Isayas 1:8 - Fanawbuid tagsibaliwas Fakayabian

⁸ Ay furuan Erusalem kata way lang sik bale famoy swabilug tanuman wat ubas, ay kata yangay sik bale fagulitan swabilug tanuman unduy ay kata sik furuan at maligungan at ngay fawayan.

Isayas 1:8 ပူးပေါင်းရင်းမြစ်များ

Ub 27:18

Ay at nafalindug fag bale karasras way kata fansifig salanting, ay kata way sik tagulit gamasun at bale famoy.

Alubad. 9:14

laman manamauseganan au emu sas furuan Siun at sakbawan, sa sangay taw at daga salubangan. Guseganan au aroro nafalangfe tuo angku.

Isayas 1:7

Ay talun anrasras wan ay nirug wan ay ngay furuan. Ay tibak talun at ngay taw naago siginan ayu ay ngay gamasun, ay nalag wam fia kanya fagayu nu grasras. Nu katanya, kanya fagayu we fanambagun ya.

Isayas 1:9

Yawi at Mabalyanan ro way nafasawad ya antam, ankata wa ro tam Suduma ay Gumura.

Isayas 10:32

Ginanya fag menit, ngay taw Asirya nangadasug sas Nub ay namasaful te, namawayan Buksul Siun, Erusalem at buksul.

Isayas 29:3

Namawayan kwa ban kafag furuan Erusalem. Namaligung au sik ngay turuk ngabat famawayan, ay namungsu au daga sa sangaba day alad laman at fakatoan.

Isayas 30:17

Sik taw yamay lang at famalimuanan, sadik libu ay tagfawayan lumagyu, ay nu lima wak taw takamalimuanan, fagayu wam at lumagyu, yakmay am gsadsadian lang, ay kata wayam sik turuk fagfabatan famasaful fag ramit gsadilian sis tungud buksul.”

Isayas 37:22

Nu katanya, katatuy ku longan sa anya: Ngay tagbanwan sis Siun sis Erusalem fag furuan kauri ay gfalingun emu. Kanya fagayu gfalingun emu kaduge o glagyu.

Isayas 37:4

Asirya at fun nasugu at fun tagfawayan laman namalingun tagleleg fag Dius. Malgau ay Dius Yawi nadungug wan kanya fag fun tagfawayan at longan ay kanya umfaurianan aroro nalong takatanya. Nu katanya, darangini tua at kinsawad si antam.’ ”

Isayas 4:4

Ay siginan ban tam Fun Dius nu ginsaful kata nu girug, kanya ban gfegus tagsis furuan Erusalem fag ngay mangena at fagmasuyaun, ay gfegus ngay taw Erusalem at ngay lanbung tagatagukun.

Isayas 49:21

Ay gamatangan ban o te, ‘Sinu at nafasalug anya fagayu laman ku ngay sisian? Ay ku ngay taw tangayu nbul wan, ay anbalu au. Ay tiba natabanan sa tibak talun, ay au way lang at kinsawad. Sinu at nafagurang kafag ngay sisian? Ay daginan kanya fagayu?’ ”

Isayas 62:11

Dungugani! Yawi nafabuba sik foyungan sas fagdaul daga, glong te, “Longi sa sangay taw Israel te, at Tagfalangfe andasug wan, ay gbuba ngay famonun.”

Isayas 8:8

Ay kanya ban fagayu nu kadasug sas Uda, kata sik liskung nu gfamilugan at kabasadan sitsigons liug, ay gfalugde ban at ngay fakfak sa am talun.” Dewa katanya, Dius gufud tua emi!

Eremyas 4:17

Kanya fagayu naligung furuan Erusalem kata ngay taw tagalaga tanuman, aroro kafag furuan nafamabo angku. Au, Yawi, taglong tuy.

Eremyas 6:2

Nangiklas kban Erusalem fag furuan at masine.

Takabalu 2:1

Fun Dius natabun furuan Erusalem sik tagbia fag linyabu, aroro maksvn nu kadotama. Kanya nafalyam Israel at fagmasineun, kata nu nafatong sas daga siginans banwa. Ay nafabayan wan at bale.

Takabalu 2:6

Kanya narasras at bale kata way nu sik tanum. Ay kanya nafalyam siginan sangay taw Erusalem at amatanganan ngay fagmafulun ay Famiangalay fag Menit. Ay at kaksvnan nu kadotama kanya naiyan wan ngay fun ay anggan ngay tagfon fanggalangun.

Sakaryas 2:10

Yawi nalong te, “Fagayu am tagsis Siun, uroi useganani, aroro kadasug au ay namanwan gfagamutan ayu. Ay ginanya ban fag buknga ngayuk talun at namababaun ay at namauseganan angku. Ay kanya ban fagayu ku ngay taw yangay.” Nu nfasludan ban takatanya, sumaful am te, Yawi at Mabalyanan at nasugu angku stae sa ayu.

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Uan 12:15

“Ngay taw Erusalem, lag kalimu! Damai, ay Fun kadasug wan! Kanya gsakay si sik riangan asnu.”