Isayas 1:16 - Fanawbuid tagsibaliwas Fakayabian

¹⁶ Fasinei wan ay ngay sadili kata nu gigus am. Faragangi wan nu gfakamulun am at mauri sa ku daga salubangan.

Isayas 1:16 ပူးပေါင်းရင်းမြစ်များ

2 Fun 17:13

Yawi nasugu at ngay taglong laman namararang sa sangay taw Israel ay sa sangay taw Uda te, “Faragangi wan nu gfakamulun am at mauri, ay faningi ku ngay suguan ay ku ngay foyungan tagsi ku Faugali ku nafoyung sa ay ngay mangaguyang, ku nafon sa ayu siginan ku ngay fagsuguan fag ngay taglong.”

Alubad. 26:6

Yawi, gfegus au ku daluap laman gfalag au te, kdi e asalanan. Ay gligungan au sim fagirugan fanggalangun laman nanseg emu.

Alubad. 34:14

Ayayui siginans fagmauriun, ay fakamuluni at masine. Ay ugatani rvbvyi fagmanabayanun.

Alubad. 37:27

Ubuni at mauri, ay fakamuluni at matuyan, laman kabavn gbanwan tuo sis talun Israel.

Alubad. 51:2

Falyami wan fagayu ku asalanan, ay fasinei ku amatanganan siginan ku ngay nafakamulun at mauri.

Fangatulun 21:3

At matuyan fag fakamulun sik mauseganan sas Yawi gtungud yay sik ngay fanggalangun.

Fangatulun 4:27

Ugalii at matuyan, ay ayayui siginan at mauri.

Isayas 52:11

Duksuni wan siginans Babilunya ay lag am gted nusnge wain at masuya. Duksuni wan fagayu am tagbuba ngay fagagbilugun tagsis Yawi at bale, ay masinei tua.

Eremyas 18:11

“Nu katanya, nanlong o sa sangay taw Uda ay sa sangay taw Erusalem te, ‘Dungugani! E algan au namaurianan ayu. Nu katanya, faragangi wan nu gugali am at mauri. Ay galay am at sadi ubuni wan ay fakamulun ay anggan ay ugali at mauri.’

Eremyas 25:5

Yawi naringang siginan at ngay taglong te, ‘Talyuyani wan ay ngay ugali at mauri ay ay ngay fakamulun at mauri laman ban gbanwan tuam gugat ste fag fagbanwanan ku nafon sa ayu ay sa ay ngay mangaguyang.

Eremyas 26:3

Bangaran ro kanya fagayu gdungugan yay emu ay gtalyuyan at ngay ugali at mauri. Ay kanya ban fagayu nu nafakamulun tua takatanya, kwa gfataglayun ya ku algan sa anya fagayu aroro sat ngay fakamulun at mauri.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 4:14

“Ngay taw Erusalem, talyuyani wan ay asalanan laman umlangfe tuam. Seduge ya ban nu gamatangan am sat mauri?

Amus 5:15

Saruyi at mauri ay fakamuluni at masine, ay fafasludani fagmatuyanun say ngay faginsafulan asalanan. Tiba ginan ro manga, Yawi umfanyu yay ayu, Use at ngay kasugfunanan at sawad.

Unas 3:8

Fagayu am, suluni saku ay faksvni nu gdarangin am sas Dius. Ay ubuni wan ay ugali at mauri ay anggan ay fakamawayanun,

Sakaryas 13:1

Yawi at Mabalyanan nalong te, “Ginanya ban fag menit, nanluang au bulbug at fun laman sas Dabid at kasugfunanan ay sa sangay taw Erusalem laman namalyam at ngay asalanan ay at fagmasuyaun. Namalyam kwan ngay fagsegan siginans Erusalem laman kanya fagayu wa gamatang ya. Nangaiyan kwan siginans Erusalem ngay taglong ay at mauri fag ngay falad.

Sakaryas 7:7

Katanya yangay ku longan ebi sa sangay taglong, gina Erusalem manabayan ay ngayuk taw gbanwan sanya ay gina yangay e ngay furuan sit ligung, talun Negeb ay anggan ngay buksul sas fakayabian baliwa.’ ”

Mateu 3:8

Ugalii at masine, laman gfalag am te, naubun wam ay ngay asalanan.

Fakamulun 22:16

Ay nataw am fagfanyaun katsi? Alindugi wan ay nangasurung wo, ay uroi sa tam Fun laman gfalyam am ngay asalanan.’

Ruma 12:9

Matuyani tua nu kedkesugan am. Aurii at mauri, ay esugi at masine.

2 Kurintu. 7:1

Ku fakesugun ku ngay faduksay, aroro Dius nafatuyanan tua sa antam takatanya fagayu, ubuni wan nusnge wain tagfasuya tam bilug ay tam falad. Ay kabavn ugatani tua ugalii yud e malong ay suyui Dius.

Santiagu 4:8

Akbangi sas Dius, ay Dius nangakbang yangay ayu. Am fag ngay tagasalanan, fegusi ay daluap. Ay anggan am fag ngay tagawabilugan, fasinei ay amatanganan.

1 Pedru 2:1

Nu katanya, ubuni wan ay fagmauriun ay fagfandayaun, ay fakamaninganun, ay fagfangalabianun, ay nu glong am at yud matuyan sabaliwa ay iba.

1 Pedru 3:11

Kabavn saruyi ay lag gdalan at mauri fag fakamulun, nu bunway ugatani tua banwani manabayan sas galay am at sadi.

At Nafasure 7:14

Ay nabalus au te, “Ku fun, kwa nasaful. O wan at nasaful.” Ay kanya nalong sa angku te, “Kanya fag ngay taw at nainkidapan sat maksvn fag ngay faurianan. Ay kanya fagayu nafafasine ay nafalaksi at ngay lanbung sas Tupa Riangan at taguk.