Isayas 10:3 - Fanawbuid tagsibaliwas Fakayabian

³ Tain ban ay fakamulun nu ndasug nu gafaurianan am fag menit, gina ban faurianan andasug siginan tangayayu fag talun? Dada ban nu get am gubuk? Ay dada ban nu gfasuksuk am ay ngay ramraman?

Isayas 10:3 ပူးပေါင်းရင်းမြစ်များ

Fakasigadan 31:1

Akub nadungug Laban at ngay baguama nu glong te, “Arvs fagayu wan Akub at nabul tam mama at ramraman. Fagayu at ramraman siginan way tam mama.”

2 Fun 7:15

Kanya fagayu naguyan ngay taw Aram sitsigons Liskung Urdan ay nalag sad dalan ngay taw Aram at naukas at ngay fagagbilugun ay at ngay lanbung aroro gabanganan glagyu. Ay kafag ngay fagsuguan anfoli ay nafasaful sat fun.

Ub 31:14

Kway ro nafakamulun takatanya, setain ro ku fakamulun, Dius nu gfaurianan wan angku? Setain ro ku famalus gina kanya gfatuyan sabaliwa angku?

Fangatulun 11:4

Ramraman wa mafagubuk nu si wa sfanginsafulan fag menit, dewa katanya, at matuyan fag ugali, mafalangfe emu siginans fakabulun.

Isayas 13:6

Fagayu am waywayi, aroro munakbang wan Yawi at menit, Dius at Mabalyanan nu namaurianan.

Isayas 17:4

Ginanya ban fag menit, Israel at fagmabalyananun umkalyam wan, ay at fagmaramramanun gfaungbus sik fagidapun.

Isayas 20:6

Gina ban umfasludan fag menit, ngay taw Filistia lumong te, ‘Damai at kinfasludan sanya fag ngay talun tam fagsegan ebi ginan, ay tam fagnangetan gugat gubuk laman gfalangfe antam siginans Asirya at fun. Setain ban katsi nu malangfe tam?’ ”

Isayas 26:14

Katsi kanya fagayu anbul wan ay wa ban gdog gleleg. Nafaurianan o anya anggan anbul ay we gamatang ya anya.

Isayas 26:21

Aroro kanya umdasug siginan at fagbanwanan laman namauri fagdaul daga at ngay taw aroro at ngay asalanan. Daga namalfas yay ban at kinbul fag ngay taw, ay wa ban gdog ya nanuksuk.

Isayas 28:20

Aroro kata wayam sik taw tagtiug sit munagud fag fagtiugan, ay at umut wa mafaumut anya.

Isayas 29:6

Ay au, Yawi at Mabalyanan, namamatang kban furuan Erusalem, ay umdasug kban gasfuan lingsi, ay uig, ay sik awang, ay tagbaribungan fag tagmara, ay fulug, ay tagigang fag afuy.

Isayas 30:16

Ay nalong am te, ‘Malagyu waymi siginan em ngay fawayan, aroro fagayu em ngay kabayu matarung tua.’ Anud, umlagyu wam fia, dewa katanya, at namafalo ayu amatarung yap tua.

Isayas 30:5

ay ngay taw Uda umke fakaplaun ban aroro ngay taw Igiptu wa ggubuk ya, nu bunway gfadasug way fakaplaun ay fagyudun e fagsegun.”

Isayas 30:7

Kanya fag talun, Igiptu wan, at yud e tungkul fagayu at gubuk. Nu katanya, gfangayan au anya te, “sik tagbia fag mangilafang at yud e tungkul.”

Isayas 33:14

Tagasalanan fag ngay taw sis Siun gtadtaruyan kalimu, ay glong te, “Kanya fag Dius kata sik tagigang fag afuy at yud karabung. Ay sinu si antam at manamanwan sas Dius at salubangan?”

Isayas 39:3

Ay Isayas fag taglong nalao sas fun Esekyas ay nainto te, “Daginan kanya fag ngay taw ay nataw at algan?” Ay Esekyas nabalus te, “Kanya andasug siginans tangayayu fag talun, siginans Babilunya.”

Isayas 5:14

Ay fagfolian at sakbawan umbia ay umluang kata takalunus fag mela nu gfabia at bibig, laman sumakbo sanya takadungug fag ngay taw Erusalem ay at yud e fanambagun ay anggan ngay taw tagbarisanan kamanagsag.

Isayas 5:26

Ay kanya gyafe at daluap sa sangay taw sa tangayayu ngay talun, ay giful laman ngay taw tagbanwan sa tangayayu fag fatuan daga. Ay masakit kadasug sa Erusalem laman namawayan at ngay taw.

Eremyas 22:7

Namadasug au at nangiklas emu ay kanya ban fagayu mesa gbuba at fanrasras ay gfuan am ngay turuk sidru ay gukas sasad afuy.

Eremyas 4:30

Erusalem, munakbang wan nu kamin o. Nataw katsi am fakamulun? Wain am fagalanbunganun yay at masine ay am fage famasineun yay sim bilug? We tungkul ya nu kamasineun o. Am fagadgalangan fag ngay talun wa kaylat ya emu, abat ngate, namabul wan emu.

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Eremyas 9:9

O nunda ya nsak at fagmauriun laman gfaurianan au anya fagayu? O ay nunda kwa masine gfasud takatanya fag ngay taw? Au, Yawi, taglong tuy.”

Usea 5:13

Ngay taw ban Israel ay ngay taw Uda nu nalag nu gidapan gbanwan, Israel nanget gubuk sas Asirya at fun at mabalyanan, dewa katanya, kafag fun wa magubuk.

Usea 9:5

Nu katanya, nataw ro katsi ay fakamulun nu ndasug sis fagmafulan fag menit ay laman gfauseganan Yawi?

Usea 9:7

Ngay taw Israel, andasug wan nu gafaurianan am fag menit, ay kafag menit namasure ban ay nafakamulun. Sumaful wam te, andasug wa ngaro kafag menit, ay glong am te, ‘Kanya fag taglong kata nu yud mamatanganan.’ Makatu wayam glong takatanya, aroro ngayu wan ay ngay asalanan ay kadotama am angku.

Amus 5:19

Ay kata ban am sik taw tagamatangan te, anlangfe wan siginan sik liun, ay aroro mangaro, nafablang yay fia sik usu. Ay gamatangan yangay te, anlangfe wan aroro siwa at bale, ay aroro mangaro gina nated at dingding sik ule nagat anya.

Mikas 7:4

Ngay taw sit furuan takatap te, matuyan, we tungkul, kata way sik wat at madugi. Ay andasug wan at buknga Dius nu namaurianan anya fagayu, kata at ngay taglong at nafararang ebi. Ay andasug wan at buknga nu nangafaplan.

Sefanias 1:18

Gina kban gfaurianan fag menit, we mafalangfe anya fagayu, dewa at ngay salapi ay at ngay gintu. Ku dotama kata afuy tagirug fagdaul daga. Ay masakit nu gfamin au fagayu tagbanwan sas fagdaul daga.”

Lukas 19:44

Kanya ban fagayu namatong emu, gasfuan tagbanwan si emu. Ay wa ban e gang ya gtudtungudan, aroro wo nasaful te, Dius andasug sa emu.”

Deuterunumyu 28:49

Yawi ban namafawayan ayu sa sik gaban taw tagsaman ayu at fangaringang, tagsiginan sik fungfung daga. Kanya ban fagayu namawayan ayu kata sik bio nu gyukfu at ngay fagnanggamatun.

1 Pedru 2:12

Ugalii at matuyan si sangay taw at yud e fagafanudun, dewa kafag ngay taw gfantabugan te, mauri am. Ay kanya ban fagayu nu nalag ay fakamulun at masine, sumeg tam Dius gina ban kanya kadasug.