Isayas 10:17 - Fanawbuid tagsibaliwas Fakayabian

¹⁷ Yawi wan at yud e malong fag Dius, ay sia wan taw Israel at salung. Kanya kata sik afuy tagigang at nangirug Asirya at fun, kata ngay tanum at madugi nu kairug, kaduge way sik menit.

Isayas 10:17 ပူးပေါင်းရင်းမြစ်များ

Alubad. 18:8

Sik anus naduksun siginan at dungus, ay sik afuy tagigang ansure siginan at bibig.

Alubad. 21:9

Gina ban o ndasug, namamin ban o am ngay fawayan, kata nu kairug sisad faigangan. Ay kanya ban fagayu umkamin, aroro sam dotama.

Alubad. 27:1

Yawi, o wan ku salung ay ku tagfalangfe. O wan ku taggubuk. Sinu ya ku fakalimuun? Nu katanya, kwe fakalimuun ya.

Alubad. 50:3

Dius kadasug aroro e fagnanlongun. Gina kadasug, sit fagunan sik afuy at mairug nusnge wain, ay sit ligung maksvn nu gfulug.

Alubad. 84:11

Yawi em Dius, o wan em tagbalabag, ay em taggubuk, ay nafasik takadungug o emi, kata menit nu gyamag sa emi. Ay di o gsuksuk nusnge wain at masine sas fagayu tagugali at matuyan.

Alubad. 97:3

Siginan anya, afuy gduksun, laman girug at ngay fawayan nusnga nday.

Isayas 26:11

Yawi, nafalganan wo laman namauri anya, ay dewa katanya, wa nasaful. Yawi, foyungi anya. Faplani anya laman lumag te, se aksvn nu kesug o am ngay taw. Famini wan am ngay tagfawayan siginans afuy.

Isayas 27:4

Kdi kauri kafag tanuman wat ubas. Ay dewa katanya, nu e lagan au at madugi fag makmak, ggulad kwan ay girug.

Isayas 27:7

Yawi di nafaurianan ngay taw Israel, kata nu gfauri ay nu gfabul at ngay tagfawayan.

Isayas 30:33

Glugo wan nu mafalganan at buknga daga at fagnangirugan Asirya at fun. Kanya tagbia wan ay nangabasad wan, ay mafalganan yangay ngayu fag famaygang. Yawi at engasan kata sik afuy asupre tagfalabe kafag famaygang fagayu.

Isayas 31:1

Afanyuan, fagayu am at nanget gubuk sas talun Igiptu. Gsarig am sat matarung fag ngay kabayu, ay at tangayu fag faguyudan fangawayan, ay at magaras fag ngay tagsaful gsakay sis kabayu. Dewa katanya, wam gseg Yawi, Israel at Dius at yud e Malong, ay wam nanget gubuk sa anya.

Isayas 31:9

Fagayu at ngay tagfawayan lumagyu aroro kalimu, ay at ngay fagtainan wa nasaful te, tain ro at fakamulun gina nalag at ngay fawayan gfabat at famasaful fag ramit. Katanya Yawi at longan, at nafae afuy sis Siun, sis furuan Erusalem.

Isayas 33:12

Umkirug ban am yakmay umkata dafug. Kata yangay am sik madugi fag makmak nu e nalifung ay e nairug.

Isayas 33:14

Tagasalanan fag ngay taw sis Siun gtadtaruyan kalimu, ay glong te, “Kanya fag Dius kata sik tagigang fag afuy at yud karabung. Ay sinu si antam at manamanwan sas Dius at salubangan?”

Isayas 37:23

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

Isayas 37:36

Ay Yawi at tagbarita nalao sas Asirya at fagmafulan ay nafabul sadik sandan waluk safulu e limak libuk tagfawayan. Gina sis balabag sirut, at ngay tagleleg nu nfulo, nalag kafag ngay mabulan.

Isayas 47:14

At matuyan, kanya kata way sik ngay nagbiluganan at masakit kairug, ay wa mafalangfe at sadili siginan sad afuy. Kafag afuy di kata at maugali fag afuy nu bunway amasugba yap tua.

Isayas 60:19

Bunwa ban menit ya tagyamag emu gina swa menit, ay bunwa ban magdanun ya tagyamag emu sisad yabi, aroro au wan Yawi tagyamag emu kabavn. Au wan Dius tagfon emu fagmayamagun.

Isayas 66:24

Ngay taw tagseg angku gina gduksun siginans Erusalem, kanya fagayu lumag at mabulan fag ngay taw at nafamabo angku. Ay ngay ulud takon anya fagayu wa kabul, ay afuy tagirug anya fagayu wa karabung. Ay fagayu ban taw kauri kafag ngay taw takamabo.”

Isayas 9:18

Aroro kafag ngay taw at fagmauriun maksvn wan kata sik afuy tagirug sas wa makmak tagadugiun. Kanya gbia nu gigang kata afuy nu girug sik araw, ay kata sik takabat fag anus at madamvl.

Eremyas 4:4

Ngay taw Uda ay taw Erusalem, fasinei wan ay ngay amatanganan si ku daga salubangan, aroro nu dway ban am gfakamulun takatanya, umdasug sa ayu ku dotama takata igang at yud e mafarabung ya, aroro sa ay nafakamulun at mauri. Umfasludan ban takatanya aroro sa ay nafakamulun at mauri.”

Eremyas 7:20

“Au, Yawi ay Fun, glong au te, namadasug au ste fag furuan ku dotama at maksvn: sa sangay taw, ay sa sangay fagbaugun, ay sa sangay fun kayu, ay sa sangay tanum. Ku dotama kata sik afuy at yud e mafarabung.

Naum 1:10

Kata am sik tagalangu at mafasafungan madugi fag wat. Namamin au ayu kata nu e nairug ngay nagbiluganan fare.

Sefanias 1:18

Gina kban gfaurianan fag menit, we mafalangfe anya fagayu, dewa at ngay salapi ay at ngay gintu. Ku dotama kata afuy tagirug fagdaul daga. Ay masakit nu gfamin au fagayu tagbanwan sas fagdaul daga.”

Sakaryas 12:6

“Ginanya ban fag menit, taw Uda at ngay tagfangguna namakata au singsing afuy tagigang sis tungud famaygang ay mannga kata sik tagigang fag sarab at nafasalung mafutusan fag fare. Ay namaurianan ngay furuan sit ligung, dewa katanya, ngay taw Erusalem di gafaurianan.

Tap 16:35

Sanya ginan, Yawi nafadasug afuy, ay nafamin Kura at ufud fag duak sandan limak safuluk taw, gina girug famaebebanglu fag fanggalangun.

Mateu 3:12

Kanya glayap laman gfasaman at ngay nagutan siginans trigu, ay gfaful ngay bintuy trigu sat fagfungsuan. Dewa katanya, at ngay upa nangirug sas afuy at yud ban karabung kabavn.”

Deuterunumyu 4:24

Ay wa kaylat nung wayam e tibak fagsegan. Aroro Yawi nu gfaurianan kata sik afuy nu gfamin.

Ebreu 12:29

Aroro tam Dius kata sik afuy at mafafamin nusnge wain.

At Nafasure 21:23

Ay kafag furuan wa gayudan ya menit ay magdanun at yamag, aroro Dius wan at fagmasineun tagyamag sanya, ay at salung Tupa Riangan wan.

At Nafasure 22:5

Ay sanya ban we yabi ya, ay wa ban gayudan ya salung ay menit at yamag, aroro Dius tam Fun, kanya waban kafag ngay fagsuguan at yamag. Ay kanya ban fagayu gfagtainan kabavn.