Isayas 1:30 - Fanawbuid tagsibaliwas Fakayabian

³⁰ Umkata ban am sik fun kayu takarabas at ngay don, ay kata sik tanuman at kin-gong wan.

Isayas 1:30 ပူးပေါင်းရင်းမြစ်များ

Fakasigadan 12:6

Nu ndasug sas Kanaan, kanya fagayu nafataglayun nu glao yakmay andasug sa sik fun kayu ayu daul sis Mure at munakbang sis furuan Sekem. (Ginanya sanya yay fag talun ngay taw Kanaan.)

Isayas 5:6

Kwa ban gulit ya ku tanuman wat ubas. Ay kwa ban gfagud ya at ngay sanga ay ggulad ya at makmak tagfaut. Ay nanlong kban sa sangay linyabu te, ‘Lag karak ya.’ Nu katanya, umkayu ban at madugi fag makmak, ay umkata ban sik araw.”

Isayas 58:11

Kabavn galaga ktua ban ayu ay gfapsug, dewa maidap nu mabanwan am. Gfabitsug kban ayu, ay umkata ban am sik tanum at marabung, ay kata sik bulbug at yud kalanggang.

Isayas 64:5

Guseganan tuo ngay taw tagfakamulun at matuyan, ay tagfaning am ngay balyawvtan. Dewa katanya, kauri way o emi, aroro gfataglayun way mi gugat nu yud ami gfaning am ngay balyawvtan. Nu katanya, tain ro nu kalangfe ami?

Isayas 64:6

Fagayu ami wami masine ya gseg emu; em matuyan fag ngay fakamulun fagayu kata way sik fanrarus at masuya, ay ankata ami sik don at kin-gong, ay em ngay fagmauriun ankata sik tagmara nafalayug emi.

Eremyas 31:12

Kanya ban fagayu glao sas Buksul Siun ay guro guseganan. Ay guseganan ban aroro sa ku ngay nafon sa anya fagayu. Ay umkayu ban at gutluan, ay ubas at mamam, ay at langis ulibu, ay at ngay fagbaugun. Ay kanya ban fagayu umkata sik ngay tanuman at malayun tua nu e gfarugme, ay wa ban gdog ya e fakabaluun.

Esekyel 17:24

Nu katanya, fagayu ban fun kayu sumaful te, au Yawi at mafuan tangabat fag fun kayu ay mafabat talay fag fun kayu. Ay au yangay at mafayango at melo fag ngay kayu, ay at mafaelo at kinyango fag fun kayu. Au Yawi at nafatuyanan takatatuy ay namakamulun kban.”

Mateu 21:19

Ay kanya nalag sik kayu sis day dalan, ay nasanya ay narvbvy at rawvg. Ay we nalag, sas day at ngay don. Ay Isus nalong sanya fag kayu te, “Siginan katsi lag ban grawvg kabavn.” Ay arodi vtv kafag kayu nyango wan.