Takpanes ay Memfis, ay anggan yangay tagbanwan sis fasiunan fag alvngvdan talun Igiptu.

Eremyas 49:23

Katatuy Yawi at longan sabaliwas Damasku: “Ngay taw Amat ay ngay taw Arpad kalimu at nadungug fag barita at malimu. Kanya fagayu gidapan ay gafanawa ay wa kagwanta kata dagat nu glugwak.

Esekyel 27:6

Am ngay fangiang lino mawatan kayu daul tagsiginans Basan. Ay am salug mawatan ngay kayu tagsiginan yays Sipre fag furu, ay e rarawan mawatan siginans elipanti at bagang aba.

Esekyel 29:14

Namafoli kyay ban kafag ngay taw sas Patrus sas fasiunan fag alvngvdan talun Igiptu, sat ngay mangaguyang at fagbanwanan. Dewa katanya, at fagfagtainanan ban mamomuy way lang.

Esekyel 30:14

Namasik mabaluanan kban furuan Patrus, ay nangirug kban furuan Suan ay namaurianan kban furuan Tebes.

Esekyel 32:24

“Ay Elam at fun sanya yangay fag fagfolian magamut at ngay tagfawayan. Kanya fagayu anbul sis awayan. Ay nanangagamut sas fagfolian at yud gafanud sas Dius. Gina kafag ngay taw gleleg, nafalimu ngay taw. Dewa katanya katsi, kanya fagayu andasug wan sas fakaplaun magamut at ngay kinbul.

Esekyel 38:8

Aroro sik menit ban, gsugu au ayu te, namawayan am Israel fag talun, tangaduge wan nu mabaluanan aroro nababawan. Dewa katanya, kanya fagayu nadog yay nawat at ngay furuan, ay anfoli wan at ngay taw siginan tibak talun, ay katsi gbanwanan manabayan.

Daniel 1:2

Kanya nababo ay nataban fun Yuyakim kata Fun Dius at fakaylatun. Ay kanya nabul tibak fagagbilugun sis Dius at bale ay nabuba sas Babilunya, ay nafasat fagfasuksukan ngay ramraman sit fagsegan at bale.

Daniel 11:18

Nu katanya, at fagnamawayanun ban, ngay talun way ayu sirut tagsis tigyangan dagat, ay ngayu ban at fagnangagbilugun. Dewa katanya, sik tagfangguna ban namaragang kafag fun nu gfapla tibak taw ay kanya way ban fag fun takapla.

Daniel 8:2

Ku nalag, malindug au sis tigyangan Liskung Ulay, sit ke alad fag furuan Susa sas Elam fag afud talun.

Usea 1:11

Ay ginanya ban, ngay taw Uda ay taw Israel gdog yay kagamut, ay gfili ban at fun. Kanya ban fagayu gdog yay kaayu sit talun, ay maksvn ban nu guseganan sis Esreel.”

Usea 11:10

Galo am angku nung au gsubang kata sik liun. Ay gina au gsubang, masakit nu guli am siginans fakayabian.

Usea 11:11

Masakit nu kadasug am kata sik ngay manuk tungud siginans talun Igiptu, ay mannga kata sik ngay labikung siginans Asirya. Gdog kyay gfauli ayu sa ay ngay fagbanwanan. Au wan Yawi taglong tuy.”

Mikas 7:12

Ay ginanya yangay ban fag buknga, ngay taw ban siginans Asirya ay Igiptu at fagagbilugun fag ngay furuan, ay sitsigons Liskung Eufrates, ay siginan tangayayu fag ngay talun, nangaful sa ayu.

Sefanias 2:11

Yawi namadulo anya fagayu siginan nu grufa fagayu fagsegan sas fagdaul daga. Nu katanya, ngay taw sa tangayayu fag ngay talun sumeg yangay Yawi sit mesa talun.”

Sakaryas 5:11

Ay kanya nabalus angku te, “Sas Babilunya, nu inda nu kawat sik bale laman fagfasakboan kafag sabi. Ay gina ntabu, namasakbo sanya kafag sabi.”

Sakaryas 8:7

Namalangfe au ku ngay taw at natabanan sa sangay talun tagsis fakamenitan ay sis fakayabian.

Sakaryas 9:2

Namaurianan kyangay furuan Kamat munakbang si sangay furuan Kadrak ay Damasku, anggan Tiru ay Sidun fag ngay furuan, dewa at ngay tagbanwan e fagsafulun.

Ruma 11:15

Dius at fagnaiyanun taw Udyu, kanya namasadi fagdaul daga at ngay taw sa anya. Nu katanya, kaugat yay ban Dius nu kaylat kafag ngay taw, kata nu nafaleleg at mabulan.

Ruma 11:26

Nu katanya, umlangfe tua ban fagayu taw Israel, kata at Rirukan te, “Kadasug ban at Tagfalangfe siginans furuan Erusalem, kanya ban tagfalyam taw Israel at fagmauriun.

2 Kurintu. 3:16

Ay dewa katanya, kanya ban fag ngay taw nu nfoli tua sa tam Fun, umkalyam wan kafag fantabun.

Deuterunumyu 9:29

“Dewa katanya, kanya fagayu am ngay taw. Kanya am fagagbilugun fag ngay taw am nafalfas siginans talun Igiptu siginan am fagmabalyananun.”