Isayas 10:32 - Fanawbuid tagsibaliwas Fakayabian

³² Ginanya fag menit, ngay taw Asirya nangadasug sas Nub ay namasaful te, namawayan Buksul Siun, Erusalem at buksul.

Isayas 10:32 ပူးပေါင်းရင်းမြစ်များ

2 Krunika 32:1

Ay Esekyas nu nafakamulun wan takatanya siginan at fagmatuyanun sas Dius, fun Senakerib, Asirya at fun, nanamawayan talun Uda. Kanya ay at ngay tagfawayan naligung sat ke ngay alad fag ngay furuan, aroro kanya gamatangan te, magbilug ban kanya fag ngay furuan.

2 Krunika 32:2

Ay fun Esekyas nu nalag te, Senakerib namawayan wan furuan Erusalem,

Nemyas 11:32

Ay tiba gbanwan sis furuan Anatut, Nub ay Ananya,

Isayas 1:8

Ay furuan Erusalem kata way lang sik bale famoy swabilug tanuman wat ubas, ay kata yangay sik bale fagulitan swabilug tanuman unduy ay kata sik furuan at maligungan at ngay fawayan.

Isayas 10:24

Nu katanya, tam Fun, Yawi at Mabalyanan glong te, “Ku ngay taw tagbanwan sis Siun, lag am kalimu ngay taw Asirya at nafaidapan ayu kata ebi ngay taw Igiptu nu gfaidapan ayu.

Isayas 10:31

Ngay taw Madmena nalagyu wan, ay ngay taw Gebim nasuksuan wan.

Isayas 11:15

Yawi ban namatat tagsis Igiptu fag dagat, ay namadasug sik masugba fag tagmara sas Liskung Eufrates laman umke fituk sarangan laman ngay taw madife.

Isayas 13:2

Fabati sik fakatoglagan fag ramit sas tungud buksul at yud e kayu. Ay uroi daul ay yafei sa sangay tagfawayan laman nanakbo ay namawayan at mabalyanan fag ngay taw at furuan.

Isayas 16:1

Ngay taw Muab at nalagyu sas Sela fag furuan, sik furuan tagsis tagalagnasun fag talun, foni sik ngay tupa riangan laman famonun sas Erusalem at fun.

Isayas 19:16

Ay ginanya ban fag ngay menit, ngay taw Igiptu gfaning kata sik mangena at yud mabitsug, ay kalimu gtadtaruyan aroro Yawi at Mabalyanan namaurianan.

Isayas 2:2

Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Isayas 29:2

Ay dewa katanya, namawayan kway ban kafag furuan, ay at ngay taw gwaywayan ban kabalu. Ay nu sa angku, kafag furuan umkata wa sik fagirugan tagatagukun.

Isayas 37:22

Nu katanya, katatuy ku longan sa anya: Ngay tagbanwan sis Siun sis Erusalem fag furuan kauri ay gfalingun emu. Kanya fagayu gfalingun emu kaduge o glagyu.

Isayas 8:8

Ay kanya ban fagayu nu kadasug sas Uda, kata sik liskung nu gfamilugan at kabasadan sitsigons liug, ay gfalugde ban at ngay fakfak sa am talun.” Dewa katanya, Dius gufud tua emi!

Eremyas 6:23

Kanya fagayu e ngay godun ay e ngay bangko, ay madot ay we afanyu. Ay kaduge gsakay sit ngay kabayu, at aringang kata sik lugwak nu gfawas. Kanya fagayu kadasug laman namawayan ayu, ngay taw Erusalem.”

Mikas 1:9

Aroro Samarya ban nu maiklasan kata sik buyu yud kafafia, ay umfasludan yangay ban takatatuy sas Uda, anggan sa ku ngay kaiban at fagbanwanan tiba tungud fag furuan Erusalem.

Sakaryas 2:9

“Namaurianan au anya fagayu, ay at ngay fagsuguan namawayan anya fagayu ay namul at ngay fagagbilugun. Ay nu nfasludan ban takatanya, sumaful am te, Yawi at Mabalyanan at nasugu angku.”

1 Samwel 21:1

Dabid nalao sas Nub ay andasug sas Akimelek at bale. Kanya sik tagfon fanggalangun. Akimelek nu nalag Dabid, gtadtaruyan kalimu ay ginto te, “Wain am fagsesadianun?”

1 Samwel 21:2

Dabid gbalus te, “Tam fun e suguan sa angku, ay kanya nalong sa angku te, ‘Lag gfasaful sas nusnga sinu fag taw te, nasugu au emu.’ Ay nalong au sa ku ngay tagfawayan te, ‘Gablangan ban tam si sik buknga.’ ”

1 Samwel 22:19

Ay fun Saul nasugu yangay te, “Namabul yangay o fagayu tagbanwan sis Nub, si sangay tagfon fanggalangun at furuan: ngay mangama, ngay mangena, ay ngay sisian, ay anggan at ngay baka, asnu ay tupa.”

1 Samwel 22:9

Ay Dueg, sik taw Edum malindug yangay sanya magamut Saul at ngay tagfawayan, kanya nalong te, “Gina au sis furuan Nub, nalag au Ese at baguama, kanya nalao sas Akimelek, Akitub at baguama. Ay Akimelek nadarangin laman sas Dabid, ay nafon sa anya at ngay fagayudanun, ay nafon yangay Gulyat fag taw Filistia at fiso.”