Isayas 10:22 - Fanawbuid tagsibaliwas Fakayabian

^22-23 Ngay taw Israel dewa ngayu kata lagnas sis tigyangan dagat, wa ban ngayu at kumfoli, nu bunway at kinsawad way lang ban. Aroro mafalganan wan Dius at faurianan sat ngay taw, ay umfaurianan. Anud, tam Fun, Yawi at Mabalyanan, namaurianan wan fagdaul daga, kata at algan.

Isayas 10:22 ပူးပေါင်းရင်းမြစ်များ

Fakasigadan 18:25

Gafanud au te, di ro wo nangus gfaurianan at matuyan fag ngay taw gasfuan at mauri fag ngay taw. Ay di ro nangus gsudsudan nu gdama o anya fagayu. O wan tagsaful fagayu taw te, o e asalanan, nu katanya, fakamuluni kata am algan.”

1 Fun 4:20

Ngay taw Uda ay ngay taw Israel kayu lagnas tagsis tigyangan dagat. Ngayu at fakonun ay at fanginum, ay kanya fagayu guseganan.

2 Fun 19:31

Aroro e sawad ban tagleleg sis furuan Erusalem, sas Buksul Siun. Yawi at Mabalyanan at namafasludan takatanya.”

Isayas 37:31

Ay fagayu at kinsawad tagleleg sis Uda umramraman yangay ban, kata sik tanum tangabasad at lalid ay tagrawvg.

Isayas 46:3

Akub at ngay kasugfunanan, am at sawad fag ngay taw Israel, dungugani angku. Nalaga au ayu siginan ngay nu kasalug am.

Isayas 48:19

Ay ay ngay kasugfunanan ro ngayu tua kayu lagnas, ay di ban gafaurianan.”

Isayas 59:20

Yawi nalong te, “At namalangfe ban Akub at ngay kasugfunanan kadasug sas Siun, ay kanya namalangfe fagayu at naubun at ngay asalanan.

Isayas 6:11

Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Isayas 6:13

Ay dewa ban anke sawad yay sit talun at fasafuluk afud taw Israel, e namamin yay ban. Dewa katanya, e nafili kyay at kumsawad sanya. Kanya ban fagayu umkata sik bvtang at yud e malong, ay kata sik nagtudan kayu at natugbung yay.”

Isayas 60:22

Kanya wa ngayu, dewa katanya umkayu ban. Kanya sik ngay yud e kwa, dewa katanya, umsik mabalyanan ban fag talun. Au Yawi, gabanganan kban gfakamulun takatanya nu ndasug ginanya fag buknga.”

Isayas 65:8

Yawi nalong yay fia te, “Lag yap gfangulan sik raug ubas dewa tibak rawvg andan wan, aroro at masine fag rawvg e fanambagun yay. Katanya yangay ban ku fakamulun sa ku ngay taw, kya ban gfamin anya fagayu. Gfalangfe kyay ban fagayu tagfaning angku.

Isayas 8:8

Ay kanya ban fagayu nu kadasug sas Uda, kata sik liskung nu gfamilugan at kabasadan sitsigons liug, ay gfalugde ban at ngay fakfak sa am talun.” Dewa katanya, Dius gufud tua emi!

Eremyas 3:14

Yawi glong yay fia te, “Ku ngay sisian takamabo, afolii wan sa angku, aroro am wan ku ngay taw. Gfili kban at sadi ay mannga dua siginan ay mesa gaban ay nantaban kban sas Erusalem.

Eremyas 44:28

Ay dewa ban anke sawad siginans fagawayanan ay anfoli sas Uda, wa ban am ngayu ya. Siginan ban takatanya at kinsawad fag ngay taw Uda tagbanwan sis talun Igiptu, sumaful te, sinu ke longan at matuyan: at ngay longan o ku longan.

Daniel 9:27

Ay kanya ban fag tagfangguna kawat sik maksvn fag nasadian laman sa sangay taw kaduge fituk banwa. Dewa katanya, nu nlangfe ban tuluk banwa ay unumk magdanun, kanya ban gfaragang wan nu gfon fanggalangun sis Yawi at bale ay kanya ban namasakbo sanya at mauri fag fagagbilugun tagfayud e masuad at bale. Ay kanya ban gbanwan sanya yakmay andasug Dius at nafalganan fag buknga laman sa kafag tagfangguna at fakatabuan.”

Usea 1:10

Dewa katanya, kadasug ban tibak menit, gdog kyay ban kafanyu anya fagayu ay kanya ban fagayu umkayu kata lagnas sis tigyangan dagat at yud katap ya. Ay kadasug ban sik menit kanya fagayu kangayan te, ‘ku ngay sisian.’

Fakamulun 17:31

Aroro Dius nafalganan wan sik menit laman nanginsaful taw at asalanan, siginan at nafili fag taw. Kanya nafatuyan takatanya sas fagayu taw siginan nu gfadog gfaleleg at nafili fag taw.”

Ruma 2:5

Ay aroro kamaogatun o siginan nu yud o gubun am fagmauriun, nafaksvn o faurianan sa emu, gina ban Dius nafadasug at dotama ay nanginsaful ngay taw at asalanan, sit nafalganan fag menit.

At Nafasure 20:8

ay gduksun laman nandaya fagayu talun at ngay taw sas ufatk fugungan daga, at masuad Gug ay Magug, ay kanya namaful kafag ngay taw laman namalganan namawayan. Kafag ngay taw kayu slagnas sis tigyangan dagat.