Isayas 1:19 - Fanawbuid tagsibaliwas Fakayabian

¹⁹ Nu gfaning tua ban am angku, gfon kban ayu ngayuk gutluan siginan ay daga, laman ay fakonun.

Isayas 1:19 ပူးပေါင်းရင်းမြစ်များ

Isayas 25:6

Ste sbuksul Siun, Yawi at Mabalyanan e nafalganan sik yafun daul sas fagayu taw. Kanya nafalganan at mayayum fag ngay fakonun ay fag ngay fanginum.

Isayas 3:10

Nanlong am sat matuyan fag ngay taw te, “Anud, mauseganan am, aroro gbul ban am ay nainlufuyan siginan ay nafakamulun at masine.”

Isayas 58:14

ay nu nafafaning tua ban am takatanya, mauseganan tua ban nu gfakamulun am sa angku. Ay gfae fagusegananun kban ayu si ay talun. Namayu kban ay gutluan si ay mangaguyang Akub at nafon ayu fag daga. Umfasludan ban takatanya, aroro au Yawi taglong tuy.”

Isayas 65:13

“Nu katanya, au ay Fun Yawi, glong au te, Ku ngay fagsuguan ban gfangon tua ay ginum, dewa katanya, am ban kalunus wayam ay kadanum. Ku ngay fagsuguan ban guseganan tua, ay am ban kapla wayam.

Eremyas 21:8

“Ay nanlong yangay am sa sangay taw, Yawi at longan te, ‘Katsi, filii leleg ay mannga fakabulun.

Eremyas 7:3

“ ‘Yawi at Mabalyanan, Israel at Dius glong te, Falyami wan ay ngay ugali ay anggan ay famanwanun at yud matuyan, laman ban gfabanwan ktua gugat ayu ste fag talun.

Eremyas 7:5

“ ‘Falyami wan ay ngay ugali ay anggan ay famanwanun at yud matuyan. Ay matuyani tua fia sa ay ngay iba,

Eremyas 7:7

Nu nafakamulun tua ban am takatanya, gbanwan tua ban am gugat ste fag talun ku nafon sa ay ngay mangaguyang.

Uel 2:26

Siginan ban katsi, ngayu ay fakonun ay kapsug tua ban am gugat. Nu katanya, kabavn gfauseganan tua ban am angku. Au wan ay Dius Yawi, at nafakamulun at ngay madulo sa ayu. Ay kabavn ban, diam gafaplan.

Lebitiku 26:3

“Ay nu gfaning tua ban am fagayu ku ngay suguan ay ku ngay faugali,

Lebitiku 26:5

Nu katanya, gruyus tua ban am gugat ngay rawvg yakmay andasug fanggutluan wat ubas, ay anggan ban andasug sat fadogan fag fananuman. Ay kabavn ban ngayu tua ay fakonun, ay manabayan tua ban am si ay talun.

Agay 1:12

Ay Serubabel ay Uswe, ay anggan ngay taw Israel at kinfoli sas talun Israel siginan at fagatabananan fag talun Babilunya, nafaning tua ay nafafasludan Yawi at suguan at nadungug siginan at taglong Agay. Nu katanya, kanya fagayu gfalag te, gsuyu tua Yawi.

Deuterunumyu 28:1

Nu gfaning tua ban am fia ay Dius Yawi, ay nu gfakamulun tua ban am fagayu at suguan ku nafon ayu katsi, kanya ban gfasik talun ayu gtungud tua fagayu talun sas fagdaul daga.

Ebreu 5:9

Ay kanya nu nafakamulun wan takatanya, kanya nafon tua at yud e fakatabuan fag fakalangfean sas fagayu taw tagfaning anya.