Isayas 1:6 - Fanawbuid tagsibaliwas Fakayabian

⁶ Ay siginan ay alfuyu sitsigon ay basad darafa e fakasaitun wan; fagdaul ay bilug nalayungan wan, ay e fagafalanganan, ay e ngay fakarukan. Kafag ngay fakasaitun kabaga, ay wa kafutus ya ay we famafia.

Isayas 1:6 ပူးပေါင်းရင်းမြစ်များ

2 Samwel 14:25

Sas fagayu mangama sis talun Israel, Absalum wan at masine at kamatan, ay kanya fagayu kadulo. Kanya di e malong siginan at alfuyu ay anggan sat darafa.

Ub 5:18

Aroro sia yay tagfafia sat nafae fakarukan, ay kanya yangay tagfasun sat nafaidapan fag ngay taw.

Alubad. 77:2

Galay au gafanawa, kakbang au sas Fun Dius. Gfabat au ku ngay daluap fagngabak yabi, dewa katanya, kwa nsun.

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Eremyas 17:9

“Taw at amatanganan kamuag way gugat ay maksvn nu mauri. Sinu tagsaful te, kaksvn kanya nu mauri?

Eremyas 30:12

Yawi nalong yay fia sat ngay taw te, “Maksvn wan ay ngay bangbang ay wa ban kafia ya. Wa ban e mananggubuk ay manamafia ayu. Ay wa yangay e famafia ya laman sa ayu.

Eremyas 30:15

Lag am gfandeng te, ‘Wa ban kafia ya em ngay bangbang.’ Nafaurianan au ayu aroro maksvn wan ay ngayu ay asalanan.

Eremyas 33:6

“Dewa katanya, sik menit ban namadasug au fagmafianun stae fag furuan daul ay sat ngay tagbanwan. Ay kanya ban fag ngay taw nu gbanwan maramraman tua ay manabayan.

Eremyas 6:14

Kanya fagayu gfutus oma ku ngay taw at bangbang ay wa fia kasalag, nu bunway glong way te, ‘Mabayan waymi!’ Ay aroro mangaro, wa mabayan.

Eremyas 6:7

Kanya fagayu nu gfakamulun at mauri, kata sik bulbug nu gfamilugan. Ay takadungug sit furuan fagmauriun way lang. Glag kway gugat ke ngay fakasaitun ay tagabangbang.

Naum 3:19

Kata o sik taw at nabasingan yud kafia ya. Ay fagayu at nadungug at kinfasludan sa emu maksvn nu guseganan, aroro andotama o anya fagayu.

Malakyas 4:2

Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

Mateu 9:12

Ay Isus nu nadungug at longan, nalong te, “Sik taw at yud e fakasaitun wa gayudan tagfafia, kayu way at ke fakasaitun.

Lukas 10:34

Ay kanya ankakbang ay nabusbus langis ay fanlangu sat ngay fakarukan, ay nafutus. Ay kanya nafasakay sat asnu, ay nabuba sa sik fagtaglayunan fag bale, ay nalaga anya.