Isayas 1:29 - Fanawbuid tagsibaliwas Fakayabian

²⁹ Am fag ngay taw sis Erusalem, maksvn ban nung am kapla, aroro naseg wayam ngay fun kayu daul, ay fagsegun te, umke fagmanabayanun am, ay gina am gseg ay ngay tanum ay nafangayan te, yud e malong.

Isayas 1:29 ပူးပေါင်းရင်းမြစ်များ

Isayas 30:22

Amatangani te, mauri way ay nawat fag ngay fagsegan at fangawat sanbung salapi ay gintu. Ukasi wan kata sik fangarus fangigusan fag ramit ay longi te, “Deyud ya kanya!”

Isayas 31:7

Aroro umdasug ban sik menit nangukas wam ay ngay fagsegan at fangawat sanbung salapi ay gintu, ay nawat aroro siginan ay nafamaboan.

Isayas 42:17

Dewa katanya, ngay taw tagafanud sa sangay fagsegan, umkapla ban ay lumagyu.”

Isayas 45:16

Ngay takawat fagsegan umke fakaplaun.

Isayas 57:5

Ay gseg am ngay fagsegan gina am gtaladan si sangay fun kayu at marabung at lanbung, ay natuyan te, yud e malong. Ay gfon am ay ngay sisian laman ay fanggalangun si sangay fagfamiluganan mamam sis tigyangan buksul.

Isayas 65:3

Ku ngay taw nafadotama angku. Ay gfataglayun gfalag sa angku nu gseg at ngay fagsegan gina gfon at ngay fanggalangun si sangay tanuman, ay gina girug at ngay mabebanglu fag ngay lune sit ngay tungud bale.

Isayas 66:17

Yawi nalong te, “Gasfuan ban nu kabul ngay taw takamuag te, di e malong, ay tagfasine at ngay sadili siginan nu gseg at ngay fagsegan sat ngay fagtanuman. Kanya ban fagayu kabul gina kon bumbu at yamas, ay but, ay tiba yak mangilafang at natuyan te, masuya.

Eremyas 2:20

Ebi gina am gafagsuguanan, kata am sik ngay baka at ke fantungud liug ay sik ngay taw at maubungan masiukan salambitan. Ay nafalfas koma ayu, dewa katanya, wam nafaning angku. Abat ngate, naseg wayam tibak fagsegan si tangabat fag ngay buksul ay si sangay fun kayu at marabung at lanbung, ay ankata am sik takamatugtug fag mangena.

Eremyas 3:6

Gina Usyas gfunan, Yawi nalong sa angku te, “O nalag o at yud matuyan fag ngay taw Israel at nafakamulun? Kanya fagayu naseg tibak fagsegan si tangabat fag ngay buksul, ay si sangay fun kayu at marabung at lanbung. Kanya fagayu kata sik takamatugtug fag mangena.

Esekyel 16:63

Ginanya ban gamatang o am ngay asalanan ay umkapla ban o, kaugat waban nu nafalyam kwan fagayu am nafakamulun mauri, wa ban o maringang ya at kaksvnan nu kapla o. Au, Fun Dius Yawi taglong tuy.’ ”

Esekyel 36:31

Ay gamatang ban am sabaliwa ay ugali ay ay fakamulun at mauri. Nu katanya, kauri ban am ay sadili aroro sa ay ngay asalanan ay sa ay nafakamulun at masuya.

Esekyel 6:13

Ay gina ban at ngay kaiban at mabulan magamut sit ngay fagsegan, sit day fagirugan at ligung, ay si sangay buksul, ay si sangay tungud buksul, ay si sangay fun kayu tagbia, ay si sangay fun kayu at marabung at lanbung, ay fagayu kayu ensina at marabung, sat fagnangirugan gugat at ngay fagirugun at mabebanglu fag lune laman sat ngay fagsegan, sumaful te, au wan Yawi.

Usea 14:3

Ay wami get ya fanggubukun siginans Asirya, ay wa yangay mi gseg ya em ngay tagfawayan tagsakayan sis kabayu. Ay wa yangay mi gngayan ya em nawat fag ngay fagsegan te, em ngay dius. Aroro anfanyu tuo emi kata sik ngay sisian at yud e fagtainan ya.’ ”

Usea 14:8

Ngay taw Israel, ayayui wan siginans ngay fagsegan. Ay gbalus kban ay ngay darangin, ay kafanyu kyangay ayu. Ay gufud kban ayu, kata sik fun dingin nu glanbung ayu. Au yangay tagfayu ayu.”

Usea 4:13

Ay glao am sa sangay tungud fungsu ay sa sangay buksul ay sa sangay daga kayu at marabung laman namon am ay fagirugun fag ngay fanggalangun. Nu katanya, ay ngay baguina nanamataladan ngay mangama, ay ay nugang fag ngay mangena kamatugtug.

Usea 4:19

Nu katanya, sik tagridribudan ban fag tagmara namalayug anya fagayu, ay kanya ban fagayu umke fakaplaun aroro nafon ngay fanggalangun sa tibak fagsegan.”

Ruma 6:21

Nataw ay nabul siginan ay nafakamulun ebi ay fakaplaun katsi? Takatanya fag ugali at fungfung fakabulun way.