Isayas 10:21 - Fanawbuid tagsibaliwas Fakayabian

²¹ Ay at kinsawad ban at ngay amatanganan umfoli sat Mabalyanan fag Dius.

Isayas 10:21 ပူးပေါင်းရင်းမြစ်များ

Esra 1:4

Ay at sawad fag ngay taw tagbanwan sas nusnga nday fag talun gumubuk ayu gina am glao. Ay gfon yay nangus ayu ngay sanbung salapi, gintu, ay fagayu ay fagayudanun, ay at ngay fagbaugun, ay at yud fabulunan fag ngay fanggubukun laman sas Dius at bale sis Erusalem.

Isayas 19:22

Yawi ban namaurianan kanya fag ngay taw Igiptu, ay dewa katanya, namafia yay ban anya. Kanya fag ngay taw nangakbang sas Yawi, ay Yawi gbalus ban at darangin ay gfafia.

Isayas 37:31

Ay fagayu at kinsawad tagleleg sis Uda umramraman yangay ban, kata sik tanum tangabasad at lalid ay tagrawvg.

Isayas 46:3

Akub at ngay kasugfunanan, am at sawad fag ngay taw Israel, dungugani angku. Nalaga au ayu siginan ngay nu kasalug am.

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Isayas 59:20

Yawi nalong te, “At namalangfe ban Akub at ngay kasugfunanan kadasug sas Siun, ay kanya namalangfe fagayu at naubun at ngay asalanan.

Isayas 7:3

Ay sanya ginan, Yawi nalong sas Isayas te, “Tabani am baguama Sear-Asub ay namablang am fun Akas sas fungfung fagfamiluganan mamam tagsit buid fag fagfungsuan mamam, munakbang sis dalan tagsas fagbakbakan lanbung.

Isayas 9:13

Kafanud kanya, nu gfaurianan ngay taw Israel, kanya fagayu ya kafoli sas Yawi at Mabalyanan. Ay kanya fagayu wa gamatangan ya anya.

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Eremyas 50:20

Ginanya ban fag ngay menit, at kinsawad fag ngay taw Israel ay Uda wa gasalanan ya, aroro nafalyam kwan at ngay asalanan. Au, Yawi, taglong tuy.”

Usea 14:1

Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Usea 6:1

Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Usea 7:10

At ngay fakamabatunun gfatuyan te, kanya ban fagayu nangafaurianan. Dewa katanya, kanya fagayu dewa nafaurianan, ya kafoli ay kakbang sa angku, at Dius Yawi.

Usea 7:16

Kanya fagayu nananget oma gubuk sat yud e tungkul fag ngay fakakbangan. Kanya fagayu kata way sik yud e masuad fag godun. At ngay tagfangguna anbul sas awayan aroro wa matuyan at ngay longan. Nu katanya, ngay taw Igiptu ban namalingun anya fagayu.

Fakamulun 26:20

Nafoyung au taguna sis Damasku ay sanya ginan sas Erusalem ay sas fagdaul talun Udea ay anggan sas yud Udyu fag ngay taw. Nafoyung au laman sanya fag ngay taw gubun tua at asalanan ay kafoli sas Dius ay gfatuyan siginan at ngay fakamulun te, naubun wan at asalanan.