Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isayas 10:16 - Fanawbuid tagsibaliwas Fakayabian

16 Nu katanya, tam Fun, Yawi at Mabalyanan, namae fakasaitun ban ngay taw Asirya at ngay tagfawayan at mabitsug, ay namadasug ban sik afuy daul tagigang laman nangirug kafag fun at fagmabitsugun ay at ramraman fagayu.

အခန်းကိုကြည့်ပါ။ ကော်ပီ




Isayas 10:16
25 ပူးပေါင်းရင်းမြစ်များ  

Nu katanya, Yawi nafadasug at tagbarita laman namabul Asirya at ngay tagfawayan at maseganama ay at ngay fun tagfawayan ay at ngay tagfangguna. Ay fun Senakerib kapla maksvn ay noli wan. Ay kanya nu nasakbo sat fagsegan at bale, at ngay baguama nafabul anya siginan sik fiso tagsumbalian at uyup.


Ay Dius nafon at fagetun, dewa katanya, nafadasug yangay sik fakasaitun, ay kanya fagayu anmomuy.


Dius andotama kafag ngay taw Israel, ay nafabul at ngay baguama at maseganama.


Nu setain sik fakasaitun nu gfamomuy sik taw at bilug, katanya yangay, Yawi ban grasras wan Asirya at fun at fagagbilugun fag ngay araw ay at ngay tanum tangayu nu grawvg.


Ginanya ban fag menit, Israel at fagmabalyananun umkalyam wan, ay at fagmaramramanun gfaungbus sik fagidapun.


Yawi, nafalganan wo laman namauri anya, ay dewa katanya, wa nasaful. Yawi, foyungi anya. Faplani anya laman lumag te, se aksvn nu kesug o am ngay taw. Famini wan am ngay tagfawayan siginans afuy.


Fagayu at ngay tagfawayan lumagyu aroro kalimu, ay at ngay fagtainan wa nasaful te, tain ro at fakamulun gina nalag at ngay fawayan gfabat at famasaful fag ramit. Katanya Yawi at longan, at nafae afuy sis Siun, sis furuan Erusalem.


Aroro nadungug au nu kadotama o ay kamatungudun sa angku, namae fansayang au sim dungus ay namuksung au am bibig, ay gguyudan au emu sam guyan ay namafoli au emu sam fagbanwanan.’ ”


Ay Yawi at tagbarita nalao sas Asirya at fagmafulan ay nafabul sadik sandan waluk safulu e limak libuk tagfawayan. Gina sis balabag sirut, at ngay tagleleg nu nfulo, nalag kafag ngay mabulan.


Ngay furuan ban at marasrasan, at maramraman fag ngay taw at fagbanwanan ebi, umsik masine ban fag fagnamafangonan ngay tupa.


Nu katanya, namadasug au sa anya fagayu Asirya at fun ay at ngay tagfawayan, takata Liskung Eufrates gina glugwak, ay at mamam nasakfo sas dua tigyangan.


Aroro gfalfas ban o am ngay taw siginan nu gafagsuguanan. Ay namalfas ban o anya fagayu kata ban sik ngay fagbaugun, nanlifung ban o at ngay fantungud liug ay anggan at famalang anya fagayu. Namakamulun ban o takatanya, kata ebi am nafakamulun gina o gbabo ngay taw Midyan.


Ay at ngay tagfawayan at ngay lanbung tagatagukun ay anggan at ngay lapak umsik ngay famaygang wan.


Dewa katanya, namaurianan au ayu kata ay ngay nafakamulun. Nangirug au ay fagagbilugun fag ngay araw yakmay ankirug fagayu si ay ligung. Au, Yawi, taglong tuy.’ ”


Ngay taw Muab kamatungudun te, at ngay tagfawayan maseganama nu gfawayan.


Nanrvbvy kban fagayu at nalyam ay taginkalyaman. Ay namafia kban at ngay natayukan ay ke ngay fakasaitun, ay namabitsug kban fagayu at mamomuy. Dewa katanya, fagayu ban at mataglu ay at mabitsug namabul kwan. Ay nangalaga au fia ku ngay taw sas fagmatuyanun.


Katatuy Yawi at longan sa sangay taw Uda: Ay ngay fawayan Asirya dewa ngayu ay mabitsug, namamin kban anya fagayu. Ay kwa ban gdog ya gfaurianan ayu.


Ay namaurianan kyangay ban taw Asirya tagbanwan sis fawalan fag alvngvdan. Ay ginanya ban, Ninibe umsik mabaluanan, ay magong kata sik talun at yud e taw.


Ay katatuy Yawi at Mabalyanan at longan sas Sakaryas:


Ay arodi vtv tam Fun at tagbarita at sadi nafaurianan Erudes, aroro kafag fun nu kamatungudun wa sas Dius. Ay ulud naon anya ay anbul wan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ