Isayas 1:13 - Fanawbuid tagsibaliwas Fakayabian

¹³ Faragangi wan nu gfon am sa angku ay ngay fanggalangun, wa ngap e tungkul. Kauri kway gayuk ay ngay famaebebanglu fag lune at ayuk. Maksvn nu kauri au ayu galay am maful sabaliwa Magdanun nu Bagu Kasure ay Famiangalay fag Menit, aroro dewa ngap am maful, mauri way ay fakamulun.

Isayas 1:13 ပူးပေါင်းရင်းမြစ်များ

2 Fun 4:23

Ay at mangama nainto te, “Wain fagkatsiun yay nu glao o? Katsi bunwa fagmafulun sabaliwa Magdanun nu Bagu Kasure ay bunwa Famiangalay fag Menit.” Ay at mangena gbalus te, “Dewa ro.”

1 Krunika 23:31

Ay kanya fagayu ggubuk yangay nu gfon ngay fagirugun fag ngay fanggalangun sas Yawi galay Famiangalay fag Menit, ay galay fagmafulun sabaliwa Magdanun nu Bagu Kasure, ay sa tiba yak fagusegananun. Ay kanya fagayu e ngay faugali nu seyuk taw Lebi at namakamulun sa kafag ngay fakamulun ay nu setain nu gfakamulun.

Alubad. 78:40

Kanya fagayu gina sis talun at yud e taw, malayun nu gfae fakabaluun Dius siginan nu kamabo anya.

Nu Galin 12:16

Gina taguna ay fafituk menit, nanmaful am laman nanseg angku. Ginanya fag duak menit lag am gfakamulun ya, falganani way lang ay fakonun. Kanya yakman lang ay fakamulun.

Fangatulun 21:27

Yawi kauri way taw mauri at fanggalangun, kaugat wan at algan nu mauri way.

Fangatulun 7:14

“Nafafasludan kwan ku fatuyanan nu namon au fanggalangun, ay si ku bale, ngayu at yamas, ku fanggalangun at nagsawadan.

Isayas 66:23

Ay galay fagmafulun sabaliwa Magdanun nu Bagu Kasure, ay Famiangalay fag Menit, fagayu am fauseganani angku.

Isayas 66:3

Dewa katanya, wa ban kata kanya nu gdama au ngay taw tagfaning at sadili fakaylatun, ay taguseganan gfakamulun at maksvn fag fagmauriun. Kanya ban fagayu dewa nafilas sik baka laman at fanggalangun, gtap kway anya fagayu te, takamabul. Ay nu nanamon ban sik tupa laman at fanggalangun, gtap kway te, kata way sik idu at nafabul. Ay nu nanamon ban at gutluan fag ngay fanggalangun, at ngay fanggalangun ban kata way bumbu at taguk. Ay kanya ban fagayu nu nairug at mabebanglu fag lune, laman gamatang angku, gtuyan kway ban te, kanya fagayu gseg way ngay fagsegan.

Takabalu 2:6

Kanya narasras at bale kata way nu sik tanum. Ay kanya nafalyam siginan sangay taw Erusalem at amatanganan ngay fagmafulun ay Famiangalay fag Menit. Ay at kaksvnan nu kadotama kanya naiyan wan ngay fun ay anggan ngay tagfon fanggalangun.

Esekyel 20:39

Fun Dius Yawi gdog yay nalong sa sangay taw Israel te, “Nu dway am kaylat gfaning angku, fataglayuni wan nu gfaning am ay ngay fagsegan. Dewa katanya, kadasug ban tibak menit wa ban am mafauri ya ku ngayan siginan nu gfon am ay fanggalangun sa ay ngay fagsegan.

Usea 2:11

Gfaragang kwan at ngay fagmafulun galay banwa, ay galay fagmafulun sabaliwa Magdanun nu Bagu Kasure, ay galay Famiangalay fag Menit.

Uel 1:14

Nanlong am sas Uda at ngay tagfangguna ay sas fagayu tagbanwan te, fagayu am loi sas Yawi at bale laman e buknga am nu yud kon, ay eti sas Yawi te, “Gubuki emi.”

Uel 2:15

Uyupi ay ngay budyung sas talun Siun ay famasaful sa sangay taw te, afuli laman e buknga am yud gfangon laman gdarangin.

Lebitiku 26:31

Nanrasras kban ay ngay furuan ay ay ngay fagnansegan. Ay kwa ban kaylat ya ay fanggalangun at anus at mabebanglu.

Malakyas 1:10

Yawi at Mabalyanan nalong yay fia te, “Am tua ban nangus at sadi tagdingding ku sakbawan bale, laman wam namae afuy sas fagirugan nu dway matuyan! Dewa katanya, kwa guseganan ayu ay kwa kaylat ay ngay fanggalangun sa angku.

Tap 10:2

“Fawati duak budyung mawatan siginans sanbung salapi, ay agbilugi kafag budyung, laman famaful ngay taw ay famafalganan nu glao.

Mateu 15:9

Nu katanya way we tungkul, dewa gseg angku, aroro at ngay foyungan siginan way ngay taw at longan.’ ”

Lukas 11:42

“Ida, am fag ngay taw Fariseu, aroro dewa am gfon at fasafuluk afud sas Dius siginan ay balanuy ay ay banglad ay fagayu ay famaebebanglu ay fakonun, nalyam wayam gfakamulun at matuyan sa ay iba, ay nu kesug am Dius. Nu ddi am nalyam at mafanud fag ngay suguan, dangay kalyam anggan talay fag ngay suguan.

1 Kurintu 11:17

Katsi ku fagnanlongun sa way baliwa nu yud au guseganan ayu. Aroro nu maful am, gfae fagmauriun way am ayu, abat ngate gfae fagmasineun ayu.

Efesu 4:30

Ay lag am gfae fakabaluun Dius at Masine fag Falad. Aroro kanya wan fakatoglagan te, masadi tuam si anya, ay tagdiri ayu anggan ban andasug Dius at falganan fag menit laman gfalangfe ayu.

Filipus 1:15

At matuyan tibak taw nu kamoyung sabaliwa tam Fun Isus galabian way ku fakamulun ay kaylat gfawayan. Ay dewa katanya tibak taw nu kamoyung, at algan matuyan tua.