Isayas 10:12 - Fanawbuid tagsibaliwas Fakayabian

¹² Dewa katanya, tam Fun Dius nalong te, “Gina ban antabu nu gagbilug au Asirya at fun nu namafasludan ku algan fag faurianan sas Buksul Siun ay sas furuan Erusalem, namaurianan kyangay ban anya, aroro kanya kamatungudun ay kamanagsag!”

Isayas 10:12 ပူးပေါင်းရင်းမြစ်များ

2 Fun 19:31

Aroro e sawad ban tagleleg sis furuan Erusalem, sas Buksul Siun. Yawi at Mabalyanan at namafasludan takatanya.”

Alubad. 18:27

Ay gfalangfe tuo takamababaun, dewa katanya, gfababa o takamatungudun fag ngay taw.

Alubad. 21:10

Namabul ban o fagayu at ngay kasugfunanan, laman ban we sawad fagayu at gaban sas fagdaul daga.

Alubad. 76:10

Dius, nu kadotama o ngay taw dewa maksvn, takatanya, gfaksvn way laman ngay taw gfauseganan emu! Ay nagbilug o kafag ngay taw at dotama laman am famawayan.

Alubad. 76:5

At maseganama fag ngay tagfawayan anmomuy ay anbul. Ay nabul tuo siginan anya at ngay nafangkamul.

Fangatulun 21:4

Fakamatungudunun ay fakamaboun, asalanan way. Katanya at mauri fag ngay taw at ngay amatanganan.

Fangatulun 30:13

E ngay taw kamatungudun, ay kanya nu gamatangan sat sadili, gtungud tua at iba.

Isayas 2:11

Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.

Isayas 2:12

Yawi at Mabalyanan nafalganan sik menit laman namaurianan fagayu takamatungudun, ay fagayu taglong te, mabalyanan ami.

Isayas 24:21

Ginanya ban, Yawi namauri at mabalyanan fag ngay awatan sis banwa, anggan ngay fun iste sfagdaul daga.

Isayas 27:7

Yawi di nafaurianan ngay taw Israel, kata nu gfauri ay nu gfabul at ngay tagfawayan.

Isayas 27:9

Kanya ban fag ngay taw nu narasras tua at nawat at fagirugan fag ngay gang, ay nu narufa wan anggan andudug ay gfuan at ngay fagirugan famaebebanglu ay ngay turuk fagtoglagan Asera fag fagsegan, gfalyam kwan at ngay asalanan.

Isayas 29:14

Nu katanya, gdog kyay nangawat sik madulo fag ngay fakamulun sanya fag ngay taw. Ay umkalyam ban at ke fagsafulun fag ngay taw at nasafulan, ay umkalyam ban tagtogdungug fag ngay taw at fagmatogdungugun.”

Isayas 33:1

Afanyuan am fag ngay tagrasras, am at yud batang e nagdalanan takatanya. Afanyuan am fag ngay takamabo, am at yud batang e nagdalanan nu e kamabo ayu. Ay nu ntabu wam grasras ay kamabo, am yangay ban at fagrasrasun ay at fakamaboan.

Isayas 37:23

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

Isayas 37:29

Aroro nadungug au nu kadotama o ay kamatungudun sa angku, namae fansayang au sim dungus ay namuksung au am bibig, ay gguyudan au emu sam guyan ay namafoli au emu sam fagbanwanan.’ ”

Isayas 5:15

Nu katanya, Dius ban gfababa fagayu taw, kaugat wan takamatungudun.

Isayas 50:11

Dewa katanya, dirii, fagayu am at ke algan namauri sa ay iba, aroro am yay ban at nangafaurianan kata ay ngay algan! Yawi ban tagfaurianan ayu, ay umbul ban am sat maksvn fag anini.

Isayas 9:9

Fagayu taw Israel ay anggan tagbanwan sis furuan Samarya sumaful te, Dius nalong takatanya. Dewa katanya, aroro sat fakamatungudunun, kanya fagayu glong way te,

Eremyas 25:29

Gfasigad kwan gfadasug faurianan sas furuan Erusalem, ku nafili fag furuan nu inda at fagnamauseganan angku. O nu glong am kwa mafaurianan ayu? Gfaurianan kwan ayu! Aroro gsugu kban laman fagayu talun sas fagdaul daga gawayan. Au, Yawi at Mabalyanan, taglong tuy.’

Eremyas 50:18

“Nu katanya, au, Yawi at Mabalyanan, Israel at Dius, glong au te, gfaurianan kban fun Nabukudunusur ay at fagfagtainanan kata nu gfaurianan au Asirya at fun.

Eremyas 50:32

O takamatungudun, umrasras ban o ay wa ban e ggubuk ya gfalunggung emu. Nangirug kyangay ban am ngay furuan tagsim ligung.”

Esekyel 31:10

“ ‘Nu katanya, Fun Dius Yawi glong te, tuy fag kayu nafamatungudun, aroro ngabat abat yap tua tibak kayu.

Esekyel 31:14

Nu katanya, siginan ban katsi, we kayu ya tagtungud tua tibak kayu at kabatan, dewa tagsis tigyangan liskung. Aroro fagayu ban kayu umbul kata sik taw nu kabul, ay kalubgub yangay ban sasad daga.’ ”

Daniel 11:45

Ay kanya ban kawat sik bale ramit at masine sit yud e malong fag buksul tagsis wabilug duak dagat. Dewa katanya, kanya ban kabul way ay wa ban e ggubuk ya anya.”

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Tap 24:24

Ngay taw ban kadasug siginans Sipre gsakay sit ngay sakayan lino, ay kanya ban fagayu nangagbilug ngay taw Asirya ay taw Eber, dewa katanya, Kitim ban umrasras.”

Mateu 12:33

“Sik kayu at masine, at rawvg masine yangay. Ay sik kayu at yud masine, at rawvg wa masine. Sik fun kayu at rawvg tagfasaful sas taw te, tain kafag kayu.

Mateu 15:19

Aroro tagsiginan sik taw at amatanganan kasure at mauri fag ngay algan, kata nu gfabul, ay nu gfanugtug, dewa sat ke indugan ay dewa sat yud batang e indugan, ay nu gfangkamul, ay nu kamuag, ay nu kamuagan gfatuyan sabaliwa at iba.

Deuterunumyu 32:27

Dewa katanya, kwa kaylat at ngay fawayan nu kamatungudun glong te, ‘Nababo tam anya fagayu, ay bunwa Yawi at nafakamulun takatanya.’ ”

1 Pedru 4:17

Aroro munakbang wan Dius nu ginsaful taw at asalanan, ay gfasigad sat ngay taw. Ay nu gfasigad ban nu si way antam, tain ban at kumfasludan sat yud gfaning Dius at Masine fag Barita?