Isayas 1:4 - Fanawbuid tagsibaliwas Fakayabian

⁴ Ida! Kanya fagayu ngay tagasalanan way, ay sik gaban taw tagfakamulun at mauri sat iba. Ay sas fagdaul at talun maksvn wan at fagmauriun, nu katanya kanya fagayu kata nu gbuba at mabyat fag famubaun. Am fag ngay taw at maksvn nu mauri, natalyuyan am Yawi, nafalingun am Israel at Dius at yud e Malong, ay wam gfaning ya anya.

Isayas 1:4 ပူးပေါင်းရင်းမြစ်များ

Fakasigadan 13:13

Ay tagsis Suduma fag ngay taw maksvn nu gasalanan sas Yawi.

2 Fun 21:22

Ay kanya natalyuyan at ngay mangaguyang at Dius, Yawi. Ay kanya wa nabanwan kata Yawi at balyawvtan.

2 Krunika 12:1

Nu manabayan wan fun Reubuam nu gfunan, ay nu e fagmabalyananun wan, kanya ay ngay taw Israel nafamabo Yawi at suguan.

2 Krunika 27:2

Ay Utam at nafakamulun matuyan tua sis Yawi at daga salubangan, kata at mama Usya at nafakamulun. Kanya amatuyan yap tua at mama aroro kanya di nke asalanan siginan nu girug famaebebanglu sis Yawi at bale kata at mama at nafakamulun. Ay Utam dewa gfakamulun at matuyan, ngay taw gfataglayun way nu gfakamulun at mauri.

Nemyas 1:7

Maksvn em ngay nafakamulun mauri sa emu, aroro wami nafafaning am ngay faugali ay anggan am ngay fagaloan am nafon sa emi siginan am taglong Muisis.

Alubad. 58:3

At mauri fag ngay taw anyayu siginans Dius, ay siginan nu kasalug kamuag wan.

Alubad. 71:22

Ku Dius, aroro siginan am fagmatuyanun, gfawang au fagfawangun ke ngay bakyang laman gfauseganan emu. Israel at Dius at yud e Malong, galubad au gfauseganan emu gfasfuan nu gfawang au sik fagfawangun.

Alubad. 78:40

Kanya fagayu gina sis talun at yud e taw, malayun nu gfae fakabaluun Dius siginan nu kamabo anya.

Alubad. 78:41

Kanya fagayu gfataglayun nu gfaskud ay nu gfadotama Israel at Dius yud e Malong.

Alubad. 78:57

Kanya fagayu natalyuyan ay nafamabo Dius, ay kanya fagayu kata at ngay mangaguyang at yud e tungkul ya, ay at kinkata sik godun at yud katon ya.

Alubad. 78:8

nu katanya, kanya ban fagayu di kata at ngay mangaguyang at nafamabo, ay at nafamaogatun, ay at yud e fagafanudun ay at yud matuyan sas Dius.

Alubad. 89:18

Yawi, Israel at Dius at yud e Malong, nafili tuo em fun, laman em tagfangguna.

Nu Galin 32:7

Ay Yawi nalong sas Muisis te, “Abanganani tagbungi, aroro am ngay kaiban am nataban siginans talun Igiptu gfakamulun sa angku at mauri.

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Isayas 1:28

Dewa katanya, ngay takamabo ay ngay tagasalanan gsud ban gafaurianan, ay at kinyayu siginans Yawi umkamin ban.

Isayas 10:6

Gsugu kban anya fagayu laman namawayan ku fakadotamaun fag ngay taw at yud gfaning angku, ay laman nanrasras ay nansiad anya fagayu kata nu gsiad lifak sa sangaba dalan, ay namul yangay ban at ngay ramraman.”

Isayas 12:6

Ngay taw Siun, uroi alubadi nu guseganan am. Aroro mabalyanan si ayu taw Israel at Dius at yud e Malong.”

Isayas 14:20

Wa ban e namoli ya emu kata tibak fun, aroro o yay at narasras am talun ay at nafabul am ngay taw.” At mauri fag ngay taw wa ban e kasugfunanan ya kabavn.

Isayas 29:19

Ngay takamababaun ay ngay yud e kwa gdog ban guseganan sas Yawi, Israel at Dius at yud e Malong.

Isayas 3:8

Matuyan, Uda ay furuan Erusalem umrasras wan, aroro ngay taw tagbanwan sanya nafamabo Yawi, siginan nu gfakamulun ay nu glong at mauri. Ay kanya fagayu dewa sis Yawi daga salubangan glong at mauri sa anya.

Isayas 30:1

Yawi nalong te, “Afanyuan ku ngay sisian takamabo. Kanya gfalganan sik ngay algan deyud gfadiuganan angku, ay nanangasadi sa tibak taw dewa yud au e longan. Takatanya at fakamulun gfayu way at asalanan.

Isayas 30:15

Yawi tam Fun, Israel at Dius at yud e Malong, nalong te, “Afolii sa angku ay manabayani, aroro namalangfe kwa fia ayu. Lag am gaduanun; afanudi wa sa angku, aroro namabitsug kwa fia ayu. Dewa katanya, kamayud wayam.

Isayas 30:9

Aroro kanya fagayu sik ngay takamabo ay takamuagan, ay wa kaylat gdungugan ku foyungan.

Isayas 31:2

Anggan Yawi e fagsafulun yangay, ay kanya tagfae faurianan, ay gfafasludan wa fia at nalong. Namaurianan wa fia tagfaning mauri at talanan, ay anggan taggubuk kafag talanan.

Isayas 37:23

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

Isayas 41:14

Dewa o mamomuy ay alay, lag kalimu aroro au wan taggubuk emu. Au Yawi taglong takatanya. Au wan am tagfalangfe, Israel at Dius at yud e malong.

Isayas 41:16

Nanlayap o laman umlayug, ay sik maksvn fag tagmara namarapyag. Ay dewa katanya o nanguseganan tuo sas Yawi, ay nanseg tuo Israel at Dius at yud e Malong.

Isayas 41:20

laman ngay taw lumag, ay sumaful, ay umtuyan te, au Yawi, Israel at Dius at yud e Malong, at nafakamulun takatanya.

Isayas 5:19

Ay nalong yayam te, “Taw Israel at Dius at yud e Malong, fasakiti wan nu gfadasug o am algan, laman lumag ami. Fafasludani wan ebi am nalong am fagnamakamulunun, laman sumaful ami.”

Isayas 5:24

Nu katanya, umkata ban am sik ngay nagutan ay sik makmak at kinyango ay at natubung masakit. Ay kata yangay am sik tanum at kindan at lalid ay at ngay barugwak at kinlangke ay takalayug kata lukbu, aroro natalyuyan am Yawi at Mabalyanan at longan, ngay taw Israel at Dius at yud e Malong, ay nafayud am e masuad at ngay foyungan.

Isayas 57:17

Andotama au aroro ngay taw Israel gasalanan ay gfangalabian, nu katanya, nafaurianan kwan ay naiyan anya fagayu. Dewa katanya, kanya fagayu gfataglayun yay nu gasalanan.

Isayas 58:2

Kayu menit, kanya fagayu nangakbang tua sa angku, laman nanginsaful ku ngay balyawvtan. Ay nu gdama au, kanya fagayu kata sik talun at ngay taw at yud e malong ay at yud kamabo ku ngay suguan. Ay gfalag sa angku te, kaylat nangakbang sa angku ay nanget sa angku fagmatuyanun.

Isayas 65:11

Ay dewa katanya, namaurianan kban ayu fag ngay taw at yud gfaning angku ay at yud gfae masuad ku nafili fag buksul at yud e malong. Nustua gfon wayam ay ngay fanggalangun sa sangay fagsegan nu dada nu gafanud am te, gfadasug ban sa ayu at masine.

Isayas 65:3

Ku ngay taw nafadotama angku. Ay gfataglayun gfalag sa angku nu gseg at ngay fagsegan gina gfon at ngay fanggalangun si sangay tanuman, ay gina girug at ngay mabebanglu fag ngay lune sit ngay tungud bale.

Isayas 9:17

Nu katanya, tam Fun wa kaylat ngay taw Israel at ngay baguama, ay wa kafanyu at ngay yud e fagtainan ay ngay fagbubayun. Kanya fagayu mauri way ay wa gfaning Dius, ay mapla way at ngay longan. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 15:6

Natalyuyan am ay anyayu siginan angku. Nu katanya, au, Yawi, glong au te, namalugde au ku ngay take laman namamin ayu ay kwa kafanyu ya ayu.

Eremyas 2:13

Ku ngay taw nafakamulun duak asalanan: kanya fagayu natalyuyan angku, au oma tagfon leleg fag bulbug, ay naseg tibak fagsegan kata nu naali sik bubun takalanggang way.

Eremyas 2:17

Ngay taw Israel, am yay at nafaurianan ayu, aroro natalyuyan am angku, au ay Dius Yawi at naufud ayu gina am glao.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 2:31

Katsi am fag kasugfunanan, dungugani ku longan. O nu glong am kata kway sik tagagangun fag daga, ay sik talun at madulum? Wain ay fagnalongun te, ‘Gfaning wami em fakaylatun ay wami kaylat ya nangakbang sas Yawi.’

Eremyas 2:33

At kasakit nu galabian am ay fakaylatun kesug. Am yay tagfoyung sa takamatugtug fag ngay mangena.

Eremyas 2:5

Katatuy at longan: “Nataw fag asalanan ay ngay mangaguyang at nalag si angku, at fagnatalyuyanun angku? Kanya fagayu naseg at yud e masuad fag ngay fagsegan, nu katanya, kanya fagayu ansik yud yangay e masuad.

Eremyas 32:32

Ngay fun, ay ngay tagfangguna, ay ngay taglong, ay ngay tagfon fanggalangun tagsiginans Israel ay Uda nafadotama angku siginan nu gfakamulun at mauri.

Eremyas 50:29

“Fauroi ngay tagsaful gagbilug godun laman namawayan talun Babilunya! Nanligung am kafag furuan laman we malagyu ya. Namasud wam fia anya fagayu sat nafakamulun mauri. Namakamulun am kata at nafakamulun sat iba aroro nafawayan Yawi, Israel at Dius at yud e Malong.

Eremyas 51:5

Dewa katanya, au, Yawi at Mabalyanan, Israel at Dius at yud e Malong, kdi naubun talun Israel ay Uda, dewa at ngay talun ankapnu fagmauriun.

Eremyas 7:19

O au kanya fagayu at nafauri? Duan! At ngay sadili yay at nafauri ay at nafapla.

Eremyas 7:26

Dewa katanya, wam nadungugan ay nafaning kanya fag ngay taglong. Ay ay ngay amatanganan amogat yap ay ngay mangaguyang at amatanganan, ay ay ngay fakamulun amauri yap ay ngay mangaguyang at nafakamulun.

Esekyel 14:5

Namakamulun kban takatanya laman ban umfoli yay fagayu taw Israel at kinyayu angku, siginan nu gseg tibak fagsegan.’

Esekyel 16:33

Takamatugtug fag ngay mangena gbul famayad, ay o, abat ngate o gbul, o way tagfon sas fagayu tagalabian emu, laman am famaylatan nu nanugtug emu.

Esekyel 16:45

Anud! Am fag talanak katanya yay ay ugali, aroro am mina naubun at mangama ay at ngay sisian. Ay anggan am fag duksayan naubun am ay mesa mangama ay ay ngay sisian. Am mina sik taw Ket ay am mama sik taw Amur.

Daniel 9:11

Fagayu taw Israel wa nafaning am faugali; kanya fagayu wa kaylat gfaning am longan. “Aroro sa em ngay asalanan, andasug sa emi sik faurianan kata at marirukan sim fagsuguan Muisis at Faugali.

Sefanias 1:6

Namamin kyangay tagtalyuyan ay at yud kakbang sa angku.

Tap 32:14

“Ay am, sik ngay tagasalanan am, at naungbus ay ngay mangaguyang ay nafamut yayam Yawi at fandotaman sa sangay taw Israel.

Mateu 11:28

“Nusnga sinu am takalufuy ay at ke famubaun mabyat, akbangi sa angku, ay gfafiangalay au ayu.

Mateu 23:33

“Kata wayam tagfandaya fag ngay ule at maganga! Wa ban am masaruy faurianan sa ayu sas afuy daul.

Mateu 3:7

Ay Uan nu nalag te, ngayuk taw Fariseu ay taw Saduseu takadasug laman namasurung, kanya nalong anya fagayu te, “Am, kata way am tagfandaya fag ngay ule at maganga! Sinu at nafararang ayu te, lagyui siginan takadasug ban fag faurianan?

Ruma 8:7

Tagamatangan gugat sabaliwa at bilug at fakaylatun, gfawayan Dius. Wa kaylat gfaning at Faugali, ay wa makatu gfaning.

1 Kurintu 10:22

O kaylat tam gfauri Dius? O nu gamatangan am amabalyanan yap tam anya?

Deuterunumyu 29:25

Ay e gbalus ban anya fagayu te, “Aroro kanya fag ngay taw wa nafaning kata at nasadian sas Yawi, at ngay mangaguyang at Dius at nafalfas anya fagayu siginans talun Igiptu.

Deuterunumyu 31:16

Ay nalong sas Muisis te, “Munakbang wan nu kabul o ay nu nangalo o am ngay mangaguyang. Nu nbul ban o, ngay taw ban nanseg tibak fagsegan, sa ban at fakadasugan fag talun at ngay fagsegan. Kanya ban fagayu gtalyuyan angku, ay namayud ban e masuad ku nawat fag nasadian laman sa anya fagayu.

Deuterunumyu 32:19

Yawi nalag takatanya, ay siginan at dotama, kanya naiyan at ngay sisian.

Deuterunumyu 32:5

Dewa katanya, nafakamulun am at mauri sa anya, ay kanya natuyan te, “Bunwa am at ngay sisian ya, aroro siginan ay asalanan.” Sik ngay tagasalanan am ay at yud matuyan fag ngay gaban taw!

Kulusas 1:24

Katsi guseganan ktua dewa au gidapan aroro sa ayu, laman gfatabu au tam Fun Isus at nainkidapanan at yud yay antabu, laman at ngay taw, tuga at bilug, e tungkul tua.

At Nafasure 18:5

Aroro at asalanan at kayuan andasug wan sas banwa, ay Dius gamatang way kafag furuan at fagmauriun.

Tagfangguna 10:10

Nu katanya, ngay taw Israel naet gubuk sas Yawi ay nalong te, “Yawi, nafamabo ami emu, o em Dius, ay naseg ami Baal fag ngay fagsegan.”