Isayas 1:9 - Fanawbuid tagsibaliwas Fakayabian

⁹ Yawi at Mabalyanan ro way nafasawad ya antam, ankata wa ro tam Suduma ay Gumura.

Isayas 1:9 ပူးပေါင်းရင်းမြစ်များ

Fakasigadan 18:26

Yawi nabalus anya te, “Nu e nalag kyay ro limak safuluk taw at matuyan sis Suduma, kya ro gfaurianan fagdaul furuan.”

Fakasigadan 18:32

Ay Abrayam nalong te, “Ku Fun, lag yap kauri. Tuy wa ro taguyan ku fagintoun. Ay am lagan ro nu safulu way langk taw at matuyan?” Yawi nabalus te, “Kwa yangay ro gfaurianan.”

Fakasigadan 19:24

Yawi nafadasug wa vtv sik tagigang fag afuy sas furuan Suduma ay Gumura.

1 Fun 19:18

Dewa katanya, nafasaman au fituk libuk taw Israel at yud natudan ay at yud nayuk Baal at aninu.”

2 Fun 19:4

Asirya at fun nasugu at fun tagfawayan laman namalingun tagleleg fag Dius. Malgau ay Dius Yawi nadungug wan kanya fag fun tagfawayan at longan ay kanya umfaurianan aroro nalong takatanya. Nu katanya, darangini tua at kinsawad si antam.’ ”

Isayas 1:8

Ay furuan Erusalem kata way lang sik bale famoy swabilug tanuman wat ubas, ay kata yangay sik bale fagulitan swabilug tanuman unduy ay kata sik furuan at maligungan at ngay fawayan.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 11:16

Umke dalan ban laman Dius at ngay taw at kinsawad umkalfas siginans Asirya, kata ebi gina ngay taw Israel glao siginans talun Igiptu.

Isayas 17:6

Wa ban ngayu takasawad sanya fag ngay taw. Kanya ban fagayu kata sik fun kayu ulibu gina e ntabu ggutlu at ngay rawvg: tibaginan umke sawad yay dua ay mannga tuluk rawvg sa tangabat fag sanga, ay mannga ufat ay limak rawvg sa tibak sanga. Au Yawi, Israel at Dius, taglong takatanya.”

Isayas 24:13

Wa ban ngayu takasawad taw. Ay sas fagayu talun at ngay taw sas fagdaul daga, umkata sik fun ulibu ay sik fun ubas gina bagu katabu grabas at rawvg.

Isayas 24:6

Nu katanya, Dius namauri wan fagdaul daga, ay at ngay taw umfaurianan aroro siginan at ngay asalanan. Ngayu bank taw umkirug ay wa ban ngayu at kumsawad.

Isayas 37:4

Asirya at fun nasugu at fun tagfawayan laman namalingun tagleleg fag Dius. Malgau ay Dius Yawi nadungug wan kanya fag fun tagfawayan at longan ay kanya umfaurianan aroro nalong takatanya. Nu katanya, darangini tua at kinsawad si antam.’ ”

Isayas 46:3

Akub at ngay kasugfunanan, am at sawad fag ngay taw Israel, dungugani angku. Nalaga au ayu siginan ngay nu kasalug am.

Isayas 6:13

Ay dewa ban anke sawad yay sit talun at fasafuluk afud taw Israel, e namamin yay ban. Dewa katanya, e nafili kyay at kumsawad sanya. Kanya ban fagayu umkata sik bvtang at yud e malong, ay kata sik nagtudan kayu at natugbung yay.”

Isayas 65:8

Yawi nalong yay fia te, “Lag yap gfangulan sik raug ubas dewa tibak rawvg andan wan, aroro at masine fag rawvg e fanambagun yay. Katanya yangay ban ku fakamulun sa ku ngay taw, kya ban gfamin anya fagayu. Gfalangfe kyay ban fagayu tagfaning angku.

Eremyas 23:14

Ay nalag kyangay te, sis Erusalem fag ngay taglong at nafakamulun nu mauri aksvn yap tua Samarya at ngay taglong at nafakamulun, aroro kanya fagayu wa matuyan sa angku ay kamuag. Kanya fagayu nafaksvn ngay taw mauri at ngay amatanganan laman gfataglayun gfakamulun at mauri, nu katanya, kanya fag ngay taw wa naubun at ngay fakamulun at mauri. Ngay taw Erusalem nu mauri gsud yay Suduma ay Gumura.”

Eremyas 42:2

Ay kanya fagayu glong sas Eremyas te, “Fagayu ami at kinsawad gfainfanyuan ami sa emu te, darangini emi sam Dius. Ebi, ngayu oma mi, dewa katanya katsi, glag wo, wami ngayu ya.

Eremyas 50:20

Ginanya ban fag ngay menit, at kinsawad fag ngay taw Israel ay Uda wa gasalanan ya, aroro nafalyam kwan at ngay asalanan. Au, Yawi, taglong tuy.”

Takabalu 4:6

Ku ngay kaiban nu gafaurianan, aksvn yap ngay taw Suduma at nadalan fag faurianan. Dius nafauri wa vtv kanya fag furuan ay we nagubuk ya.

Esekyel 14:22

Dewa katanya, e kalangfe yay ban siginan kafag faurianan ay nantaban ban kanya fagayu sas talun Babilunya laman sik ngay natabanan yangay. Ay lumag ban am kafag ngay taw at ugali ay at fakamulun mauri, ay kalyam waban ay ngay amatanganan at mauri sa angku, aroro nafaurianan au furuan Erusalem.

Esekyel 6:8

“ ‘Dewa katanya, kya ban gfamin ayu sas awayan, ay tiba ban lumagyu yay sa tibak talun,

Uel 2:32

Ginanya ban, nusnga sinu fag taw taget gubuk sas Yawi, umlangfe sanya ginan fag faurianan. Aroro Yawi nalong te, umke sawad yay ban ngay taw Israel sis Buksul Siun, at masuad te, Erusalem. Kanya fag ngay taw Yawi at nafili ay at nafalangfe.

Amus 4:11

Nafabul kwan ayu tiba kata ku nafakamulun sas Suduma ay sas Gumura. Ay am at kinlangfe, kata am sik ngay famaygang at nabul siginan sad afuy. Dewa katanya, yam kafoli sa angku. Au, Yawi, taglong tuy.

Abakuk 3:2

“Yawi, nadungug au sabaliwa am ngay nafakamulun, ay andulo au maksvn. Fakamuluni yangay sa emi kata ebi am nafakamulun. Ay gina ban o gfalag am dotama, afanyui tua emi.

Mateu 7:14

Ay aroro ngap talay fag sakbawan ay at yud gbia fag dalan, kanya at fakadasugan sa tuas leleg at yud e fakatabuan. Ay gsadsadian wayk taw taglag ay taglao sanya fag dalan.

Ruma 9:27

Ay katatuy Isayas at maksvn fag foyungan sabaliwas taw Israel: “Kanya ban fag ngay taw, dewa kayu lagnas sis tigyangan dagat, wa ban ngayu at kumlangfe.

Ruma 9:29

Ay Isayas nafoyung te, “Tam Fun at Mabalyanan nu dway ro nafae sawad ya antam fag kasugfunanan, matuyan satu ro ankata tam sfuruan Suduma ay Gumura.”

Deuterunumyu 29:23

Ay fagdaul ban ay fagbanwanan umkata sik talun at yud e taw, asupre ay barara at natabun. Wa ban e gtanum ya sanya fag talun aroro we gtugbung ngay fananumun. Ay umrasras ban kata furuan Suduma ay Gumura, ay Adma ay Sebuyim, Yawi at nafaurianan aroro maksvn nu kadotama.

2 Pedru 2:6

Dius nafaurianan yangay Suduma ay Gumura fag duak furuan, ay nafamin tagsanya fagayu siginans afuy. Ay at kinfasludan sa kafag duak furuan sik famararang sat yud gfaning Dius.

At Nafasure 11:8

Ay duama ban matangda way lang sisad dalan si takadungug fag furuan daul, kafag furuan nafangayan sa sik nafaydayuanan te, Suduma, ay Igiptu. Ay sanya wan fag furuan nu gtuktuk duama at Fun sas fasulungan kayu.