Isayas 10:20 - Fanawbuid tagsibaliwas Fakayabian

²⁰ Ginanya ban fag buknga, ngay taw Israel, Akub at kasugfunanan at kinsawad, wa ban nanseg ya sat nafaurianan anya fagayu fag ngay talun, nu bunway nanseg tua ban Yawi, ngay taw Israel at Dius at yud e Malong.

Isayas 10:20 ပူးပေါင်းရင်းမြစ်များ

2 Fun 16:7

Akas nasugu at ngay tagfosuk longan laman nanlong sas Tiglat-Pileser, Asirya at fun te, “Au am fagsuguan tagfadiuganan emu. Falangfei angku siginan Aram at fun ay Israel at fun at namawayan angku.”

2 Fun 19:31

Aroro e sawad ban tagleleg sis furuan Erusalem, sas Buksul Siun. Yawi at Mabalyanan at namafasludan takatanya.”

2 Krunika 14:11

Sanya ginan, Asa nadarangin sat Dius Yawi te, “Yawi, we makatu ggubuk ngay taw at yud e fagmakatuun, laman namawayan sa sangay taw at ke fagmabalyananun, nu bunway o way lang. Yawi, em Dius, gubuki emi, aroro o way lang em fagsegun, ay sam ngayan, nalao ami stae laman namawayan in fag ngay tagfawayan ngayu. Yawi, em Dius, lag o kaylat ngay taw nu gbabo emu.”

2 Krunika 28:16

Ay ginanya fun Akas naet gubuk sas Asirya at fun.

2 Krunika 28:20

Nu katanya, Tiglat-Pileser, Asirya at fun, abat ngate nagubuk fun Akas, nafae fagidapun way.

Esra 9:14

Ay nu nlangfe takatanya, nadog yay mi nafamabo am ngay suguan, ay andadwa ami sa sangay taw tagfakamulun at mauri. Nu katanya, natuyan ami te, kauri ro wo ay gfamin emi.

Isayas 1:9

Yawi at Mabalyanan ro way nafasawad ya antam, ankata wa ro tam Suduma ay Gumura.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 11:16

Umke dalan ban laman Dius at ngay taw at kinsawad umkalfas siginans Asirya, kata ebi gina ngay taw Israel glao siginans talun Igiptu.

Isayas 37:4

Asirya at fun nasugu at fun tagfawayan laman namalingun tagleleg fag Dius. Malgau ay Dius Yawi nadungug wan kanya fag fun tagfawayan at longan ay kanya umfaurianan aroro nalong takatanya. Nu katanya, darangini tua at kinsawad si antam.’ ”

Isayas 46:3

Akub at ngay kasugfunanan, am at sawad fag ngay taw Israel, dungugani angku. Nalaga au ayu siginan ngay nu kasalug am.

Isayas 50:10

Sinu am takalimu Yawi ay tagfaning at fagsuguan at ngay foyungan? At masine, afanudi tua sas Yawi dewa am sit madulum fag dalan at yud e yamag.

Isayas 6:13

Ay dewa ban anke sawad yay sit talun at fasafuluk afud taw Israel, e namamin yay ban. Dewa katanya, e nafili kyay at kumsawad sanya. Kanya ban fagayu umkata sik bvtang at yud e malong, ay kata sik nagtudan kayu at natugbung yay.”

Eremyas 3:23

Anud nasalan ami siginan nu nanseg ami ngay fagsegan sa sangay tungud buksul. Yawi em Dius, o way lang ngay taw Israel at tagfalangfe.

Eremyas 44:14

Fagayu ban am at kinsawad fag ngay taw Uda at nanamanwan sas talun Igiptu kabul waban am. Wa ban am malagyu ya sas Uda dewa am kaylat yay kafoli ay namanwan sanya. Wa ban am mauli ya nu bunway nusnga sinu way lang ban at nalagyu.”

Usea 14:3

Ay wami get ya fanggubukun siginans Asirya, ay wa yangay mi gseg ya em ngay tagfawayan tagsakayan sis kabayu. Ay wa yangay mi gngayan ya em nawat fag ngay fagsegan te, em ngay dius. Aroro anfanyu tuo emi kata sik ngay sisian at yud e fagtainan ya.’ ”

Usea 5:13

Ngay taw ban Israel ay ngay taw Uda nu nalag nu gidapan gbanwan, Israel nanget gubuk sas Asirya at fun at mabalyanan, dewa katanya, kafag fun wa magubuk.

Mikas 5:3

Nu katanya, Yawi ban gfagbilug wan ngay taw Israel sat ngay fawayan yakmay ban sik mangena nainkidapan nafasalug sik munama, at nanfangguna ban taw Israel. Ay kanya ban fag tagfangguna at ngay kaiban at natabanan sa tibak talun, umfoli yay sat ngay kaiban.

Sefanias 3:13

Kanya ban fag ngay taw Israel di gfakamulun at mauri, di kamuag ay di gfandaya, ay gfangon tua ban ay gtiug manabayan ay di e fakalimuun.”