Isayas 1:7 - Fanawbuid tagsibaliwas Fakayabian

⁷ Ay talun anrasras wan ay nirug wan ay ngay furuan. Ay tibak talun at ngay taw naago siginan ayu ay ngay gamasun, ay nalag wam fia kanya fagayu nu grasras. Nu katanya, kanya fagayu we fanambagun ya.

Isayas 1:7 ပူးပေါင်းရင်းမြစ်များ

2 Krunika 28:5

Nu katanya, at Dius Yawi nafon anya sas fun Aram. Ay ngay taw Aram nababo anya, ay ngayu at ngay taw at natabanan sas furuan Damasku. Ay nafon yangay anya sas Israel at fun ay nafabul tangayu at ngay taw.

Alubad. 107:34

Yawi gfae yud e kagutlu sit masine fag daga, aroro at ngay tagbanwan sanya maksvn nu mauri.

Alubad. 107:39

Gina kanya fag ngay taw anbuin, nafaplan, nafalingunan, nafaidapanan, ay anke fakabaluun,

Alubad. 109:11

At fagbedanan ban nangus mul wan at ngay ramraman, ay at fagyudun toglag fag ngay taw nangus mul wan at ngay nainlufuyan.

Isayas 1:8

Ay furuan Erusalem kata way lang sik bale famoy swabilug tanuman wat ubas, ay kata yangay sik bale fagulitan swabilug tanuman unduy ay kata sik furuan at maligungan at ngay fawayan.

Isayas 3:8

Matuyan, Uda ay furuan Erusalem umrasras wan, aroro ngay taw tagbanwan sanya nafamabo Yawi, siginan nu gfakamulun ay nu glong at mauri. Ay kanya fagayu dewa sis Yawi daga salubangan glong at mauri sa anya.

Isayas 34:9

Talun Edum at ngay bulbug umkata sik madai fag fandafut ay at daga umkata sik afuy asupre. Fagdaul ban sanya fag talun gigang,

Isayas 49:19

Anrasras wo ay nafasik mabaluanan, dewa katanya, katsi tagbanwan si emu wa sak ya. Ay at narasras emu umyayu wan.

Isayas 5:17

Ngay furuan ban at marasrasan, at maramraman fag ngay taw at fagbanwanan ebi, umsik masine ban fag fagnamafangonan ngay tupa.

Isayas 5:9

Yawi at Mabalyanan nalong angku te, “Gtuyan au te, wa ban e namanwan ya sanya fag ngay bale ayu daul at masine.

Isayas 6:11

Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Isayas 60:15

Dewa nafamabo ay nafauri emu, ay wa nafae masuad, namasik takadungug kban emu kabavn ay fagayu ban kasugfunanan guseganan.

Isayas 62:8

Yawi nafatuyanan te, namakamulun takatanya siginan at fagmabalyananun. Ay kanya nalong te, “Kwa ban gfon ya ay ngay trigu sa ay ngay fawayan tagsiginan tibak talun. Ay kanya ban fagayu wa nanginum ya ay ngay wat ubas at mamam, ay nainlufuyan.

Isayas 64:10

Am ngay furuan at yud e malong ay anggan furuan Erusalem kata wa sik talun yud e gbanwan.

Isayas 9:18

Aroro kafag ngay taw at fagmauriun maksvn wan kata sik afuy tagirug sas wa makmak tagadugiun. Kanya gbia nu gigang kata afuy nu girug sik araw, ay kata sik takabat fag anus at madamvl.

Isayas 9:5

Ay at ngay tagfawayan at ngay lanbung tagatagukun ay anggan at ngay lapak umsik ngay famaygang wan.

Eremyas 2:15

At ngay fawayan kata sik ngay liun gsubang anya fagayu, ay nafauri at ngay daga, ay nairug at ngay furuan, ay we gbanwan ya sanya.

Eremyas 4:7

Tagrasras ngay talun kadasug wan kata sik liun at nalfas siginan at luib, laman namaurianan ay talun, kata ngay liun nu masakit gduksun siginan at fagsuksuanan. Ay fagayu ay furuan umrasras, ay wa ban e gbanwan ya.

Eremyas 44:6

Nu katanya, nafadasug au sa anya fagayu at maksvn ku fandotaman. Nu kadotama au anya fagayu kata afuy nu girug at ngay furuan tagsis Uda ay Erusalem, ay dasug katsi kanya fag ngay furuan mabaluanan way lang ay marasrasan.

Eremyas 6:8

Ngay taw tagbanwan sis Erusalem, kanya sik famararang sa ayu, ay nu dway am kaylat gdungugan, nangayayu au siginan ayu, ay ay talun umsik mabaluanan at yud e gbanwan ya.”

Eremyas 7:34

Ay ginanya ban gfaragang kwan nu e guseganan sis furuan Erusalem at ngay fagaweanan. Ay si bans Uda wa yangay e kadungug ya at ngay bagu kadadwa nu guseganan, ay kanya ban fag talun umsik mabaluanan.”

Takabalu 5:2

Tibak talun at taw nagbilug em ngay daga, ay em ngay bale.

Esekyel 25:4

Nu katanya, namagbilug kban ayu sa sangay taw tagbanwan sas fakamenitan baliwa ay kanya ban fagayu gagbilug ayu. Kanya ban fag ngay taw kawat at bale si ay talun ay namanwan ban sanya. Ay kanya ban fagayu kon ay tanum at rawvg ay ginum ay fagbaugun at susu bilug.

Esekyel 30:12

Namalanggang kban Liskung Nilu ay namagbilug kban talun Igiptu sat mauri fag ngay taw. Gagbilug kban ngay taw tagsiginan tangayayu laman nanrasras fagdaul talun Igiptu ay fagayu tagsanya. Au, Yawi, taglong tuy.”

Usea 7:9

Tibak talun we fagmabitsugun ya, dewa katanya, wa kasalag ya. Ay kata yangay sik taw at nangae ubanun, dewa katanya, wa kasalag ya.

Usea 8:7

Kanya fagayu kata way nu gtanum tagmara ay ggutlu tagridribudan fag tagmara. Ay kanya fagayu kata yangay sik trigu at yud e rawvg. Ay kanya nu narawvg di, tiba way ro ktalun takon.

Lebitiku 26:33

Umke awayan ban maksvn si ayu laman grasras ay furuan, ay namasaruayan kban ayu sa sangay talun.

Lebitiku 26:34

Gina ban ay ngay fawayan nataban ayu sat ngay talun, ay gina ban yud e gbanwan ya si ay talun, ay talun ban manabayan wan, aroro kaduge am gbanwan sanya wam batang gfaragangan dewa sis famiangalay fag banwa. Ay katsi long gina am si ay fagatabananan, ay talun gragangan tua.

Mikas 5:11

Ay namaiklas kban ay ngay furuan daul anggan ay ngay fagnanuksuanan bale at mogat.

Mikas 6:13

Nu katanya, namamin kban ayu aroro sa ay asalanan.

Deuterunumyu 28:33

Ay fagyudun way ban toglag fag ngay taw at nangon ay ngay nainlufuyan, ay kanya ban fagayu gfalingun ay gfaidapan gugat ayu.

Deuterunumyu 28:43

Ay ngay betaw ban tagsiginan tibak talun gina kasik ngay mabalyanan am ban garimanan am kamomuy.

Deuterunumyu 29:23

Ay fagdaul ban ay fagbanwanan umkata sik talun at yud e taw, asupre ay barara at natabun. Wa ban e gtanum ya sanya fag talun aroro we gtugbung ngay fananumun. Ay umrasras ban kata furuan Suduma ay Gumura, ay Adma ay Sebuyim, Yawi at nafaurianan aroro maksvn nu kadotama.