Isayas 10:6 - Fanawbuid tagsibaliwas Fakayabian

⁶ Gsugu kban anya fagayu laman namawayan ku fakadotamaun fag ngay taw at yud gfaning angku, ay laman nanrasras ay nansiad anya fagayu kata nu gsiad lifak sa sangaba dalan, ay namul yangay ban at ngay ramraman.”

Isayas 10:6 ပူးပေါင်းရင်းမြစ်များ

2 Samwel 22:43

Narufa au anya fagayu kata lukbu. Ay naukas au anya fagayu nusnga nday kata sik ngay nakaurian.

2 Fun 18:25

Ay sadi ya, o gamatangan o te, Yawi wa kaylat ku naloan stie? Kanya wa ngap karo at nasugu angku te, ‘Farasrasi wan ay famini tuy fag talun.’ ”

Isayas 19:17

Kanya ban fagayu kalimu taw Uda, nusdi lang nadungug at ngayan kalimu wan. Katanya Yawi at Mabalyanan at algan sa anya.

Isayas 22:5

Aroro tam Fun, Yawi at Mabalyanan, nafalganan sik menit laman ngay taw ban gbarisanan ay glagyu sis tagubungan nu inda nu glag ngay taginfan. Sanya ban fag furuan at ngay alad umrufa wan, ay ngay taw tagbanwan sanya guro sas buksul te, “Gubuki emi.”

Isayas 24:5

Ngay taw tagbanwan sas fagdaul daga nafauri wan at fagbanwanan, aroro wa nafaning Dius at ngay suguan ay wa nadungugan at ngay longan. Kanya fagayu nafamabo ebi at nasadian sas Dius te, namaning tua ban anya.

Isayas 29:13

Ay tam Fun glong te, “Kafag ngay taw nu gseg angku ay nu gfauseganan angku sit bibig way lang, ay dewa katanya, at amatanganan ngayayu way angku. Ay nu gseg angku gfaning way taw at suguan.

Isayas 32:6

Aroro sik ngay taw yud e fagsafulun nu garingang at yud way e masuad, ay at amatanganan sa way lang at mauri, ay gfakamulun at yud masine, ay kamuag nu garingang sas Yawi, ay gfabayan takalunus ay takadanum.

Isayas 33:1

Afanyuan am fag ngay tagrasras, am at yud batang e nagdalanan takatanya. Afanyuan am fag ngay takamabo, am at yud batang e nagdalanan nu e kamabo ayu. Ay nu ntabu wam grasras ay kamabo, am yangay ban at fagrasrasun ay at fakamaboan.

Isayas 33:14

Tagasalanan fag ngay taw sis Siun gtadtaruyan kalimu, ay glong te, “Kanya fag Dius kata sik tagigang fag afuy at yud karabung. Ay sinu si antam at manamanwan sas Dius at salubangan?”

Isayas 41:25

Nafili au sik taw siginans wala fag alvngvdan laman namagtainan. Kanya kakbang tua angku, ay katsi kanya kadasug siginans fakamenitan. Kanya ban namamin ngay tagfunan kata sik takawat tikung nu gsiad lifak laman gfalganan at fangawat tikung.

Isayas 49:17

Munakbang wan nu kafoli at nangawat emu, ay nangaiyan wan at narasras emu.

Isayas 49:25

Dewa katanya, Yawi nabalus te, “Kin, mafalangfe tuo am ngay fawayan at ngay nataban, ay manamul yay o at nabul fag ngay ramraman. Namawayan au at nafawayan emu ay namalangfe au am ngay taw.

Isayas 5:25

Nu katanya, Yawi maksvn nu kadotama at ngay taw, ay kanya mafalganan wan namaurianan anya fagayu. Ngay buksul ban guigan, ay ngay taw ban at mabulan rumapyagan sa sangaba dalan kata ngay nakaurian. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 5:29

Kanya fagayu nu guro gina gfawayan malimu kata sik liun nu gsubang. Ay gtaban at ngay nagamat, ay we namalfas ya.

Isayas 5:5

Namoyung au ayu ku fagnamakamulunun ban sa ku tanuman wat ubas: Nanrasras kban at matunglu fag ngay tanum, ay nanrufa kban at alad, laman ngay mela nangon ay nansiad.

Isayas 63:3

Yawi nabalus te, “Aroro andotama au maksvn naturis kwan ngay talun at taw kata sik rawvg ubas. Sesadi kway at naturis. Nu katanya, ku lanbung natagukun.

Isayas 63:6

Ay aroro kadotama au, nasiad kwan ngay talun at taw, ay nafaranranugan au anya fagayu kata sik ngay tagalangu. Ay naugwag kwan sas daga at ngay taguk.”

Isayas 7:17

“Yawi ban namadasug sa emu ay sam fagfanggunaun fag ngay taw ay sam ngay kalongan, sik fagidapun at yud batang kadasug sa ayu, siginan ebi gina talun Israel ay talun Uda gsaruayan. At masuad, namadasug ban sa ayu talun Asirya at fun laman namawayan ayu.

Isayas 8:4

Ay kanya ban fag sisian gina yud yay nasaful guro at mama ay at mina, Asirya at fun namul furuan Damasku at ngay ramraman, ay nangago ban furuan Samarya at ngay nafangago.”

Isayas 8:8

Ay kanya ban fagayu nu kadasug sas Uda, kata sik liskung nu gfamilugan at kabasadan sitsigons liug, ay gfalugde ban at ngay fakfak sa am talun.” Dewa katanya, Dius gufud tua emi!

Isayas 9:17

Nu katanya, tam Fun wa kaylat ngay taw Israel at ngay baguama, ay wa kafanyu at ngay yud e fagtainan ay ngay fagbubayun. Kanya fagayu mauri way ay wa gfaning Dius, ay mapla way at ngay longan. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 9:19

Ay aroro Yawi at Mabalyanan maksvn nu kadotama anya fagayu, anggan at daga umkirug wan, ay kafag ngay taw umkata famaygang takayungu. Ay kanya ban fagayu wa kadkafanyuan ya.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 3:10

Dewa katanya, kanya fagayu nu kafoli sa angku bunwa sas fagdaul at amatanganan, gfalagan way. Au, Yawi, taglong tuy.”

Eremyas 34:22

gsugu kyay ban anya fagayu laman namadog namawayan, nangagbilug, ay nangirug ayu. Fagayu ban furuan sis Uda namasik mabaluanan au ay wa ban e gbanwan ya.”

Eremyas 4:14

“Ngay taw Erusalem, talyuyani wan ay asalanan laman umlangfe tuam. Seduge ya ban nu gamatangan am sat mauri?

Esekyel 29:20

Gfon kban sas fun Nabukudunusur talun Igiptu tuga ku famonun sa anya ay sat ngay tagfawayan at nainlufuyan nafakamulun laman sa angku. Au, Fun Dius Yawi, taglong tuy.

Esekyel 38:12

Nangago kban ngay fagagbilugun siginan kafag ngay furuan at mabaluanan. Dewa katanya, katsi at ngay taw at natabanan sa tibak talun noli wan ay gbanwan sanya fag ngay furuan. Kanya fag ngay taw at fagagbilugun ay at ngay fagbaugun ngayu. Ay nafangayan anya fagayu te, tagtungud fag furuan ste swa daga.’

Esekyel 38:13

“Dewa katanya, Syeba ban ay Dedan, ay at ngay tagfalao sis Tarsis fag ngay furuan nanlong ban sa emu te, ‘O andasug am laman nangago ngay taw Israel at ngay salapi ay at ngay gintu, gasfuan at ngay fagbaugun ay at ngay fagagbilugun?’

Mikas 7:10

Ay tam ngay fawayan ban nu nalag takatanya, umkapla. Aroro ebi kanya fagayu nafalingun antam, glong te, ‘Dada wan ay Dius Yawi?’ Ay kadasug ban sik buknga, lumag tam kanya fagayu nu gafaurianan. Ay kanya ban fagayu umkata ngay lifak sa sangaba dalan ngay taw at fagsiadun.”

Abakuk 1:12

Abakuk nalong te, “Yawi, o wan ku Dius siginan ebi. O wan at yud e malong ay at yud e fakatabuan fag Dius. Yawi ku fagsarigan, nafili o ngay taw Babilunya laman gfaurianan emi.

Sakaryas 10:5

Kanya fagayu gadgaloan kata ngay tagfawayan at mabitsug tagbabo at ngay fawayan ay gsiad kata lifak si sangaba dalan. Kanya fagayu makatu gfawayan aroro galo au anya, ay namabo ngay tagakabayuan.

Mateu 15:7

Sik takamaningan wayam! Matuyan Isayas at foyungan ebi sabaliwa ayu te,