Isayas 11:1 - Fanawbuid tagsibaliwas Fakayabian

¹ Dabid at kasugfunanan kata sik nagtudan kayu at natandug. Ay umdasug ban sik fun siginan Dabid at kasugfunanan.

Isayas 11:1 ပူးပေါင်းရင်းမြစ်များ

2 Samwel 23:3

Yawi, Israel at fagsarirungan fag gang, nalong sa angku te, ‘Nusnga sinu at matuyan nu gfunan ay tagfaning Dius,

1 Krunika 2:12

Buas, Ubed at mama, ay Ubed, Ese at mama.

Alubad. 145:11

Kanya fagayu glong te, mabalyanan tuo, ay nu gfagtainan o, masine tua.

Isayas 11:10

Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Isayas 4:2

Dewa katanya, ginanya ban fag buknga, Yawi gdog yay namasine ay namarabung fagayu fananumun sis Israel, ay at ngay gutluan ban gfae fagusegananun ay gfae fagfanagsagun sat kinsawad fag ngay taw Israel.

Isayas 53:2

Yawi at fagsuguan tagfaning anya kaksvn tua kata sik tanum at bagu gtugbung ay taglalid tua dewa sat matat fag daga. Kanya wa masine ya ay we famaylatan ya laman kakbang tam anya.

Isayas 6:13

Ay dewa ban anke sawad yay sit talun at fasafuluk afud taw Israel, e namamin yay ban. Dewa katanya, e nafili kyay at kumsawad sanya. Kanya ban fagayu umkata sik bvtang at yud e malong, ay kata sik nagtudan kayu at natugbung yay.”

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Eremyas 23:5

Yawi glong yangay te, “Sik menit ban nanfili au sik fun at matuyan tagsiginans Dabid at kasugfunanan. Kanya ban e fagsafulun sabaliwa nu gfunan, ay namae fagmatuyanun ste fag talun.

Eremyas 33:15

Ay ginanya ban, namae funan kban at ke fagmatuyanun tagsiginans Dabid at kasugfunanan. Kanya ban namafagdaul fagmasineun ay fagmatuyanun stie fag daga.

Esekyel 17:22

Fun Dius Yawi nalong yay fia te, “Namul kban kayu sidru at langbud sanga, ay nananum kban sa sik buksul tangabat sis Israel. Ay gtugbung ban, ay grawvg ay umsik tagbia fag fun kayu. Sanya ban fagayu manuk tungud nu nanfugad, ay sanya yangay ban anggan tibak mela nu namalanbung.

Esekyel 37:25

Kanya ban fagayu namanwan sit talun ku nafon sa ku fagsuguan Akub, sit ngay mangaguyang at fagbanwanan. Ay kanya ban fagayu anggan at ngay kasugfunanan sanya tua gugat nu gbanwan. Ay kabavn ban tagfangguna anya fagayu, ku fagsuguan fun Dabid at ngay kasugfunanan.

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Sakaryas 3:8

Ay katsi, Uswe fag tagfon fanggalangun dungugani: o ay am ibama fag ngay tagfon fanggalangun kata sik fagtoglagan takafasludan ban. Namasure au ku fagsuguan at nafangayan te, Sanga.

Sakaryas 6:12

Nanlong o sas Uswe te, au Yawi at Mabalyanan glong au te, ‘Kafag taw at ngayan te, Sanga, gtugbung ay namadog ban namawat Yawi at bale. Kanya ban umsik fun ay e gfauseganan ban anya. Ay e tagfon fanggalangun nanmalindug sit day faglunggungan ay kanya fag dua masadi.’

Mateu 1:1

Katatuy Isus tam Fun at ngay mangaguyang nu gdaddagan. Kanya Dabid ay Abrayam at kasugfunanan.

Ruma 15:12

Isayas gfoyung yangay te, “Ese ban at Baguama kadasug, laman nanfunan fagayu taw, ay laman ban yud Udyu fag ngay taw e fagsegun sa anya.”

Ebreu 7:14

Mayamag wa te, tam Fun siginans Uda at kasugfunanan. Ay Muisis we foyungan te, e tagfon fanggalangun ban sanya ginan fag kasugfunanan.

At Nafasure 22:16

“Au wan Isus at nasugu ku tagbarita laman gfatuyan sa ayu sa sangay furuan. Au wan Dabid at sugfun, ay at masulo fag tagurabas.”

At Nafasure 5:5

Sanya ginan at sadik fagtainan nalong sa angku te, “Lag o gwayway. Damai, Liun tagsiginan taw Uda at sugfun, Dabid at kasugfunanan, kanya wan at nababo ay at masine glusi kafag fituk fandafut ay at makatu gfalugde kafag fafil.”

Rut 4:17

Ay Nuemi at ngay fasabale mangena glong te, Nuemi e fufu sik munama! Ay nafangayan kafag munama te, Ubed. Ay Ubed nu nbia wan, nafamubay ay anke sisian ay nafangayan te, Ese. Ay Ese nu nbia wan, nafamubay yangay ay anke sisian ay nafangayan te, Dabid.

1 Samwel 17:58

Ay Dabid nu ndasug wan, Saul ginto anya te, “Sinu am mama?” Dabid gbalus te, “Ku mama Ese tagbanwan sis Betleem.”