Isayas 1:17 - Fanawbuid tagsibaliwas Fakayabian

¹⁷ Ananadi fakamuluni at masine, ay ugalii at matuyan. Ay gubuki fagayu tagafalingunan. Fasudsudani tua nu ggubuk am dewa sat yud e fagtainan ya. Ay lag gfabayan ngay fagbubayun nu gafalingunan.”

Isayas 1:17 ပူးပေါင်းရင်းမြစ်များ

Alubad. 34:14

Ayayui siginans fagmauriun, ay fakamuluni at masine. Ay ugatani rvbvyi fagmanabayanun.

Nu Galin 22:21

“Lag am gfaidapan ay ngay betaw at yud ay kaiban, aroro ebi, sik ngay betaw yangay am sis talun Igiptu.

Fangatulun 15:25

Yawi grasras takamatungudun at bale, dewa katanya, galaga tua sik fagbubayun at fagbanwanan.

Fangatulun 21:3

At matuyan fag fakamulun sik mauseganan sas Yawi gtungud yay sik ngay fanggalangun.

Fangatulun 31:9

Dangay e fagfili nu gfawabilugan o, ay gubuki tua at yud e kwa ay tagayudan.

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Isayas 56:1

Katatuy Yawi at longan, “Matuyani tua nu gfawabilugan am, ay fakamuluni at masine, aroro munakbang wan nu gfalangfe au ayu ay nu gfasure au ku fagmatuyanun.

Isayas 58:6

Ay ku fakaylatun nu yud am gfangon laman darangin, sik darangin tua ke fagmatuyanun: Faragangi wan nu gfakamulun am at mauri, ay matuyani tua nu gfawabilugan am, ay falfasi ngay tagafagsuguanan ay gubuki tagafalingunan.

Eremyas 22:3

Fakamuluni tua at ke fagmanabayanun ay at ke fagmasineun. Gubuki at nafangkamulan, ay falangfei anya fagayu siginan tagfaidapan. Lag am gfauri ay ngay betaw, ay at yud e fagtainan ya, ay anggan ngay fagbubayun. Ay lag am gfabul ngay taw at yud e asalanan.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Esekyel 18:31

Ngay taw Israel, wain ay fakaylatun kabul? Faragangi wan nu gfakamulun am at mauri, ay tubusi wan ay ugali at yud matuyan.

Esekyel 22:7

Tagbanwan si emu fag ngay taw wa gsuyu ya at ngay fagtainan. Ay tiba gfaidapan ngay taw tagsiginan tibak talun tagbanwan si emu, ay we kafanyu ya ngay fagbubayun ay at yud e ngay fagtainan ya.

Esekyel 45:9

“ ‘Au, Fun Dius Yawi, glong au te, am fag ngay tagfangguna sis talun Israel, faragangi wan ay fagmauriun. Faragangi wan nu gfauri am ay gfaidpan, ay fakamuluni tua at matuyan ay at masine. Lag am gago ya ku ngay taw at ngay daga. Au, Fun Dius Yawi taglong tuy.

Daniel 4:27

Nu katanya, mesug fag fun, dungugani ku ngay fangatulun sa emu: faragangi wan am fagmauriun, ay fakamuluni at matuyan ay afanyui at ngay tagidapan. Nu nafakamulun tua ban o takatanya fagayu, manabayan tua ban o gugat.”

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Sefanias 2:3

Ay am takamababaun ay tagfaning Yawi at suguan, akbangi sa anya. Fataglayuni nu gfakamulun am at masine ay nu kamababaun am. Bangaran ban Yawi gdiri tua ayu ginanya fag menit.

Sakaryas 8:16

Katatuy ay fagnamakamulunun: at matuyani tua ay ngay longan, ay matuyani yangay nu gfawabilugan am laman sa ay fagmasineun.

Deuterunumyu 14:29

Ay foni sa sangay taw Lebi at yud e kwa daga, ay sa ay ngay betaw tagbanwan si ay talun, ay sa sangay yud e fagtainan ya ay sa sangay fagbubayun tagsi ay furuan, laman anggan kanya fagayu gfangon yangay ay kapsug. Nu nafakamulun tua ban am takatanya, ay Dius Yawi ggubuk tua ban gugat ayu nusnga setaw ay fakamulun.

Santiagu 1:27

At matuyan fag fagafanudun at yud e malong sas Dius tam Mama at daga salubangan katatuy tua: ggubuk tam at yud e fagtainan ya, ay ngay fagbubayun nu e fagidapun, ay gdiri tua tam tam sadili laman di tam gafaylatan ste swa daga fag ngay mauri.