Isayas 1:21 - Fanawbuid tagsibaliwas Fakayabian

²¹ Amatangani! Ebi furuan Erusalem sik matuyan oma fag furuan, ay katsi, kata way sik takamatugtug fag mangena. Ebi ngay taw tagbanwan sanya, matuyan oma, ay katsi, sik ngay takamabul way.

Isayas 1:21 ပူးပေါင်းရင်းမြစ်များ

2 Samwel 8:15

Dabid nafunan fagdaul talun Israel ay nafakamulun at matuyan ay at maylat sas fagayu taw.

2 Krunika 19:9

Ay kanya nalong sa anya fagayu te, “Suyui tua Yawi, ay fakamuluni at matuyan sas fagdaul ay amatanganan.

Nemyas 11:1

Ginanya fag buknga, taw Israel at ngay tagfangguna gbanwan sis furuan Erusalem. Ngay taw nafafidfilian laman siginan galay safuluk talanan mesa sadik talanan, at namanwan sas Erusalem, ay at siam banwani way sit mesa furuan.

Alubad. 46:4

Siginan Tiba Tungud fag Dius at fagbanwanan, e sik liskung tagfae fagmanabayanun sa sangay taw tagsis Dius at furuan.

Alubad. 48:1

Yawi mabalyanan; masine nu gfauseganan tam anya sit furuan, sat yud e malong fag buksul.

Alubad. 48:8

Ebi nadungug yay lang mi Yawi at Mabalyanan at nafakamulun, ay katsi nalag wami at nafakamulun sat furuan. Ay kabavn Dius gfasik mogat kanya fag furuan.

Isayas 1:22

Furuan Erusalem, am sanbung salapi ankata sik gang, ay am fanlangu, anke suglat mamam.

Isayas 26:10

Dewa o kafanyu at mauri fag ngay taw, wa gugali at masine. Dewa gbanwan magamut sit masine fag ngay taw, gfataglayun yay gugat nu gfakamulun at mauri, ay wa natoglag am fagmabalyananun.

Isayas 48:2

Ay glong am te, am wan tagbanwan sit yud e malong fag furuan, ay gafanud am sas Yawi at Mabalyanan, Israel at Dius.”

Isayas 5:7

Yawi at Mabalyanan at tanuman wat ubas, ngay taw Israel wan. Ay at fagusegananun fag ngay wat ubas at bagu gtugbung, ngay taw Uda wan. Yawi at fagsegun at tanuman namasure nangus fagmatuyanun, dewa katanya, kanya fagayu nafamabul way. Ay kanya gseg yangay te, at tanuman namasure at fagyudun e malong, dewa katanya, at fakamulun, kamalingun way.

Isayas 59:14

Ay kanya wan Dius at fagyudun gfadasug faurianan sa tam ngay fawayan, ay kanya ya ngap nafon sa antam at famabo ay at fagmatuyanun. Aroro nusnga nday we fagmatuyanun ya, ay ngay taw wa masine ya fagfatigwanan.

Isayas 59:15

Anud, fagmatuyanun nalyam wan, ay fagayu tagsaruyan at mauri gafalingunan wan. Ay Yawi nalag takatanya, ay wa guseganan aroro we gfawabilugan ya.

Isayas 59:3

Gfabul am ngay taw, ay gfakamulun nusnga setaw fag ngay fagmauriun. Kamuag am ay glong at mauri.

Eremyas 3:1

Sik mangama nu naiyan wan at bubay ay at bubay nu nanangadadwa wan sa tibak mangama, kafag mangama wa masine ya gbul at bubay, aroro takatanya fag mangena gfasuya fagdaul talun. Nu katanya, am fag ngay taw Israel kata yangay am takamatugtug fag mangena. Kesug am ngayuk fagsegan. Ay takaksvn nya ay nafakamulun at mauri, tain nu manangafoli am sa angku? Au, Yawi, taglong tuy.

Usea 11:12

Dius nalong yay te, “Ngay taw Israel malayun nu kamuagan ay nu gfalingun angku. Ay ngay taw Uda anyayu wan siginan angku, Dius at matuyan ay at yud e malong.”

Abakuk 1:4

Nu katanya, am faugali we tungkul ya. Ay wa yangay e fagmatuyanun ya aroro tagfawabilugan at fagfadiugananun at ke asalanan way fag ngay taw, bunwa at yud e asalanan. Nu katanya, fagmatuyanun we tungkul ya.”

Sakaryas 8:3

Nangafoli au sas Siun, Erusalem fag furuan, ay namanwan au sanya. Ay gfangayan ban Erusalem te, at matuyan fag furuan, ay ku fagagbilugun fag buksul gfangayan te, at yud e malong fag buksul.

Lukas 13:34

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak, ay wo kaylat.

Fakamulun 7:52

Ay ngay mangaguyang nafauri Dius at taglong fagayu. Ay kanya fagayu nafabul fagayu tagfoyung te, Kadasug ban at Matuyan. Ay kanya nu ndasug nafoyung am anya sat mauri fag ngay taw ay nafabul.

Ebreu 12:22

Ay andasug am sas Buksul Siun ay sa tagleleg fag Dius at furuan, tagsis banwa fag Erusalem, nu inda at yud katap ya fag ngay tagbarita nu maful guseganan.

At Nafasure 11:2

Ay lag o namasud ya sas Dius at ligung bale, aroro sanya nafon wan sa sangay taw at yud natoglag Dius. Ay kanya ban fag ngay taw nangiklas furuan Erusalem, kaduge ufatk safulu e duak magdanun.

At Nafasure 11:8

Ay duama ban matangda way lang sisad dalan si takadungug fag furuan daul, kafag furuan nafangayan sa sik nafaydayuanan te, Suduma, ay Igiptu. Ay sanya wan fag furuan nu gtuktuk duama at Fun sas fasulungan kayu.

At Nafasure 17:1

Ay sanya ginan, kafag fituk tagbarita at ke buba fituk taya, at sadi ankakbang sa angku ay glong te, “Gewan, namalag au sa emu at faurianan sat takamatugtug fag mangena. Kanya fag mangena at masuad, kafag furuan daul at munakbang sis liskung at ke mamam gugat.