Isayas 11:10 - Fanawbuid tagsibaliwas Fakayabian

¹⁰ Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Isayas 11:10 ပူးပေါင်းရင်းမြစ်များ

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

1 Krunika 2:12

Buas, Ubed at mama, ay Ubed, Ese at mama.

Alubad. 116:7

Yawi matuyan tua sa angku. Nu katanya, mafae fagmanabayanun ktua ku amatanganan.

Alubad. 145:11

Kanya fagayu glong te, mabalyanan tuo, ay nu gfagtainan o, masine tua.

Alubad. 149:5

Am fag ngay taw at matuyan sas Yawi, useganani aroro nababo tuam, ay alubadi useganani dewa am si ay ngay fagtiugan.

Alubad. 91:1

Tiba Tungud fag Dius at mabalyanan, gfae fagbanwanan tua nusnga sinu tagsarig sa anya.

Alubad. 91:4

Kanya gdiri emu kata sik manuk tungud nu glub at ngay riangan. Ay at fagmatuyanun tagdiri ban emu kata sik famalabag.

Isayas 11:1

Dabid at kasugfunanan kata sik nagtudan kayu at natandug. Ay umdasug ban sik fun siginan Dabid at kasugfunanan.

Isayas 11:12

Ginanya ban, Yawi namabat at famasaful fag ramit sa sangay taw sas fagayu talun, laman namaful fagayu at kinrapyag fag ngay taw Israel ay Uda siginan tibak afud talun sas fagdaul daga.

Isayas 14:3

Ngay taw Israel, gina ban Yawi gfafaingalay ayu siginan ay ngay fagidapun ay ay fagafanawaun ay siginan nu gafagsuguanan am,

Isayas 2:11

Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.

Isayas 2:2

Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Isayas 2:3

Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun, tagsis furuan Erusalem.

Isayas 28:12

Katatuy Yawi at longan, “Ste ay fagfiangalayan. Am fag ngay mamomuy, fiangalayi.” Dewa katanya, kanya fagayu wa kaylat gdungugan.

Isayas 42:4

Kanya ban di kamomuy ay di umyud e fagsegun yakmay ban nafae fagmatuyanun sas fagdaul daga. Anggan ngay taw tagsiginan tangayayu fag ngay talun tagsis wabilug dagat gfanya at ngay foyungan.”

Isayas 49:22

Yawi tam Fun glong te, “Gyafe au sa sangay talun laman gfafoli am ngay taw sa emu kata at fagulitun fag ngay sisian.

Isayas 59:19

Ay nusnga nday ban gfababaun ay sumeg anya, aroro kanya kadasug kata mamam nu gfawas kaduge sik maksvn fag tagmara nu gtulud.

Isayas 60:3

Ngay talun at ngay taw ay at ngay fun umkakbang ban sa emu.

Isayas 60:5

Ay nu nalag ro wo takatanya, guseganan ro wo maksvn, aroro gfadasug tua sa emu tibak talun at ngay ramraman.

Isayas 62:10

Ngay taw Erusalem, duksuni siginan ay furuan at ngay sakbawan, ay falganani ay fasinei ay ngay kaiban at dalan. Buli wan ngay gang, ay fabati sik famasaful sa sangay taw te, Yawi gfauli wan at ngay taw.

Isayas 66:19

“Namalag kban at madulo sa anya fagayu. Ay fagayu ban at sawad gsugu au sa sangay talun Tarsis, Pul, Lud (ngay taw Lud saful gagbilug godun), ay sas Tubal, Gresya, ay sa tiba yak talun tangayayu yud batang gdungug sabaliwa ku fagmasineun, ay yud batang glag ku fagmabalyananun. Kanya ban fagayu namoyung sanya fag ngay talun at taw sabaliwa ku fagmabalyananun.

Eremyas 6:16

Yawi gdog yay glong te, “Nanmalindug am sa sangay sagbatan ay famanawani fia. Ay intoi te, inday at dan ay at matuyan fag dalan, ay laoi sanya. Ay umke fagmanabayanun ban am. Dewa katanya, glong wayam te, ‘Wami kaylat nandalan sanya.’

Agay 2:9

Katsi, ku bale ban amasine yap tua ebi taguna. Nu katanya, namae fagmanabayanun kban tuy fag furuan daul. Au, Yawi at Mabalyanan, taglong tuy.”

Tap 10:33

Nu katanya, kanya fagayu nalao siginans Yawi at nafili fag buksul kaduge tuluk menit. Fagsuadan Nasadian si gugat at fagunan laman gfoyung at fagfiangalayan.

Mateu 12:21

Ay fagayu ban talun at ngay taw e fagsegun tua sa anya.”

Mateu 8:11

Glong au ayu te, ngayu bank taw umdasug siginans fakamenitan ay siginans fakayabian ay malunggung gfangon gasfuan Abrayam, Isak ay Akub gina ban Dius gfagtainan.

Lukas 2:32

Ay kanya ban sik salung sas yud Udyu fag ngay taw at yud yay natoglag emu, ay sik fagmasineun sa am ngay taw Israel.”

Uan 12:32

Ay nu e nafabat angku siginans daga, namakbang kban fagayu taw sa angku.”

Fakamulun 11:18

Ay kanya fagayu nu nadungug takatanya, namaragangan ay gseg Dius. Ay nalong te, “Nu katanya, Dius nafon sik buknga sas yud Udyu fag ngay taw laman gubun at ngay asalanan, ay laman magbilug yangay leleg at yud e fakatabuan.”

Fakamulun 28:28

Ay Pablu nalong yay fia te, “Kaylat au gfasaful sa ayu te, tuy fag barita sa baliwa tam Dius nu gfalangfe, at yud Udyu fag ngay taw nadungug wan, ay kanya fagayu gdungugan mandi.”

Ebreu 4:1

Dius nafatuyanan sa antam te, manangadasug tua ban tam sat fagfiangalayan. Nu katanya, masine nu mafalganan tuam gugat laman ban nusdi sadi si ayu diam yud umdasug sanya.

1 Pedru 5:10

Tam Dius magalang sas fagayu taw, ay kanya at nauro ayu sat yud e fakatabuan fag fagmasineun siginan tam Fun Isus. Wa ban glugo ya nu gidapan am, ay Dius ban namafia ay namabitsug ay namaksvn ayu.

At Nafasure 22:16

“Au wan Isus at nasugu ku tagbarita laman gfatuyan sa ayu sa sangay furuan. Au wan Dabid at sugfun, ay at masulo fag tagurabas.”

At Nafasure 5:5

Sanya ginan at sadik fagtainan nalong sa angku te, “Lag o gwayway. Damai, Liun tagsiginan taw Uda at sugfun, Dabid at kasugfunanan, kanya wan at nababo ay at masine glusi kafag fituk fandafut ay at makatu gfalugde kafag fafil.”