Isayas 10:13 - Fanawbuid tagsibaliwas Fakayabian

¹³ Aroro Asirya at fun nalong te, “Nafakamulun au takatanya, siginan ku fagmabitsugun ay ku fagsafulun. Nagbilug au ngayuk talun ay at ngay ramraman. Maseganama au ay nababo kwan kafag ngay talun at ngay fun.

Isayas 10:13 ပူးပေါင်းရင်းမြစ်များ

2 Fun 15:29

Gina Peka gfunan, Asirya at fun Tiglat-Pileser nasakbo sas Israel ay kanya naago ngay furuan Iyun, Abel-Bet-Maaka, Anuak, Kedes ay Kasur, ay kanya naago yangay Gilyad, Galilea ay fagdaul talun Naftali. Ay nataban sas Asirya fagayu tagbanwan sanya fag ngay furuan.

2 Fun 16:8

Akas nabul salapi ay gintu siginans Yawi at bale ay siginan at ngay fagfungsuan ramraman sit sadili bale ay nafabuba laman at famonun sas Asirya at fun.

2 Fun 17:24

Asirya at fun nasugu ngay taw siginan sangay furuan Babilunya, Kuta, Aba, Amat ay Sefarbaim, ay nafabanwan kafag ngay taw sa sangay furuan tagsis Samarya laman famaungbus ngay taw Israel. Nu katanya, ngay taw Asirya nagbilug Samarya ay tiba yak furuan sis Israel.

2 Fun 17:6

Usea nu gfunan gina sis fasiamk banwa, Asirya at fun nagbilug Samarya ay nataban ngay taw Israel sas Asirya ay nafabanwan sas furuan Kalak si sangay talun at munakbang sis Liskung Kabur sis Gusan fag talun, ay si sangay taw Medya at ngay furuan ayu daul.

2 Fun 18:11

Asirya at fun nataban ngay taw Israel sas Asirya ay nafabanwan sas furuan Kalak, ay sa sangay talun at munakbang sis Liskung Kabur sis talun Gusan, ay sa sangay taw Medya at ngay furuan ayu daul.

2 Fun 18:15

Nu katanya, Esekyas nafon fagayu salapi tagsis Yawi at bale ay anggan tagsit bale daul at fagfungsuan ramraman.

2 Fun 18:32

yakmay au umdasug ay tumaban au ayu sa sik talun kamasine yangay ay talun, tangayu at ubas ay fagnamulan ay fanlangu ay ngayu yangay at fangawat tinapay, ay ngay fun ulibu ay deut. Sanya ban nu gleleg tuam ay di ban am kabul. Lag am gdungugan Esekyas; kanya kamuag way sa ayu te, ‘Yawi wan tagfalangfe antam!’

1 Krunika 5:26

Nu katanya, Israel at Dius naylat Pul (at ngayan yangay te, Tiglat-Pileser), Asirya at fun, nu namawayan kanya fagayu. Ay fun Pul nataban Rubin ay Gad, ay Manase fag wabilug kasugfunanan, ay nataban sas Kalak, sas Kabur, sas Ara ay sas day Liskung Gusan, ay dasug katsi kanya fagayu gbanwan sanya.

Fangatulun 28:11

Ngay taw at maramraman gamatangan te, e fagsafulun wan, dewa katanya, sik ngay taw at yud e kwa tagsaful gtogdungug, saful way kafag ngay taw at ugali.

Isayas 10:8

Nu katanya, kanya kamatungudun te, “O nunda fagayu tagfangguna ku ngay tagfawayan wa kata sik ngay fun?

Isayas 5:21

Ida, afanyuan am! Am takamanagsag te, “E fagsafulun au!”

Eremyas 46:8

Kanya talun Igiptu, at kinbalyanan kata Liskung Nilu at mamam nu gsakfo tigyangan. Igiptu at fun glong te, ‘Ansik mabalyanan au, kata sik lugwak nu kapnu sas fagdaul daga. Namamin kwa fia ngay furuan ay anggan ngay taw tagsanya.’

Eremyas 48:14

Ngay taw Muab kamatungudun te, at ngay tagfawayan maseganama nu gfawayan.

Esekyel 25:3

Nanlong o sa sangay tagbanwan sanya te, dungugani angku. Au, Fun Dius Yawi, glong au te, gina e grasras talun Israel ay gina e gtaban ngay taw Uda, guseganan wayam.

Esekyel 26:2

“Taw at baguama, ngay taw Tiru maksvn nu guseganan gina furuan Erusalem karasras. Kafag ngay taw glong te, ‘Ngay tagfalao at fagnamalaoan gugat fag furuan anrasras wan, nu katanya, kanya ban fagayu stae wan sa antam ay itam man ban takaramraman.’

Esekyel 29:3

‘Au, Fun Dius Yawi, glong au te, Faraun, Igiptu at fun, o wan ku fawayan. Kata o sik aktat daul at masurungan sisad liskung. Ay longi yangay te, o wan tagagbilug Liskung Nilu laman am fagnangigusan.

Esekyel 35:13

Nadungug kyangay nu kamatungudun am ay gfalingun angku.

Daniel 4:27

Nu katanya, mesug fag fun, dungugani ku ngay fangatulun sa emu: faragangi wan am fagmauriun, ay fakamuluni at matuyan ay afanyui at ngay tagidapan. Nu nafakamulun tua ban o takatanya fagayu, manabayan tua ban o gugat.”

Daniel 4:30

kanya nalong te, “Anud, Babilunya sik mabalyanan ay sik masine fag furuan daul ku nafawat siginan ku fagmabalyananun laman gfauseganan angku.”

Amus 5:27

Nu katanya, namagamat au ayu ay namataban gfayayu siginans Damasku.” Katanya Yawi at longan, at ngayan at Mabalyanan fag Dius.

Amus 6:13

Guseganan am nu nababo am furuan Lu-Debar ay Karnaim, ay glong am te, “Nababo tam kafag furuan siginan tam sadili fagmabitsugun.”

Abakuk 1:11

Sanya ginan, kanya fagayu masakit glao, kata tagmara nu gdalan. Nu katanya, kanya fagayu anke asalanan, aroro we fagtoglagun ngay fagsegan, nu bunway gseg wan at sadili fagmakatuun.”

Abakuk 1:16

Aroro ngayu at nataban, kanya fagayu kamatungudun at ngay fagmakatuun kata sik tagfangalbon nu gseg at fanggamat, siginan nu gfon at mabebanglu fag fanggalangun sat fanggamat. Siginan at fanggamat, kanya anke ngay ramraman ay anke ngay fakonun.

Abakuk 2:6

“Dewa katanya, kanya ban fag ngay talun at ngay taw namalingun anya glong te, ‘Afanyuan am, tagbul deyud ay fagagbilugun, ay tagfandaya laman kae ramraman am. Seduge tua ban nunda nu gfakamulun am takatanya?’

Deuterunumyu 8:17

Malong ban am sa ay ngay sadili te, “Nagbilug au tuy fag ngay ramraman siginan ku fagmakatuun ay ku fagmabitsugun.”

Tagfangguna 7:2

Yawi nalong sas Gidyun te, “Ngayu am ufud. Kanya ro fagayu nu nababo at ngay fawayan gamatangan te, nababo ami taw Midyan siginan em sadili fagmakatuun, ay bunwa siginan angku.