Isayas 10:26 - Fanawbuid tagsibaliwas Fakayabian

²⁶ Au Yawi at Mabalyanan, gfaurianan kban anya fagayu kata ebi ku nafakamulun sa sangay taw Midyan munakbang sis Gang Ureb, ay kata yangay ku nafakamulun sa sangay taw Igiptu gina au nafalubgub anya fagayu sasad dagat.

Isayas 10:26 ပူးပေါင်းရင်းမြစ်များ

2 Fun 19:35

Balabag di fag yabi, Yawi at tagbarita nalao sas Asirya at fagmafulan ay nafabul sadik sandan waluk safulu e limak libuk tagfawayan. Gina sis balabag sirut, at ngay tagleleg nu nfulo, nalag kafag ngay mabulan.

Alubad. 35:23

Ku Dius, ku Fun, falganani ay fawayani laman sa angku!

Alubad. 83:11

Ay fabuli wan at ngay tagfangguna kata am nafakamulun sas Ureb, ay sas Seeb, ay sas Seba, ay sas Salmuna.

Nu Galin 14:16

ay fatiuani am tulag sas dagat laman kafud ay laman ngay taw Israel malao sat matat fag daga.

Isayas 10:24

Nu katanya, tam Fun, Yawi at Mabalyanan glong te, “Ku ngay taw tagbanwan sis Siun, lag am kalimu ngay taw Asirya at nafaidapan ayu kata ebi ngay taw Igiptu nu gfaidapan ayu.

Isayas 11:16

Umke dalan ban laman Dius at ngay taw at kinsawad umkalfas siginans Asirya, kata ebi gina ngay taw Israel glao siginans talun Igiptu.

Isayas 30:30

Ay sanya Yawi namadungug at mabalyanan fag aringang, ay namasure at daluap laman gfasaful te, mafalganan wa namauri aroro maksvn nu kadotama. Gfasfuan sik tagigang fag afuy, ay arak way nu umbusbus, ay glimbad ay gtalafun, ay arak yelu kadaul ngay gang ayu sirut.

Isayas 30:31

Ngay taw Asirya umlimu nu gdungug Yawi nu garingang at famauri sanya fag ngay taw.

Isayas 30:32

E gfamin waban fagayu taw sanya ay kayu ginan Yawi gfalang sanya fag ngay taw, gfasfuan sik fagfadkalinganun ay fagfawangun ke ngay bakyang.

Isayas 9:3

Yawi, gfayu ban o kanya fag ngay taw, ay gfon ban o sa anya fagayu sik maksvn fag fagusegananun. Kanya ban fagayu guseganan sam daga salubangan kata ngay taw taguseganan gina fanggutluan, ay kata yangay sik ngay taw taguseganan gina gafudan at nabul fag ngay ramraman siginan at nababo fag ngay fawayan.

Isayas 9:4

Aroro gfalfas ban o am ngay taw siginan nu gafagsuguanan. Ay namalfas ban o anya fagayu kata ban sik ngay fagbaugun, nanlifung ban o at ngay fantungud liug ay anggan at famalang anya fagayu. Namakamulun ban o takatanya, kata ebi am nafakamulun gina o gbabo ngay taw Midyan.

At Nafasure 11:18

Ay fagayu talun at ngay taw at yud natoglag emu, maksvn nu kadotama emu. Ay andasug wan at buknga nu gfadasug o am dotama. Ay andasug yangay at buknga nu gtuyan o ngay kinbul at fakamulun te, o masine ay o mauri, ay nu gfon o famonun sas fagayu am taglong am ngay fagsuguan, ay sam ngay taw, ay sas fagayu tagsuyu emu, sa takadungug fag ngay taw ay dewa sat mafalingun fag ngay taw. Ay andasug yangay at buknga nu gfamin o tagfaidapan ngay taw sas fagdaul daga.”

At Nafasure 19:15

Ay siginan at bibig naduksun sik fiso at maglat tagsumbalian at uyup, laman namasing fagayu talun at ngay taw. “Kanya gbitbitan sanbung fag famalang ay gfagtainan kafag ngay taw.” Ay kanya nansiad at fagturisan ubas, laman gfalag sa anya fagayu te, Dius at mabalyanan maksvn nu kadotama.

Tagfangguna 7:25

Ay kanya fagayu nagamat Ureb ay Seeb, ngay taw Midyan at fun tagfawayan fag dua. Ay nafabul Ureb si sik gang at nafangayan te, “Ureb fag Gang,” ay nafabul yangay Seeb sis fagturisan wat ubas at nafangayan te, “Seeb fag fagturisan rawvg ubas.” Ay ngay taw Efraim gfataglayun nu gfafalo ngay taw Midyan. Sanya ginan, kanya fagayu nabuba Ureb ay Seeb at alfuyu sas Gidyun sas dife Liskung Urdan.