Isayas 1:2 - Fanawbuid tagsibaliwas Fakayabian

² “Au, Yawi, glong au te, am tagsis banwa ay tagsis daga, dungugani! Nalaga au ay nafagurang ku ngay sisian fag ngay taw Israel, dewa katanya, kanya fagayu kamabo way angku.

Isayas 1:2 ပူးပေါင်းရင်းမြစ်များ

2 Fun 21:22

Ay kanya natalyuyan at ngay mangaguyang at Dius, Yawi. Ay kanya wa nabanwan kata Yawi at balyawvtan.

Alubad. 49:1

Fagayu tagbanwan ste sfagdaul daga, dungugani.

Alubad. 50:4

Dius nauro banwa ay fagdaul daga laman tagfatuyan gina gfawabilugan at nafili fag ngay taw.

Isayas 30:1

Yawi nalong te, “Afanyuan ku ngay sisian takamabo. Kanya gfalganan sik ngay algan deyud gfadiuganan angku, ay nanangasadi sa tibak taw dewa yud au e longan. Takatanya at fakamulun gfayu way at asalanan.

Isayas 30:9

Aroro kanya fagayu sik ngay takamabo ay takamuagan, ay wa kaylat gdungugan ku foyungan.

Isayas 31:6

Am fag ngay taw Israel, maksvn nung am nafamabo Yawi. Afolii wan sa anya.

Isayas 34:1

Am fag ngay talun at ngay taw, akbangi ay dungugani angku. Fagdaul daga dungugani anggan fagayu tagsanya.

Isayas 63:16

O wan em Mama, dewa Abrayam ay Akub yud gtuyan emi te, at ngay kasugfunanan. Yawi, matuyan o wan em Mama ay em Tagfalangfe siginan ebi.

Isayas 65:2

Gfanya au gugat ku ngay taw takamabo ay yud gfaning at masine fag ugali, ay at fagfaningun at sadili way fakaylatun.

Eremyas 13:15

Dungugani fia ay lag am kamatungudun aroro Yawi garingang.

Eremyas 22:29

Am fag ngay tagbanwan sis talun Uda, dungugani Yawi at longan.

Eremyas 3:22

“Ku ngay sisian takamaogatun, afolii wan sa angku, ay gfalyam au ay natalyuyanan angku.” Ay kanya fagayu gbalus te, “Agvd, namaning wami emu aroro o wan em Dius Yawi.

Eremyas 31:9

Ay kaduge kban gtabanan gfauli kanya fagayu, at kaksvnan nu guseganan sak gwayway ay gdarangin. Gtaban kban anya fagayu sa sangay bulbug, ay glao ban sat masine fag dalan ay di ban kataid. Aroro au taw Israel at mama, ay Efraim ku baguama taguna.

Eremyas 6:19

Ngay taw sas fagdaul daga, dungugani! Gfadasug kban sik maksvn fag faurianan sa sangay taw tagbanwan ste, laman sik faurianan sat ngay algan. Aroro kanya fagayu wa kaylat gdungugan ku ngay longan, ay wa nafaning ku ngay suguan.

Esekyel 24:3

Sanya ginan, nanlong o sik faydayuanan sa sangay taw takamabo tagbanwan sis Israel te, ‘Fun Dius Yawi glong te, “ ‘Nantalin o mamam sas bisu,

Esekyel 36:4

Nu katanya, dungugani angku, am fag ngay fungsu, fag ngay buksul, fag ngay datag, fag ngay fagfamiluganan mamam, ay fag ngay furuan at kinrasras wan ay at mabaluanan wan, tibak talun at nafawayan ay at nafalingun.

Amus 3:1

Ngay taw Israel, Yawi nafalfas ay ngay mangaguyang siginans talun Igiptu. Dungugani at longan sabaliwa ayu:

Mikas 1:1

Katatuy Yawi at longan sabaliwas Samarya ay Erusalem at nafoyung sas Mikas fag taw Mureset ebi gina Utam, ay Akas, ay Esekyas gtudtubusan gfunan sis talun Uda. Mikas nalong te,

Mikas 1:2

Fagayu am tagbanwan sas fagdaul daga, dungugani. Aroro Fun Dius Yawi nangaringang sabaliwa ayu siginan at Bale yud e malong.

Mikas 3:8

Dewa katanya, Yawi at Falad si tua gugat angku, kanya gfon angku fagmabalyananun laman mafafasludan au at matuyan, ay gfabitsug tua ku amatanganan laman mafafoyung au te, ngay taw Israel ay taw Uda gasalanan.

Malakyas 1:6

Yawi at Mabalyanan nalong sa sangay tagfon fanggalangun te, “Sik sisian gsuyu tua at mama ay sik fagsuguan gsuyu yangay at tagfayafun. Ay am, wain ay fagyudun gsuyu angku ay au oma ay mama ay ay tagfayafun? Takatanya ay fakamulun gfauri am angku. Dewa katanya, ginto yayam te, ‘Ay setain nunda nu gfauri ami emu?’

Fakamulun 4:20

Aroro wa masine nu dway mi gfoyung em ngay nalag ay em nadungug.”

Deuterunumyu 1:31

Ay nalag yangay am, ay Dius Yawi nu gufud ayu gina am sit yud e gbanwan fag talun. Kanya naulit ayu kata sik mama nu gulit at ngay sisian, yakmay am andasug sanya fag talun.”

Deuterunumyu 30:19

Katsi fag menit guro au banwa ay daga laman tagfatuyan nu inday ay fakaylatun: leleg mannga fakabulun, ay famonun mannga faurianan. Leleg tua nangus ay fagfiliun, laman ban ngaduge tua nu gleleg am anggan ay ngay kasugfunanan.

Deuterunumyu 32:1

Banwa dungugani, garingang au! Ay daga dungugani ku ngay longan.

Deuterunumyu 4:26

Katsi fag menit nauro au banwa ay daga, laman gfatuyan te, nu dway ban am gfaning angku, wa ban ngaduge nu gbanwan am sa ay fagnangagbilugun fag daga, sas dife Liskung Urdan. Ay wa ban ngaduge nu gbanwan am sanya. Ay sanya ginan ban fagayu am umbul am.