Isayas 1:27 - Fanawbuid tagsibaliwas Fakayabian

²⁷ Aroro sit kamatuyanan, furuan ban Erusalem, umlangfe, ay fagayu ban at nafababaun ay naubun at ngay asalanan umsik matuyan.

Isayas 1:27 ပူးပေါင်းရင်းမြစ်များ

Isayas 35:10

Kanya ban fagayu kafoli sas Siun galubadan. Ay nalyam wan at fakabaluun ay at fagwaywayun, ay natubus at yud e gfasud fag fagusegananun ay fagfanagsagun.

Isayas 35:9

Ay wa ban e liun ay anggan nusnge wain tagfangagat fag mangilafang at lumo sanya fag dalan, nu bunway Yawi at nafalangfe fag ngay taw.

Isayas 5:16

Dewa katanya, e sumeg Yawi at Mabalyanan aroro kanya matuyan nu gwabilug, ay namalag te, kanya at yud e malong fag Dius aroro siginan at ngay fakamulun at matuyan.

Isayas 51:4

Ku ngay taw, dungugani angku. Ku talun at ngay taw, dungugani angku. Namon au ayu ku ngay suguan, ay kanya umkata sik salung sas fagayu talun at taw.

Isayas 52:3

Katatuy Yawi tam Fun at longan: “Nafagsuguanan am yud e famayad, nu katanya, namalangfe kban ayu yud e famayad.

Isayas 54:14

Ay umkaksvn tua ban o aroro am ngay taw ban at ugali matuyan tua. Ay am ngay fawayan ban lumagyu emu, nu katanya di ban am e fakalimuun ya, ay kanya ban fagayu wa manangakbang ya sa emu laman namalimu.

Isayas 62:12

Kanya ban kangayan te, “Yud e malong fag ngay Taw” ay “Yawi at Nafalangfe.” Ay Erusalem ban kangayan yangay te, “Mauseganan fag Furuan” ay “At Yud Mabaluanan fag Furuan.”

Isayas 63:4

Nafakamulun au takatanya, aroro andasug wan fag menit nu gfaurianan au ku ngay fawayan ay nu gfalangfe au ku ngay taw.

Usea 2:19

Gtuyan kban te, am wan ku mangena kabavn. Ay namakamulun kban sa ayu at matuyan ay at kasakan. Ay kesug kban ayu ay kafanyu.

Mikas 6:5

Ku ngay taw, amatangi te, Balak talun Muab at fun nasugu Balaam, Beur at baguama, laman namauri ayu. Dewa katanya, nalong au sas Balaam te, nanlong o sik ngay mauseganan sa anya. Amatangani yangay te, naufud koma ayu gina am glao siginans Sitim sitsigons Gilgal. Ay lag kalyam at ngay kinfasludan laman sumaful am te, nafalangfe au ayu.”

1 Kurintu 1:30

Ay siginan anya ansadi tua tam sa tam Fun Isus. Ay sa antam, kanya wan Dius at fagmamatanganun, siginan anya, Dius nafalangfe antam ay natap antam te, matuyan, ay kata nu yud tam e asalanan.

2 Kurintu. 5:21

Tam Fun Isus we asalanan, dewa katanya, aroro sa antam, Dius natap anya te, sik tagasalanan, laman siginan anya Dius gtap antam kata nu yud tam e asalanan.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.