Isayas 10:4 - Fanawbuid tagsibaliwas Fakayabian

⁴ Wa ban am e balyawvtan ya sangay at nantudan magamut ngay natabanan ay mannga nantaygilidan magamut at ngay kinbul. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 10:4 ပူးပေါင်းရင်းမြစ်များ

Isayas 22:2

Ngayuk taw tagaringang ay tagfanguroan guseganan sas fagdaul furuan. Ay ngay iba at kinbul nu kabul, wa sis awayan.

Isayas 24:22

E namatong ban anya fagayu sasad lusung kata sik ngay maubungan. Nu nlangfe ban ngayuk menit, umfaurianan wan.

Isayas 34:3

Wa ban e namoli ya at ngay bilug, ay nu katanya, umbasung ban sanya, ay sanya ban fag ngay buksul umraska aroro gatagukun.

Isayas 5:25

Nu katanya, Yawi maksvn nu kadotama at ngay taw, ay kanya mafalganan wan namaurianan anya fagayu. Ngay buksul ban guigan, ay ngay taw ban at mabulan rumapyagan sa sangaba dalan kata ngay nakaurian. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 66:16

Yawi ban gagbilug afuy ay fiso tagsumbalian at uyup, laman namaurianan at ke asalanan fag ngay taw, ay ngayu ban at fagnamabulun.

Isayas 9:11

Nu katanya, Yawi ban namabitsug fun Resin at ngay fawayan, laman namawayan ngay taw Israel.

Isayas 9:12

Ngay taw Sirya ban kadasug siginans fakamenitan ay ngay taw Filistia kadasug yangay siginans fakayabian laman nanrasras talun Israel. Kanya fagayu kata at madot fag mela at mafalganan wan nangagat. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 9:16

Taw Israel at ngay tagfangguna gtabanan way at fagfanggunaun fag ngay taw sat yud matuyan, nu katanya, kafag ngay taw gaduanun.

Isayas 9:17

Nu katanya, tam Fun wa kaylat ngay taw Israel at ngay baguama, ay wa kafanyu at ngay yud e fagtainan ay ngay fagbubayun. Kanya fagayu mauri way ay wa gfaning Dius, ay mapla way at ngay longan. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 9:20

Ay kanya fagayu gbul wan ay kon nusnge wain fag fakonun at nalag, dewa katanya, wa kapsug. Ay kon wan anggan at ngay sisian.

Isayas 9:21

Ngay taw Manase ay ngay taw Efraim nangawayan, ay sanya ginan, kanya fag dua nangasadi laman namawayan ngay taw Uda. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 15:2

Ay kanya fagayu nu nainto te, ‘Dada ro nu glao ami?’ nanlong ro wo te, ‘Yawi glong te, Fagayu ku natuyan kabul sas fakasaitun, umbul sas fakasaitun. Ay ku natuyan te, kabul sas awayan umbul sas awayan, ay ku natuyan te, kabul sas fanlunus umbul sas fanlunus, ay ku natuyan te, gatabanan, e tumaban ban.’

Eremyas 37:10

Dewa ban am nababo talun Babilunya at ngay tagfawayan fagayu at nafawayan ayu, at sawad ban sit ngay bale dewa at nabasingan way lang, kanya ban fagayu namawayan yay fia ayu, ay nangirug ay furuan.’ ”

Eremyas 4:8

Nu katanya, suluni ay ngay lanbung famatoglag te, kabalu am ay waywayi te, “Yawi kadotama yay gugat antam.”

Usea 9:12

Nung way e gsisian man ban, gbul kwa ban anya fagayu ay kabalu ban am. Afanyuan ban am nu naubun au ayu.

Lebitiku 26:17

Gfabayan kban ay fawayan nu gbabo ayu, ay kanya ban fagayu gagbilug ayu. Ay at kaksvnan ban nu kalimu am gtadtaruyan ban am glagyu, dewa yud e gfafalo ayu.

Deuterunumyu 32:30

Tain ro sik taw nu mafafalo sadik libuk taw Israel? Ay tain ro duak taw nu mababo safuluk libuk taw? Wa ro umfasludan takatanya, at Dius Yawi, takata sik gang fagsarirungan, nu dway nafababo anya fagayu.